بين اليمامة والشفا ؟؟؟

[معلومات العضو مشعي بن بريكان]

موقف عايشته وقصة حقيقة حاولت أن اصورها من خلال هذه القصيدة وكان ذلك عام 1411هـ ( تاريخ القصة والقصيدة ) في مدينة الرياض .

بين اليمامة والشفا شفـت رجـال=شيخٍ كبير السـن للـدرب سالـك
شفته على الرجلين والحظ به مال=والجو معتم واسود الليـل حالـك
قلت اساله عن قصة يابـن هـذال=ركبتناه وقلـت لـه وش جرالـك
وش قصتك تمشي وحيدٍ على الجال=وين الصديق اوين طيـب عيالـك
حشرج بصدره صوت يشبه لزلزال=ثم قال وش بتفيد شخصٍ حكالـك
قلت اذكر الله واشرح الحال ياخال=ومايكتبـه رب المخاليـق نـالـك
قال الصداقة شرطها كثـرة المـال=الناس تقرب منـك لاكثـر مالـك
هذا زمن عسعوس ياطيـب الفـال=وقتٍ غدا مخبـاك عمـك وخالـك
وعيال هذا الوقت من ساقط المـال=صار العقوق أهون جزا ينجزالـك
لكن اشوف الوقت للنـاس عيّـال=والفرق واضح بس مالـي ومالـك
ناسٍ على الرجلين تمشي بلا نعال=ونـاسٍ مراكبهـا بنـوز وكدالـك
فيالله أنا طالبك يـا معـدل الحـال=انـك تساوينـا عليـهـا كـذلـك
حتى نعيش بخيـر ونريـح البـال=ولا نتساوى كلنـا فـي المهالـك

 

 

 

 

[معلومات العضو ( المثنى الدوسري )]

أقسم بالذي رفع سبع وبسط مثلها أنك شاعر

سأقرأها مرات ومرات

صح لسانك يالشاعر الكبير مشعي بن بريكان الشكره

 

 

 

 

[معلومات العضو أبو سعود الودعاني]

صح الله لسانك مليون

والله المستعان على ماوصلت به الحال في زماننا هذا من الهجران والعقوق

تقبل خالص ودي

 

 

 

 

[معلومات العضو فيصل بن جزاء]

صح السانك على ذالجزله شاعر المواقف مشعي بن بريكااان

لاهنت وبيض الله وجهك ولاتبطي علينا بجديدك يالقرم

تقبل خالص التقدير والاحترام

 

 

 

 

[معلومات العضو راشد المسعري]

الشاعر القدير: مشعي بن بريكان

صح لسانك وسلم فكرك على هذه القصيدة الجزلة والهادفة ، في انتظار مثيلاتها من القصائد الجميلة والمنتدى يفخر بوجود شعراء كبار مثلك ولك مني أجمل الود والتقدير ،،،