مرثية الشاعر : احمد الناصر الشايع

**معلومات** **العضو** · 04-09-2009, 07:18 PM

نـهار ثالث عــقب عيــد رمضــــاني =ناس عطاها الله وناس محرومه
أحداٌ قضى عيده ســــلام وتهانــــي =وأحداٌ توصله الكواكـب همومــه
صادفت صدفه من صدوف الزماني=منها قوي الحيل تفتــر عـــزومه
هذا زمـــان الهـــــم والإمتحانـــــي =وقت على قلبي تعاقــب سهــومه
الاولــه كـــامل جميـــــع المعـــاني =مزبن المضيون شرع الخصومه
محمــد اللـــي فالقســـى والليــــاني =عقبه سمـايه غــــايبات نــــجومه
والثانيــه باقـــرب قريــب ودانـــي =خامــس عيالي يوم جتني علــومه
قـالوا مابين الخـــاصره وحلبــاني =ولدك مـات اللـي تـرجـى قـدومـه
جـاء يومه المـوعود باربـع ثواني =قـلت السـبب قـالوا دنا منه يـومه
عــلم عـلى الكبد الصخيفه كواني =كـية عطـب ما تنشكـى للحكومـه
تهشمت كـــل الضلوع المــحاني =مـفجوع والمـفجوع ماحداٌ يـلومه
أخذت لي ساعـه وأنـا في مكـاني =حسبت لي عشرين طيحة وقومه
ألـيا بغـيت الهـرج ييبـس لسانـي =والذاكره عـندي تـقول معـدومه
قــمت أتلــفـت وتسـمـع بـاذانـي =مـن شـاف حـالي ماتهنـا بـنومـه
مما بقـلبي رحـت باللـيـل عـاني =للـموتر اللي مابقى ألا رسـومــه
عـن روحـتي ياليت ربي نهـاني =ولا شفت دمه ساٌيـح في هـدومه
قـمت ودفنتـه والـله المـستعـاني =في خـرقة بيضا عـليه مـحـزومه
يـم الـقويـعيـه بـلاد قـحـطـانــي =والـحر غـير لون وجهي سمومه
وأقفيت من عنده وعشري ثماني =مـثل المـصبـح والبـلاد محكومـه
والله لـولا نـي وســيع البطانـي =لا صكها مثل أشقر الريش حومه
طاوعت نفسي مير عقلي قواني =عـن الخطا ما فيه نفس معصومة

**معلومات** **العضو** · 04-09-2009, 07:23 PM

صـــــــــــــح لسااانك ولسان شاعرها.....

**معلومات** **العضو** · 04-09-2009, 07:24 PM

صح الله لسان الشاعر احمد الناصر الشايع على هذه المرثية ورحم الله ابنه محمد واسكنه فسيح جناته ولاهنت يابو سالم على النقل وعسا عمرك طويل ياالقرم

**معلومات** **العضو** · 04-09-2009, 07:34 PM

صح الله لسان الشاعر احمد الناصر الشايع على هذه المرثية ورحم الله ابنه محمد واسكنه فسيح جناته ولاهنت يابو سالم على النقل وعسا عمرك طويل ياالقرم

**معلومات** **العضو** · 04-09-2009, 08:19 PM

اقتباس:

المشاركة الأصلية كتبت بواسطة برنسيسه الريــــاض

صـــــــــــــح لسااانك ولسان شاعرها.....

**معلومات** **العضو** · 04-09-2009, 09:02 PM

صح السانك ولسان شاعرها

تقبل مروري

تحياتي وتقديري لك

**معلومات** **العضو** · 05-09-2009, 01:07 AM

اقتباس:

المشاركة الأصلية كتبت بواسطة محمد بن حمد الشكرة

صح الله لسان الشاعر احمد الناصر الشايع على هذه المرثية ورحم الله ابنه محمد واسكنه فسيح جناته ولاهنت يابو سالم على النقل وعسا عمرك طويل ياالقرم

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية