|
|||||||
23-07-2010, 04:24 PM
|
#1 | ||||||||
|
بشت الطرارة !!
هذي قصيدتي ردا ً على قصيدة الشاعر / ضيدان بن قضعان ( بشت الغناة ) وعلى كل من تنكـّر لتراب هذه الأرض الطاهرة من أجل حفنة من المال !! ملحوظة : (لم أشأ إعادة نشر هذه القصيدة في هذا الوقت تحديداً إلا بسبب طلب شخصية قيادية أكن لها كل احترام وتقدير) خيبت ياضيدان ظن الملايـــــين ................... يومك تحسب ان الجسارة شطاره يكرم عن افعالك رجال ٍ حشيمين ................... ناس ٍ خذوا للعز حـــقـّه وثــــــاره وفّ الذي في بطنك اليوم من دين .................. وخل ّ الأماره عنك لاهل الأمـــاره رئيس مركز راس مالك خويـــين ............... هــذا ترى وضعــك وخــل العيـــاره إن خبت فلنفسك وربعك بريـــّــين ................ وان طبت فالطــيّب بــيدّه قـــــــراره ربعك قروم ٍ في النوازل شــياهين ................ والهرج يغني عن طـــواله قصـــاره خل الذي قال انت وينك وانا وين .................. يجي معـك يمكن يعرف الحضاره واللي نوانا بالردى والــملاســــين ................. الله يــبــعد دارنـــــــــا عن ديــــاره لوراحت سنين ٍ وجابـــــنك ســــنين ................. ماللشــرود اللي جــــلا غـــير داره كنـّك عقب ماطحت من عين الادنين ................. مثل من ايصــلي بلــيا طهـــــــــاره وياللي نزلت الدور واحـد وخمسـين ................. في فندقك واشعلت في التبـــغ نــاره أظـنك بتــقــعد زمــان وزمـانــيــــن ................. لافــــيه لا لنكــن ولابـــه عــــــماره ولاّ وش اللي سكّـنك فنــدق العيـــــن .................. مادام قصرك شـــيدوا لك جــــداره ولاهوب نقص ٍ في الرجال الكريمين ................. ألاد مكــــتـوم ٍ شيـــــوخ النعــــــاره لامن عطوا يعطون في العسر واللين ................. عطا رجال ٍ ماهقوا بالخــســــــــاره لا شك من يمشي بوجـــه ٍ ووجهــين ................. يفقد من عيون البرايــــا وقــــــــاره وحمدان شيخ ٍ من شيــوخ ٍ مـــيامين ................. يشهد لبو المــدات ضيفه وجــــــاره فــزاع ذا فــزاع نســل السلاطـــــين ................... حر ٍ مكانه فوق عالي المــــــــناره بعض العرب رجـــال ويوفـّي الديـن ................... حتى ولو هو خاســــر ٍ بالتجـــاره والبعض لو يعطى مفاتيح برلــين .................... أكرمكم الله جر ّ فيــها حــمــــاره واللي يبيع ارضه ولو بالبلايـــين .................... حرام والله فيه ددســـن غمـــــاره بعت السعودية بفلس ٍ وفلســــين ................ وزهدت فيها برخصة ٍ واستمــــــاره الوقت يمضي وساعة الصفر بتحين ............... وموعدك شرقي نجد حول الزبـــــاره لابـــد مـاترجـــع ولا لك مـوالـين ............... وينــــــكرك خل ٍ لك وتنــــكرك داره واللي خِلـق مـن طين مرده الطين ............... اللـيـــل مقـبـــــل لو يطـــوّل نـــــهاره باكر الى من جاك واحد من الصين ................ وعطاك قصر ٍ مابعد سيق اجـــــــاره بتـنـزع بشــوت دبي وتروح بكــين ................ وترجــــع تكرر نفس ذيك العــــــباره ( أن طعتني روح علي يا احمر العين ............... بشــت الغـــنـاة ولابشـــوت الأمـــاره) من يوم انا شـفتك مع اريام يالشــين ............... وانت اتــّغزل في جسدها بجســـــــاره تقول لبى( كبـدش) وضحــكة العين ............... ولا حسبت حســـاب نـــاقـد وشـــــاره وانا غـسلـت يـديّ وحــــدة وثنتـــين .............. منك وعرفـت انك عـديــــم المـــهـــاره ضيّعــت ياضــيــدان شيّ ٍ وشيـــين .............. مثل اللي ضيّع صـيــــــدته في غـــباره وبشت ٍ نزعـته قــد له سـنين ومنـين .............. باكـــر ترومه لا تـــــحرك قطــــــــاره في ظل ابو فـيصل لبــسـنا النيــاشين .............. وقمـــــــنا معه في كل هــيّه وغــــــاره يامـــر طــويل العـمــر وانـّـا ملبـــين ............. وحــنــا معه رهـــن الأمر والاشــــــاره ذولا شيـــوخ الـدار حمّـــــاية الديـــن ............. أهل الوفــا واهـل الكـــــرم والظـــفــاره وبشت الستر مع عـــز ٍ وزود تمكـين ............. أرحم من بشــــــوت ٍ تجـــــي بالطراره قديم الشوق
|
||||||||
|
|
|
|
23-07-2010, 09:57 PM
|
#2 | ||||
|
رد: بشت الطرارة !!
