الوفا اهديه لأهل الوفا مع التحيه والتقدير عسى ن تحوز على استحسانكم ورضاكم

**معلومات** **العضو** · 11-01-2006, 07:20 PM

انا الوفا مخلوق معي وشربته=بكأس عز وشاع بالخلق صيته
ورث ورثته من جدود ورغبته=وثوب الشكاله ضافي وارتديته
وخطام المراجل في يميني قضبته=ولو دربها كله هلاك مشيته
فالطيب مركوبي بكيفي شعبته=حر اسوقه لو انا ما امتطيته
نوخته بفعلي وغصب ركبته=ومن نهاية فعل غيري بديته
ما مدته يمناي ما اذكر حسبته=وما يذكر اني قلت هذا عطيته
بحبر الشرف صك التواضع كتبته=وبرجوى الآله انا لغيري قريته
وان جار وقتي واعتزى ما طلبته=ابا اصبر ولو طال الصبر ما رجيته
بنفس عزيزه حقها ما سلبته=تروم المعالي في طموح ارتضيته
وان كل عزمي بالكرامه ندبته=وذكرته بورث الجدود ونخيته
فالذل لو هو جنتي ما قربته=هو قد نساني يوم انا قد نسيته
والا الردى من قبل ما اكتب شطبته=ومن هو نواني به بطيبي جزيته
من طيب ذاتي بالجميله غلبته=وطوقت عنقه بالجميل ولويته
لأجل الحشيمه وش علي ان وهبته=ما دامني في طيب فعلي اعتليته
هو واقعي ما هو بدور لعبته=وعلى متين الساس علمي بنيته
ودليل قولي صيتي اللي كسبته=ولا عاش هرج بالفعل ما احتميته

**معلومات** **العضو** · 12-01-2006, 02:58 AM

فالذل لو هو جنتي ما قربته

هو قد نساني يوم انا قد نسيته

تسلم يا وسام العصا

تقبل سلامي،،،

**معلومات** **العضو** · 12-01-2006, 10:31 PM

السلام عليكم ورحمة الله وبركاته

وسام العصا

الله يذل اعداك ويعز راسك

فالذل لو هو جنتي ما قربته = هو قد نساني يوم انا قد نسيته

وااافيه من وااافي

سجل اعجابي ومتابعتي

لاهنت

**معلومات** **العضو** · 12-01-2006, 10:53 PM

اقتباس:

المشاركة الأصلية كتبت بواسطة ماجد المهنا

السلام عليكم ورحمة الله وبركاته

وسام العصا

الله يذل اعداك ويعز راسك

فالذل لو هو جنتي ما قربته = هو قد نساني يوم انا قد نسيته

وااافيه من وااافي

سجل اعجابي ومتابعتي

لاهنت

السلام عليكم ورحمة الله وبركاته

وسام العصا

ما أزود على الربع
وأقول زي ماجد

**معلومات** **العضو** · 12-01-2006, 11:33 PM

اشكركم على المرور جميعا وعلى ما خطت اناملكم من اطراء تقبلوا تحياتي
اخوكم وسام العصا

**معلومات** **العضو** · 13-01-2006, 11:55 PM

وسام العصا..

طلاتك بهيه وابياتك وفيه..

لاهنت وصح لسانك على الكلمات الجزله..

**معلومات** **العضو** · 14-01-2006, 12:16 AM

الله لا يحرمنا من القروم شرواك اسرفت بمدحي شاكر ومقدر مرورك والتعليق يالقرم

وسام العصا

**معلومات** **العضو** · 14-01-2006, 12:41 AM

صح لسانك
وبيض الله وجهك

**معلومات** **العضو** · 14-01-2006, 01:08 AM

ووجهك ابيض يايحي وطيب الله فالك
وسام العصا

**معلومات** **العضو** · 14-01-2006, 02:10 AM

لأجل الحشيمه وش علي ان وهبته

ما دامني في طيب فعلي اعتليته

هو واقعي ما هو بدور لعبته

وعلى متين الساس علمي بنيته

ودليل قولي صيتي اللي كسبته

ولا عاش هرج بالفعل ما احتميته

الشاعر /وسام العصا

صح لسانك

وبيض الله وجهك

وقولك

وماهي غريبه ياكريم السبايا،،، ورثك من العود المحنك ورثته

الجود يظهر في جميع المزايا،،، وعز الله انك يالسنافي ملكته

وسامحني على القصور

ولك بالغ شكري وتقديري

**معلومات** **العضو** · 14-01-2006, 11:23 AM

السلام عليكم ورحمة الله وبركاته

الشاعر /وسام العصا

صح لسانك ملايييييييييييييييييييييين

وبيض الله وجهك ياذيبان

عاطر التحايا

**معلومات** **العضو** · 15-01-2006, 10:30 PM

اخوي / مطلق آل عمار
ووجهك ابيض يالعماري سبقتني بالطيب والله يعين على رده
تقبل هذه الأبيات وان كانت دون المستوى ودون قدرك

يامرحبا بك عد كل البرايا=واعداد ما نجم بعيني رمقته
انت الذي بالعز سقت المطايا=وانت الذي بالطيب كل سبقته
طيبك ورثته يوم غيرك بقايا=ومحد يلوم النفس لو ما لحقته
ترثة قروم ما تهاب المنايا=دواسر عدوهم شان وقته
ياعل تسلم من جميع الرزايا=وقدرك زما من دون شك وفرقته

**معلومات** **العضو** · 15-01-2006, 10:35 PM

الأخ/دغش البطي
صح بدنك وتسلم ذخر ياتاج رأسي وعاجز عن الشكر لك ولجميع مسئولي واعضاء المنتدى والمشاركين والزوار تحياتي لك ولهم
وسام العصا

**معلومات** **العضو** · 04-02-2006, 12:19 AM

فالذل لو هو جنتي ما قربتـه
هو قد نساني يوم انا قد نسيته

صح لسانك ووجهك ابيض

**معلومات** **العضو** · 17-03-2006, 01:39 AM

اقتباس:

المشاركة الأصلية كتبت بواسطة عبدالله الصليبي الحقباني

فالذل لو هو جنتي ما قربته

هو قد نساني يوم انا قد نسيته

تسلم يا وسام العصا

تقبل سلامي،،،

استاذي / عبدالله

تبقى ياعزتي ويسلم راسك

لا هنت على المرور والتعليق

ارجوا المعذره لانني لست متمكن من استخدام الجهاز بالشكل الصحيح ولم ينزل الرد

ساعة طرحه.

اخوك / وسام العصا

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية