قصيده في امير منطقة عسير

[معلومات العضو عبدالله بن فهد الصخابره]

مهداه الى صاحب السمو الملكي الأمير فيصل بن خالد بن عبد العزيز آل سعود أمير منطقة عسير حفظه الله

الشعر بحر إبـداع والفكـر غنـاه=والابداع يطلب من يجَـود زمامـه
من غير فيصل جزل الأمداح تنصاه=فيما احتواه الكون شرقـه وشامـه
الأمثال تسمو في سمـوه وتهـواه=والمدح ياجد فيـه غايـة مرامـه
هوايـة الشاعـر وغايتـه ومنـاه=مدح الأميـر اللـي رفيـع مقامـه
كم من فقير من عطا جـوده أغنـاه=يرجو جزاها فـي نهـار القيامـة
مثل السحاب إلى انهمل جود يمنـاه=يعطي ولا تحصى فضائل اكرامـه
مثله يحق لـه الفخـر والمباهـاه=ابن الملك واخوان نـوره عمامـه
ويوم الجزيرة ما هـوت ذا ولا ذاه=وطغى الجهل فيهـا وبنـا خيامـه
شامت لشيخ شيد المجـد وأرسـاه=دون الشريعة سل ساطي حسامـه
صبحا طلع بان السعد فـي محيـاه=وانزاح عن شبه الجزيـرة غمامـه
غيثـا نثـر وبلـه وهلـت رفايـاه=من شرق الاردن لين ساحل تهامـه
سيرة بطل والعز نهجـه وممشـاه=شيد وطن نهج الشريعـة نضامـه
عبد العزيز اللي طروقـه مخـلاه=تارد على العد الرهـاوي احيامـه
وسارو على نهجه هل المجد والجاه=حازو مـن التاريـخ ذروة سنامـه
وقاد السفينة من على العـز مبـداه=سعود زيـزوم الظفـر والشهامـة
وتاريخ فيصل ساير الكتـب تقـراه=تعلو سنام المجـد بصمـة أبهامـه
الغرب هابت سطوته تطلب ارضاه=وفرض على كل الجميع احترامـه
ومرحوم يا من حبه الشعب واغلاه=خالد وريث المجـد راع الزعامـه
ارسى الامن واعطا المحبة رعاياه=يعلـو محيـاة الرضـا وابتسامـه
وفهد سمع صوت المنـادي ولبـاه=قال احتزم يا سعد منـي احزامـه
الدار يا من من هل الغـدر بحمـاه=لبى نـدى جـاره وحقـق مرامـه
واليوم كمل سيـرة المجـد وبنـاه=رمز العدل والطيـب والاستقامـه
صقر العروبة سيرته تذهل أعـداه=من خلقته تسبـق فعولـه كلامـه
أطهر وطن واسماه واصفاه وأنقـاه=مهبط وحي نوراً يزحزح ضلامـه
يـا سيـدي بقـول شـي حفظنـاه=في واقع يفـرض علينـا التزامـه
زرع الولا بالدم الأحمـر سقينـاه=يبقـى الوفـا فينـا ليـوم القيامـة

 

 

 

 

[معلومات العضو شافي بن راشد النتيفات]

صح لسانك ياشاعر الوطن وابيض وجه

ويستاهل الامير فيصل بن خالد ما قيل فيه ( امير الشعر )

 

 

 

 

[معلومات العضو راشد سفر النتيفات]

صح لسانك ويستاهل امير منطقة عسير

 

 

 

 

[معلومات العضو عبدالله بن فهد الصخابره]

شافي
سفر
مروركم شرف شرف الله مقداركم وصح الله ابدانكم

 

 

 

 

[معلومات العضو محمد بن سالم الخضراني]

ابن العم الغالي

عبدالله بن فهد الصخابره

صح بدنك والجزاله في مفردات قصائدك دئما


سمو الامير الملكي فيصل بن خالد يستاهل المدح والثناء وهو المحفز لشعر والشعراء في المملكه

تقبل مروري وتقديري

 

 

 

 

[معلومات العضو عامر النتيفات]

اخي عبدالله بن فهد

صح الله السانك على هذه الابيات

والممدوح يستاهل ما قلت فيه فهو حقيقه من الداعمين

للشعر والشعراء

 

 

 

 

[معلومات العضو بدر سلطان التمامي]

صح السانك ويستاهل امير عسير عسى عمره طويل