عيشة أول

[معلومات العضو مصعب الدوسري]

بسم الله الرحمن الرحيم

السلام عليكم ورحمة الله و بركاته

يسعدني مشاركتكم بهذه القصيده

و إن شاء الله تعجبكم

ما بين رفع الصوت و جر المواويل = و ما بين بدع الشعر و نظم القوافي
البارحه ما نمتنا ساهر الليل = الهم خيم فوق راسي و طافي
ذكرت عيشة متعبين المعاميل = أهل السيوف اللي صقال و رهافي
أهل الكرم و الطيب ذباحة الحيل = اللي نواياهم حسان و نظافي
هذاك جيلٍ راح وأهله مشاكيل = اهله مناعير و به الخير ظافي
بيت الشعر و العز و الجود و الخيل = وزودٍ على ذلك نفوس خفافي
جيلٍ تبدل يا النشاما له بجيل = عسى الله المعبود ربي يكافي
امن اولٍ تلقى اشقر البن و الهيل = و محبةٍ بين العرب و اعترافي
و تلقى العلوم اللي كما طلعة سهيل = و الامن و الامان و الجو صافي
واليوم قل وشحت ابه المحاصيل = و البن بدل يا عرب له بكافي
الله يا دنيا العنا و البهاذيل = دنيا دنيه يا الله انك تكافي
اللي ما هو خيال ما يعرف الخيل = انا اشهد انه واضح الاختلافي
يا الله يا منشي صدوق المخاييل = عز الشجاع اللي حبيبٍ سنافي
يا الله طالبك الهدى و التساهيل = انت الإله اللي تعرف الخوافي

و سلامتكم

الشاعر : مصعب الدوسري .

 

 

 

 

[معلومات العضو ابن وتيد السباعي]

يا الله يا منشي صدوق المخاييـل=عز الشجاع اللي حبيـبٍ سنافـي

امين

الله صح لسانك يالقرم وانشهد انك صدقت في كل بيت تقوله والزمن هذا حصل به اختلافي يالله الكافي

لاهنت يالقرم وقصيده جزله من شاعر جزل

ويشرفني اني اول من عانق هذه الرائعه

لك اجمل وارق تحيه

من اخوك/ ابن وتيد السبـــــــــــاعي

 

 

 

 

[معلومات العضو سالم بن صمهود]

بيت الشعر و العز و الجود و الخيل

الله يرحم الصحاب هذى الرموز وصح الله لسانك يامصعب

 

 

 

 

[معلومات العضو مصعب الدوسري]

أبن و تيد السباعي

صح بدنك يا القرم

الله لا يهينك على المشاركه

 

 

 

 

[معلومات العضو مصعب الدوسري]

سالم بن صمهود

صح بدنك و الله لا يهينك

 

 

 

 

[معلومات العضو احمد شوعي]

ياسلام ياسلام

صح لسانك ولا هنت يالقرم

جزله من راس جزل

لنا موعد في المحاوه انا وانت يامصعب

 

 

 

 

[معلومات العضو راشد المسعري]

الشاعر: مصعب الدوسري

صح الله لسانك يالذيب على القصيدة الجزلة وعسى الله يرحم الحال ويديم الترابط بين الأحبة والأقارب مثل الزمن الماضي يوم القلوب نظيفة ، وتسلم على طرق هذه الموضوع القيّم ولك الود والتقدير ،،،

 

 

 

 

[معلومات العضو مصعب الدوسري]

أحمد شوعي

راشد المسعري

صحت ابدانكم

و الله لا يهينكم على المشاركه

و شكراً

 

 

 

 

[معلومات العضو عبدالله الدوسري]

مصعب الدوسري



مرحبا بك


و ألف صح لسانك




كل الود،،،،

 

 

 

 

[معلومات العضو أبونواف الدوسري]

الأخ الشاعر مصعب الدوسري

صح الله لسانك يالذيب على القصيدة الجزلة وعسى الله يرحم الحال ويديم الترابط بين الأحبة والأقارب

مثل الزمن الماضي يوم القلوب نظيفة ، وتسلم على طرق هذه الموضوع القيّم ولك الود والتقدير ،،،

أخوك أبو نواف الدوسري

 

 

 

 

[معلومات العضو فيصل بن جزاء]

الأخ الشاعر مصعب الدوسري

صح الله لسانك يالذيب على القصيدة الجزلة وعسى الله يرحم الحال ويديم الترابط بين الأحبة والأقارب

مثل الزمن الماضي يوم القلوب نظيفة ، وتسلم على طرق هذه الموضوع القيّم ولك الود والتقدير ،،،