محاورة حمدان العصيمي و المسعري بدون ردود

[معلومات العضو majid aldosari 11]

السلام عليكم ورحمة الله وبركاته

مساكم الله بالخير

هذه المحاورة التي جرت في منتدانا الغالي بين الشاعرين :

تريحيب المسعري الدوسري
و
حمدان العصيمي العتيبي

يامرحبا بك يالعصيمي في محـلات الرجـال = في حله اهل الجود يوم الضيف مايلقاء عشاه
للضيف عند الدوسري حشمه وقدر وطيب فال = مجداً بنوه اجدودنا واللي زرع زرعـه جنـاه
دام البقاء ياأهل الوفاء والجود من ماض الليال = أقولهـا واطولهـا واللـي ورى قلبـي وراه
المسعري لوشب ناره فالطويل مـن الجبـال = يمكن يقول الموت ياحمدان أخير من الحيـاه
النار لو شبـت نعمرهـا كـلام بـلا جـدال = الله يبارك للعرب ياشيـخ ف.بشـوت الغنـاه
ان كنت قاري للحديث يزول عنـك الاحتمـال = اعرف حديث المصطفى واعرف بعد منهو رواه
أنته موكّل فيه مهمه والمهمه لاتزال = حدّد مسار البوصله واتعب على كل اتجاه
وان كان تبغى الصدق لاتاطى على الجرف الهيال = كم واحدٍ زلّت به أقدامه وضيّع مستواه
السلعه اللي ما اشتراها تاجر السوق ابريال = انا اشهد انها فالبلاد من الخليج اليا السراه
والمشكله محداً يناضر للحـرام وللحـلال = موجز خبر نشره وتفصيله نهايه منتهـاه
مافيه تاجر يشتري ويبيع مالـه راس مـال = أحدٍ عطاه الله واحد من قشر حضه ماعطاه
أقلط مقاليط الوفا واصبر مثل صبر الجمال = بعض القضايا حلها يصعب على كل القضاه
احدن وقف دون الهدف واحدن رقاء رؤوس الجبال = واحدن نزل في جم بئرواحد من تحـت الحصـاه
خبـر عتيبـه يالعصيمـي لايمسـون الحـبـال = يازين وسع بطانها لوكـان تمشـي فـي حفـاه
مافيه شك الفرق واضح فالعمامه والعقال = مار الزمان يديرها ويحطها تحت الرحاه
ربعي عتيبه كان ماتدري مواقفهم ثقال = رجالهم يمشي على البيداء بعز ولاعلاه
والله وسبع انعام فعتيبه كريميـن الخصـال = لاكن لاتسري بليـل ماحـدن غيـرك سـراه
ان كان حمدان العصيمي مارقاء رؤس الطوال = ينزل عن المشراف غيره من سنين قد رقـاه
بالله كم كيلو متر بين أهل صنعا والشمـال = عطني نتيجه وافيه والرجل يعرف من وفاه
بعض السوالف تخلف الانظار وتثير السوال = لكن يالرامي توقـع مـن نواجيـل الرمـاه
اركب على التكسي وكيلها هـذا ماهـو محـال = وامسك طريق اهل اليمن واحذر من الدرب وبلاه
بعض السوالف مثل حد السيف في يوم القتـال = والرامي الماهر يحول فـوق جمهاتـه حصـاه

 

 

 

 

[معلومات العضو عبدالرحمن الشرافي]

ماجد المسعري


الله يعطيك العافيه ويبيض وجهك وماقصرت

يـــــا الــــســــنــــافـــــي

على هذا التنسيق الرائع والجميل


فـــ بيض الله وجهك و وجه الشعراء اللذين أمتعونا وشرفونا في هذه المحاورة

و وجه الحضور والصفوف





وتقبل فائق التحية والتقدير

 

 

 

 

[معلومات العضو majid aldosari 11]

عبدالرحمن الشرافي

وووجهك أبيض وأنا ما سويت إلا الواجب 0

 

 

 

 

[معلومات العضو مصيول]

محـاوره قويه فيها الغاز واجد

والله لا يهينهم وبيض الله وجيهم

 

 

 

 

[معلومات العضو أبونواف الدوسري]

الأخ ماجد الدوسري

مجهود طيب تشكر عليه .

عسي الله لا يخلينا منك.

أخوك أبو نواف الدوسري.

 

 

 

 

[معلومات العضو فارس الكلمه]

الله لايهينكم وبيض الله وجيهكم


فارس الكلمه

 

 

 

 

[معلومات العضو مبارك الخييلي]

الله لايهينكم وصح أللسانك جميع
تقبلو الشكر جميع
مبارك الخييلي

 

 

 

 

[معلومات العضو يحيى الودعاني]

لاهنت يالذيب

و بيض الله وجهك

 

 

 

 

[معلومات العضو ال مسن]

لاهنت اخوي ماجد على نقل المحاورة الطيبة
والله يقوي شاعرنا المسعري ويبيض وجهه

 

 

 

 

[معلومات العضو ولد ودعان]

لاهنت اخ ماجد على المحاوره الجميله

تقبل تحياتي اخوك

ولد ودعان

 

 

 

 

[معلومات العضو عبدالله بن قويد]

الأخ ماجد الدوسري

مجهود طيب تشكر عليه .

عسي الله لا يخلينا منك.

 

 

 

 

[معلومات العضو عبدالله الحافر الغييثي]

للرفع

وصح لسان ابو خالد على الجزالة ولاهان الشاعر حمدان العصيمي