وشلون حال (المملكة ) دام الخيانة من ملك

[معلومات العضو صقر بني هلال]

وشـــــلون حال ( المملـــــكة ) دام الخــــيانة من ملــك ؟!!


..................

قبل ابتدي عندي طلب .. ركّز ( طلب ) ماهو رجاء
ماأبي تجاوبني ولا تستغرب اني أسألك ..

لا تعتبر جمر الحكي من شاعرك يعني هجاء
لو كنت بهجي حضرتك .. ماخفت منّك قلت لك

هذي القصيده صنفـت في دفتري قصة رثاء
حب ِ يموت وتنولد! .. وحب يعيش ويقتلك!

ناديت لك ياما .. ولا لبيت لي وضااع النداء
مبحوح صوتي والصدى .. من كثر ماناديت لك

أقرب من ثيابي علي .. وأبعد من نجووم السماء
ورغم إبتعاادك والتعب ... أرسم طموح وأمهلك

ماكنت لي الداء .. وأنا ماكنت لـ جروحك دواء
ماعشت في دنياي لي .. عايش ولكن عشت لك

علمتك... القلب الوفي .. مااايخذلك فيه (إنتماء )
وعلمتني... كيف القسم في من تحبه .. يخذلك

علمتك إن أصل الهوى .. يرجع لكلمة ( إحتواء )
وعلمتني.... ان الهوى .. ماعاش يوم بـ داخلك


علمتك اني لك بحر ( مدّه وجزره ) لك وفاء
وعلمتني كيف انصدم وأغرق وأنا في ساحلك!!

ماتستحي..! ودامك كذا .. إفعل حبيبي ماتشاء
توي عرفت اني كثر ماأعرفك .. كنت أجهلك..!

ماكان قلبي بس لك .. وقلبك لعب دور الدهاء
وماكنت لك أقرب من أنفاسك وأقرب من هلك ؟

ماعاد تفرق غيبتك .. أو رجعتك عندي سواء
كنت إهتمامي ورغبتي .. وألحين دوري أهملك

لا صار قلبي لك وطن .. أبسألك وين الولاء ؟
وشلون حال المملكه دام ((الخيانه)) من ملك!!


إن كنت جاهل ( لعبتك قلبي ) ومافيها ذكاء
حتى الطفل ان جبت له ( لعبه ) ولاءه صار لك..


قبل انتهي عندي أمر ماهو طلب ولا رجاء
لا يشغلك ماضي انتهى .. ركز على مستقبلك....

مما لامس احســــاسي

 

 

 

 

[معلومات العضو مبارك بن شافي النتيفات]

صقر بني هلال
يسلم ذوقك وتسلم يمينك على النقل

صح لسان شاعرها وناقلها

تقبل مروري

 

 

 

 

[معلومات العضو عبدالرحمن بن فلاح آل بريك]

صقر بني هلال /

ما شاء الله إنتقاء جميل كروعة صاحبه .

سلمت اناملك وبالتوفيق لك .

 

 

 

 

[معلومات العضو نسناس الهوى]

قبل انتهي عندي أمر ماهو طلب ولا رجاء
لا يشغلك ماضي انتهى .. ركز على مستقبلك....

روعه يااخوي لاهنت

 

 

 

 

[معلومات العضو غـــادهـ بنت ناصر]

صح لسان شاعرها

وسلمت يمين ناقلها

لاهنت