لاد المنيعي محتمين الجهاما

[معلومات العضو راشد المسعري]

وجه الشاعر فهد بن فهاد الدهلاوي المخاريم أبيات لصديقه الشاعر مسرع بن حمير بن مسرع الضباعين يقول فيها:

قال الذي يختار جزل الكلاما = يختار من كيفه قوافي جزالي
ويمدح عريب الجد نسل الكراما=مسرع صليب الراس ذرب الفعالي
لاهنت يارجل المهمة سلاما = عليك مني عد وبل الخيالي
سلام تقديرٍ معه واحتراما = مني لبو حميرٍ عريب الخوالي
غيرك ترى يالقرم ماله مقاما = عندي ولاله في فوادي مجالي
يفداك منهو في مقامه خماما = ويفداك من يشناك في كل حالي
وانا المنيعي لاشهرت الحساما = بانت فعايل لابتي في النزالي
وانتم بني مسرع ونعم المقاما = ياهل المعالي من قديم وتالي
ياشوق عذرا شعرها للحزاما = شاقت لفعلك يوم تحمي التوالي

وهذا رد مسرع:

يامرحبا واعداد وبل الغماما = واعداد ماهبت هبوب الشمالي
واعداد من كبر وصلى وصاما = باللي لفا بالخط واللي عنالي
جتني بيوت محكمات حشاما = من عند ابو فهاد قرم العيالي
ساعة لفاني خطكم يالنشاما = طار الشماغ وطار معها عقالي
ومن فرحتي يالذيب والاهتماما=قام لهواجس خاطري اجتوالي
حييت يانسل الرجال الشهاما = من لابة فالحرب دايم ثقالي
لاد المنيعي محتمين الجهاما = مطوعين الضد في كل حالي
قصيرهم لا لا حشا مايضاما = وخويهم يشرب قراح زلالي
وسلامتك يالقرم عد الغماما = واعداد ماهبت هبوب الشمالي
وكانه حصل تقصير مابه تماما= إلا لوجه الله عزيز الجلالي

 

 

 

 

[معلومات العضو نايف الخييلي]

ياسلام

مساجله رائعه وأبيات جزله وجميله

صح لسانك يابو محسن على طرح القصيدتين لشاعرين مبدعين

 

 

 

 

[معلومات العضو شافي القويسي المخاريم]

وكانه حصل تقصير مابه تماما
إلا لوجه الله عزيز الجلالـي


الله الله

بيت عن قصيده

صح لسان كلا الشاعرين
وقصدتين جميلتين

وبيض الله وجهك على الطرح يابو محسن
تحياااااااااااااتي

 

 

 

 

[معلومات العضو محمد الولامين]

صح لسان الشاعر فهد بن فهاد الدهلاوي المخاريم

و الشاعر مسرع بن حمير بن مسرع الضباعين

ولاهنت يابومحسن على ماقدمت وبيض الله وجهك

 

 

 

 

[معلومات العضو محمد مناحي الودعاني]

صح الله لسان الشاعرين على القصيد الجزل وبيض الله وجهك يا ابو محسن على نقل القصايد