قصيده للوطن وللزملاء الاعزاء

[معلومات العضو عامر النتيفات]

للوطن حقوق وواجبات علينا ومهما كتبنا ونظمنا فلن نوفيه حقه والشعر رساله وله دور مؤثر في شتى المجالات اهمها الدين ومن ثم ولاة الامر والوطن وهذه القصيده بمناسبه طله خادم الحرمين غدا بكلمه يلقيها لشعبه الوفي المخلص

وطنا وطنا اليوم يومه لـــنا محتــــاج=لوقـــفاتنا كـــل بـــجهــده ومــــذخـــوره
واذا ما وقفنا وقـــفه تكسر الامـــواج=امــــواج تبي تـــغرق بلدنا ودســـــتوره
فعزالله انا في خــطر والـــفتن افواج=يثيرونهــا انجـاس ذليـــله ومســــعــــوره
تلقى الاوامرمن هل المذهب المنعاج=من قـم المجوس وخـــاين الداربـجـحـوره
يحرض على الفتنه ويعلن لها الهراج=هروجـه جهوده من سمعها كتشف زوره
مع شلة تمشي معـــه كنها الانعــــاج=تحين لها فرصــه وبتموت مـقهــــــــوره
يحسبون شعب عاهد الواحد الفراج= يخون العهد ويبوق بيـعته اخـــــو نــــوره
و لا الشعب للحاكم يعده وسام وتاج=وبيـــعه وفـــا مـاتعرف البـــوق والـــبوره
فتنهم وءدنــاها بلا قــــوة وزعــــاج=وراية بلدنا نــموت وتــــدوم منصـــــوره
وطنا وطنا مهبط الوحي منصى الحاج= به اطهر بقـــــاع الكون كله وديـجوره
به افضل بيوت الله وهو قبلة وسراج=تـــهفــــو له قلوب امة محمد ومــــأجوره
وطنا وطنا غير الاوطان منه انباج= شعاع الهدى والنور والعــدل في ســــوره
وطنا وطنا شرع ربي له المنهــــاج=وغـيره شــــريعـــتهم قوانـــين منــــشوره
ملوكه تخدم الدين واللي يخدمه ناج=وهذا اكبر اوســـام لهم وبه مشهـــــــــوره
هموم المواطن همهم قالها هـــداج =وهــــداج ريف الشعب عونـه ودكـــــتوره
يقول ابشروبالخير راحتكم اهي علاج=يــالله دره حاكـــــم هــــــذي شـــــعوره
وشوفته تكفي الشعب وتطفي الوهاج= اللي سببه باسه عســـى باســـــه طهوره
امان او امن راحه ونعمه وكل ساج=ولـــو مانلاقي غيرها الــــنفس مسروره
باب الجمهره في المملكه مغلق بسياج= مسيرات تجــــلب شر تردع ومحظوره
ديوان اليمامه للشعب مااغلق بمزلاج=ومــكتب حبيب الشعب مفتوح وقصوره
ليه امظاهرات وليه رجه وليه ازعاج=مايرضى بها الا حــــاقد ينشر اشروره
ومادمت شاعرحب داري بجوفي لاج=ابــــــحث شعار الوطن كل(ن) اودوره
بيبان الغزل والمدح تغلق بدون احراج=لها وقت ولها اجوا تناسب ومخــــبوره
نبي كل شاعر ينهمر هاجسه سـهاج = بقصيد مخصص للوطن حسب منظوره
سلاح الشعر فتاك لا ضبط الانـتاج=وتنقاه تفاق وجابه مــــــن بحــــــــوره
يأثر على العربان لازماتهم مخراج=وفي المعركه لــــــه دور ما غر جمهوره
وشاعر قصر شعره عن ابلاده الادارج=يقفل على شعره بها افضل من ظهوره
هذا رايي وقلته ولانيب عنه هــــــاج=ولا اظن يخرج عاقل الناس من طوره

 

 

 

 

[معلومات العضو مبارك بن شافي النتيفات]

صح لسانك يابوعبدالرحمن وعسى الله يحفظ ابومتعب ووطنا الحبيب

تحياتي وتقديري

 

 

 

 

[معلومات العضو شافي بن راشد النتيفات]

ارحب يابوعبدالرحمن وصح لسانك ولايستغرب عليك الابداع
وعسى الله يطول عمر ابومتعب ويحفظه من كل سؤ

 

 

 

 

[معلومات العضو عامر النتيفات]

الاخ الغالي ابوشافي

لاهنت على تواجدك ومرورك الذي اسعدنا

تقبل شكري وتقديري

 

 

 

 

[معلومات العضو عامر النتيفات]

الأخ العزيز والشاعر القدير شافي بن راشد


مجرد مرورك وتواجدك هذا مكسب يشرفنا ويسعدنا

ولا عليكم زود في الابداع

 

 

 

 

[معلومات العضو خالد المشاويه]

صح الله السانك يابوعبدالرحمن واعتلا شانك

لاهنت والله يعطيك العافيه


جزيل الشكر والتقدير

 

 

 

 

[معلومات العضو فهد المقابله]

صح الله السانك ياعامر واعتلا شانك

وعسى الله يطول عمر ابومتعب على الطاعه

لاهنت والله يعطيك العافيه