الـنـاقـة الـلـي تـنتـخـي تـالـي الـليـل

**معلومات** **العضو** · 21-07-2009, 10:18 AM

قصيدة قلتها في حادثة نفوق الابل عندنا في الدواسر

وقد كان لخادم الحرمين وقفة لاتنسى مدى الحياة

في الوقوف معنا والتعويض الذي اراح الكثير.

الناقة اللي تنتخي تالي الليل =قتلت بلاذنب وسابق خطيه
هل قوم صالح عندنا باخر الجيل=سجل بها عند الدواسر قضيه
في نعمة الاسلام ذكر وتهليل=عودت يالمجرم بذبح المطيه
ياما حميناها على ظمر الخيل= وما همنا جمع وخوف المنيه
ترعى من المخظار في طارف السيل= تمشي بامانن في ديار خليه
نهوى الخطر في حبها شربنا الهيل= نهدي لها شيخان نجد هديه
دواسر بالفعل والاسم تعليل= شمس الدجى حيه وذا اليوم حيه
من كالنا بالشر نوفيه بالكيل= اهل الشجاعه والنفوس الابيه
كرمان لوقلت علينا المحاصيل= ونشحم غروس ن وليدي خليه
تشهد لنا القيمان صبح مع ليل =وحنا بعد سعد الخوي في خويه
بقصر كلامي مانبي زود تطويل =حنا هل الطالات دين وحميه
في نعمة الاسلام ذكر وتهليل= عودت يالمجرم بذبح المطيه

**معلومات** **العضو** · 21-07-2009, 10:34 AM

الاخ العزيز والشاعر الكبير " نادر الناهشي :

مـرحـبـاً ترحـيـبـةٍ تـخـضـر بـيـابــس الــــورق

مرحـبـاً مــن بــاب نـجـران إلــى بـــاب الـشــام

صح الله السانك وعتلا شانك وزاردك الله رفعةٍ في قدرك

الله الله على هذي القصيده التي تخطف الاباب وتدخل في القلوب

بما تحمل من معاني في طياتها وما تحمله من جزاله في كلاماتها

اخي نادر جعل من ارثك في الجنه وعسى عمرك طويل على طاعته

والله يوفقك ويسرلك امرك ويهنيك في عمرك.....

وافي جعلك تحيا بهذا القصيد الجزل

تقبل تحياتي وتقديري واحترامي في مقامك العالي

اخــوك / فــهـــد الــغـــريـــري,,,

**معلومات** **العضو** · 21-07-2009, 10:49 AM

صح لسانك

شاعرنا الكبير

نادر الناهشي

**معلومات** **العضو** · 21-07-2009, 10:58 AM


	أرحب أرحب يا نارد وبيض الله وجهك على هذي القصيدة والله ثم والله انك شاعر كفو تستاهل والقصيدة جزله ومن شاعر جزل ولاهنت يالغالي على الطرح الراقي الذي يسعد من يقراه ويفرح من يسمعه والله يبارك فيك ويوفقك الى ما يحبه الله ويرضاه ودمت بحفظ الرحمن ...

**معلومات** **العضو** · 22-07-2009, 12:02 AM

الشاعر نادر الناهشي

حيه وحي الابداع القادم معك

صح لسانكـ على هذه الجزله القويه الحبك والمفردات

تسلم على طرحها وإمتاعنا بقراتها مع جزيل التقدير

**معلومات** **العضو** · 22-07-2009, 12:12 AM

صح لسانك يا نادر الناهشي على القصيدة المميزة....

**معلومات** **العضو** · 22-07-2009, 12:36 AM

**معلومات** **العضو** · 22-07-2009, 07:50 AM

اقتباس:

المشاركة الأصلية كتبت بواسطة فهد الغريري

الاخ العزيز والشاعر الكبير " نادر الناهشي :

مـرحـبـاً ترحـيـبـةٍ تـخـضـر بـيـابــس الــــورق

مرحـبـاً مــن بــاب نـجـران إلــى بـــاب الـشــام

صح الله السانك وعتلا شانك وزاردك الله رفعةٍ في قدرك

الله الله على هذي القصيده التي تخطف الاباب وتدخل في القلوب

بما تحمل من معاني في طياتها وما تحمله من جزاله في كلاماتها

اخي نادر جعل من ارثك في الجنه وعسى عمرك طويل على طاعته

والله يوفقك ويسرلك امرك ويهنيك في عمرك.....

وافي جعلك تحيا بهذا القصيد الجزل

تقبل تحياتي وتقديري واحترامي في مقامك العالي

اخــوك / فــهـــد الــغـــريـــري,,,

مرحبا ومسهلا يافهدوالله يبيض وجهك

وكلامك الطيب من معدنك الطيب الوافي ياوافي

يااللي علومك كلها جزلة .ولاهوب والله مجاملة..بل بما

لمست منك من سنين وهذا ان دل على شي فانما يدل

على ان الرجال في اماكنهم..وانت والله يهنى بك المنتدى

من غير نقص في اخواني .. ولكنها حقيقة يجب ان نبينها

ويبينها كل رجل مسؤل عن كلمته.. بيض الله وجهك

وماعليك زود وشهادتك اعتز بها..وسلملي على اخوتك

جميعا وعلى جماعتك..دمت بخيرووفقك الله

**معلومات** **العضو** · 22-07-2009, 07:54 AM

ارحب يادوسري مكه والله لايهينك وشكرا على مرورك يالغالي

**معلومات** **العضو** · 22-07-2009, 07:58 AM

اقتباس:

المشاركة الأصلية كتبت بواسطة دغش محمد الدوسري


	أرحب أرحب يا نارد وبيض الله وجهك على هذي القصيدة والله ثم والله انك شاعر كفو تستاهل والقصيدة جزله ومن شاعر جزل ولاهنت يالغالي على الطرح الراقي الذي يسعد من يقراه ويفرح من يسمعه والله يبارك فيك ويوفقك الى ما يحبه الله ويرضاه ودمت بحفظ الرحمن ...

ابومحمد الله يحييك ويمحق شانيك وماعليك زود

والله يبيض وجهك تحياتي وتقديري مع خالص المحبه

يالذرب دائما..وفقك الله

**معلومات** **العضو** · 22-07-2009, 08:06 AM

اقتباس:

المشاركة الأصلية كتبت بواسطة نايف الخييلي

الشاعر نادر الناهشي

حيه وحي الابداع القادم معك

صح لسانكـ على هذه الجزله القويه الحبك والمفردات

تسلم على طرحها وإمتاعنا بقراتها مع جزيل التقدير

اخي نايف

يامرحبا يالغالي وصح بدنك وشهادتك افتخر بها

والله يبيض وجهك ..لك مني الاحترام والتقدير

**معلومات** **العضو** · 23-07-2009, 06:22 AM

كفو كفو يالنادر موقف مؤثر وقصيده تستحق الاشاده..

صح الله لسانك وبيض الله وجهك طال عمرك..

تقبل تحياتي،،

**معلومات** **العضو** · 25-07-2009, 03:09 PM

اقتباس:

المشاركة الأصلية كتبت بواسطة بدر بن صقر العجالين

كفو كفو يالنادر موقف مؤثر وقصيده تستحق الاشاده..

صح الله لسانك وبيض الله وجهك طال عمرك..

تقبل تحياتي،،

بدر صح لسانك واعتلى شانك وافي وماعليك زود

احترامي لك يالغالي

**معلومات** **العضو** · 26-07-2009, 12:01 AM

الله الله عليك يالناهشي

قصيده قويه ورائعه من روائعك

تحياتي لمداد قلمك وفكرك الجزل

**معلومات** **العضو** · 26-07-2009, 07:38 PM

نادر الناهشي

فقد أمتعتنا بتلك الألوان والنصوص الزاخره

الجميله والمبهره فكل لون له معنى

شكرا لك شاعرنا

ودمت متآلقاً

ومزيد من هذا الضي

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية