القرد والطبلة

[معلومات العضو domokh]

القرد والطبلة


شاهدت بعض القرود بالهند ومصر يطبلون لها وهي ترقص
والجمهور يشجع ويصفق.. والقرد مسكين
لأنه لو اطلق سبيله لهرب من صاحبه ... بس هناك قرود او مثل القرود
لا تهرب بل متمسكة بمكانها مهما كان الثمن .........
بعض المدراء والمسئولين بأي شركة مثلهم مثل القرد والطبلة.
كيف.......؟
بعض القرود يحب لمن يطبل له فيقوم بعمل حركات وإعمال
مضحكه وكل ما زاد التطبيل له زاد هو بحركاته..وهو لا يعلم
بأن التطبيل لضحك عليه وليس له. ( مسكين (.
بعضهم يحب المدح ...بس طبله .
بعضهم يحب الفشخره أمام الغير ..يظن الطبول سوف تكون له.
بعضهم يحب الأذى للغير ..هذي طبلته في عقله وجهله. وخوف على منصبه من الآخرين.
بعضهم جبان فلا يعطي فرصه للذي دونه..خوفا من الأخطاء طبلته معه وعليه. فاشل. ولا يثق بالآخرين .. ويكره تدريب موظفيه.
بعضهم لا يظهر إلى عندما يكون هناك عمل او موضوع مميز او مهم
ليقوم هو بالرد أولا و الظهور بالصورة... وردوده كلها أخطاء واسمعوا الطبول له من كل جانب من القرود الآخرين
او من يتمنى التقرب له او رضا منه.. فعلا يا إخوان هذا القرد الكبير...
البعض يحب هز الرؤوس له وهو يتحدث....هذا بصراحة أحسن طبله له صير هندي ..وعطه من الكلام ...كلامك صح طال عمرك.......
بس ينتهي اسمع ما يقال عنه ( ماعنده سالفة ) (ماعليكم منه ) ( ما فهمنا شيء ) و القرد فرحان.. والطبول عليه.
بعضهم مسكين فعلا لديه غباء غريب جدا يعاند بغباء وهو ما فهم الموضوع أصلا او المقصود منه...بس لأنه قرد وبيده يقبل الموضوع ام لا..
هذا طبلته موافقته برأيه.. وسهل اصطياده .وحفظ اخطائه.
البعض يسابق المشرفين بالرد على الشركات او المسئولين ليس للمتابعة او الاهتمام بل حتى لا يكون رد المشرفين
مخالفا لرده ولو كان المشرف على صواب...هذا يطبل لنفسه فرحان مسكين. يمكن يصورونه و يشوف صورته بالجريدة .
بعضهم يظن بأنه عمل شيء جديد علما بان لا جديد فيه..كل اجتماع نفس الموضوع و نفس الكلام ويمدح في نفسه بس مسكين الطبول
أوهمته بذلك........
متى ندرب القرد على غير ذلك ؟؟؟؟
دام هو قرد ( كيف تدربه ) مديرك ....ترى يفنشك....؟؟؟؟
فعلا بعض المدراء هداهم الله ما عندهم سالفه...ولا درايه بالادارة.... والبعض ... له دراية
بالهرم الاداري بالشركة و يقوم بتغيره لتتضح الأمور له ويكون باب مكتبه مفتوح للجميع
ويشجع الصغير قبل الكبير ويعطي الصلاحية لأخذ القرار عن طريق موظفيه ويضاعف التدريب للموظفين علما بأنه قرد بس قرد ناجح بس وين تحصله نادر.....بصراح بعض القرود أحسن
من بعض المدراء ...... العجيب إن مدراء الشركات الكبرى المتقدمة تراه بين الموظفين بين الحين والأخر بل يعرف الموظفين .واحد واحد.. بس القرود عندنا ممنوع حتى الدخول
عليه ليش مادري؟ يمكن خايف نخطب منه..؟ يمكن ناس جالسين
يطبلون له...خلك شديد لا تعطيهم وجه انت مدير... ما ندري..... لا بعض القرود يتهرب من الدورات ليش لازم تكون الدورات بالخارج ولا ما يروح كيفه قرد (مدير)
الله يسامح الواسطة........... ياليت تكون هناك اختبارت ومن هو الأفضل
وتكون لمدة تجربيه ( واللي في الجدر يطلعه الملاس)... بس هذا حالنا اول شيء الواسطة و من ولده هو ...ومن اتصل على شان يوظفه .. وحتى اذا كانت هناك اختبارات ... المشكلة.. ينجح ......... ايش الحل ؟.... الحل هو
شوف لك.. قرد ..عود ..راهي.. يتوسط.. لك ) بس اذا توظفت لا تصير قرد ؟؟؟؟؟؟؟؟؟؟؟؟؟؟
أرجو ألسماح منكم للأطاله .............. واحيانا الأسلوب يكون بالعاميه
اطلب من الله سبحانه الهدايه للجميع وان يوفق شبابنا وبناتنا الى
ما يحبه ويرضاه واصلي واسلم على سيدنا وحبيبنا محمد صلى
الله عليه وسلم

اخوكم ......... domokh