اررررررررررررررررررررررررررررررحب ترااااحيب الحياء
الشاعر القدير / قديم الشووق لله درك ، لله درك جزله من راس جزل أما شعار الشحاذه كل يوم عند واحد ومن تعود يمد يده عن طريق لسانه بتلقها اليوم يمدحك على ريال و بكره يذمك على ريال وهذه آفه منتشره بين بعض الشعار هداهم الله ، و أكرر أعجابي بهذه الراائعه و غير مستغربه هذه الجزاله عليك و أعذرني على الأطاله و سوء التعبير و لكن أعجابي بهذه الدره استوقفني لكي اسطر بعض الحروف أخوك / ابو زيد
|
||||
|
|
|
|
23-07-2010, 10:54 PM
|
#3 | ||||||
|
رد: بشت الطرارة !!
لاهنت وصح السانك وبيض الله وجهك
|
||||||
|
|
|
|
24-07-2010, 02:10 AM
|
#4 | ||||
|
رد: بشت الطرارة !!
الرجل اخطأ ونال عقابه المستحق
|
||||
|
|
|
|
24-07-2010, 02:45 AM
|
#5 | |||||
|
رد: بشت الطرارة !!
اقتباس:
صح لسانك يانديم الشوق
ومثل ماقال اخوي عامر غلطه وراحت واعتذر عنها شاعرها وضيدان شاعر متمكن لايختلف عليه اثنين في جزالة شعره وابن ادم ماهومعصوم من الخطاء.. حير الخطائين التوابين وعندي تعديل على رد اخوي عامر بان ابن قضعان ماهوب من سلاله ال حثلين ابن قضعان عرجاني وال حثلين امراء العجمان ولكم خالص تقدير واحترامي
|
|||||
|
|
|
|
25-07-2010, 10:18 AM
|
#6 | ||||
|
رد: بشت الطرارة !!
قديم الشوق
|
||||
|
|
|
|
26-07-2010, 07:40 PM
|
#7 | ||||||||
|
رد: بشت الطرارة !!
الغالي / ابو زيد
أهلا ً وسهلا ً يك طال عمرك أشكرك على مرورك الكريم العاطر وعلى مشاعرك التي محلها سويداء القلب وقد سبق لي أن قمت بالرد عليك وعلى بعض الاخوان ولكن لا أدري ما سبب حذف ردودي تلك !! وتقبل فاائق تقديري واحترامي
|
||||||||
|
|
|
|
02-08-2010, 10:08 PM
|
#8 | ||||||||
|
رد: بشت الطرارة !!
 اقتباس:  المشاركة الأصلية كتبت بواسطة ابو اثير  لاهنت وصح السانك وبيض الله وجهكتحياتي   أخي الكريم / ابو اثير أهلا ً بك وبمرورك العاطر وأشكرك على مشاعرك الندية وتقبل فااائق تقديري واحترامي
|
||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 10:23 AM
