القبائل التي دفعت الجزيه لا بن هادي (سلطان نجد)

[معلومات العضو عناد الخيل]

وايضا من القبائل التي دفعت الجزيه قبيله الدواسر وهنا قصيده الشيخ ابن ملحم شيخ الحراجين

لي ديره من الحصاتين ويسار*** ويحدها من قبله حيد الاظله
رحت انا منها ماني بمختـــار***مير عدونا منزحه كل حلــــه
جحادرمثل التهامي ليـــا ثـار***الي حلواء بدار حطوها ممله

وايضا يقول الشيخ عيسى بن حصن شيخ الشرافا الدواسر في قصيده ممتدحا الشيخ ابن هادي

ملفاك شيخ فعوله تشافا *** مشيد بيته تخالف ركـــــابه
عليه شيخان القبائل تلافا*** هذا مقدم هدوه وهذا كتابه


أرجو من الأخوان في قسم تاريخ الدواسر الرد وعدم مسح الموضوع لنه فيه مناقشه حاده

 

 

 

 

[معلومات العضو فيصل بن جزاء]

حياك الله ياعناد والدواسر مادفعوا الجزيه لابن هادي وغيره والدواسر لهم وسط وجنوب نجد من قديم وحاضر وهي اطيب مراعي نجد هذا اولا

ثانيا ابن هادي كان جابي لزكاة ابن سعود زيه زي جباة الزكاة للحكومه ذاك الوقت والعرب كبروها وحطوه ياخذ الجزيه على القبايل.

بالنسبه للابيات اللي ذكر انها لابن ملحم لنفرض انها لابن ملحم مع عدم تأكدي انها له
ليس فيها شي يدل على ان الدواسر دفعوا الجزيه لابن هادي .

وبالنسبه لقصيدة ابن حصن ان كانت له فنعم كانت عالية نجد يستوطنها ابن هادي وربعه ومن جاء يبي المرعى يدفع الهدو له وقصتهم مع ابن حميد امير عتيبه عندما حدر بعتيبه من الحجاز على نجد واقصد به عالية نجد طلب ابن هادي الهدو من ابن حميد ورفض امير عتيبه وصار اللي صار بينهم وهو معروف واخرجت عتيبه قحطان من نجد وعتيبه الان من قبائل نجد حيث اماكنهم الان في عالية نجد موطن قحطان سابقآ

يعني الدواسر في وسط وجنوب نجد واطيب ارض ومرعى ماحد تجرى ياخذها منهم ولاادفعوا جزيه لاحد والدليل ماذكر عن الدواسر انهم لا يادون خراجا ولايخضعون لسلطان وموثق في الكتب والدواسر مازالوا محتفظين بااراضيهم حتى يومنا هذا مو مثل غيرهم واللبيب بالاشاره يفهم.

وكان المفترض من منتديات قحطان ذكر ان القبيلة الوحيده التي وقفت معهم وشاركتهم الحرب ضد عتيبه انهم الدواسر حتى ثبتت الحصاة والرين لهم الا اليوم والا كان راحت لعتيبه هل هذا رد الجميل لدواسر بغض النظر عن مناخات الدواسر مع قحطان ساندوهم في وقت الحاجه

تقديري واحترامي

 

 

 

 

[معلومات العضو فيصل بن جزاء]

ونسيت حاجه وهي سلطان نجد هذي من القاب ال سعود حفظهم الله من الدوله السعوديه الاولى والثانيه والثالثه وهو لقب لهم وحتى الملك عبدالعزيز لقب بسلطان نجد وملحقاتها يعني الالقاب خلوها لاهلها المعروفين

 

 

 

 

[معلومات العضو ناصر فياض الودعاني]

ماقصر أخوي ابو جزاء في الرد ياعناد الخيل

 

 

 

 

[معلومات العضو شيهانه بكف صقار]

بيض الله وجهك اخوي فيصل على التوضيح

 

 

 

 

[معلومات العضو الشـيخه]

تسلم ويعطيك العافيه عالمعلومات اخوي

 

 

 

 

[معلومات العضو محمد بن حمد الشكرة]

بيض الله وجهك يافيصل على التوضيح والرد

 

 

 

 

[معلومات العضو حفيد الضمين]

تسلم على هاذي الحقايق وبيض الله وجهك ابن جزاء

 

 

 

 

[معلومات العضو سعيد الصخابره]

فيصل بن جزاء ماقصرت كفيت ووفيت

بيض الله وجهك .

 

 

 

 

[معلومات العضو مصيول]

يا الربع الهدو غير وهذا سلم بين القبايل


واما الجزيه فغير صحيح انها قد اديت لابن هادي وهذا من هوال القحاطين



ولا طلع الا تالي سلطان نجد والخرابيط ذي ،،،،،،،،،، وقحطان يوم حولوا من الجنوب



على نجد عنزوا على الدواسر وكان هناك العديد من المعارك مشتركين بها الدواسر مع قحطان

 

 

 

 

[معلومات العضو ماجد الدوسري]

عز الله كفو بعيال الشايب وافين اول وتالي لكن
لو يسلمون من الزود شوي !!!

 

 

 

 

[معلومات العضو فهد بن بداح الدوسري]

بسم الله الرحمن الرحيم



آفة التاريخ رواته


من قال أن ابن هادي كان سلطان نجد ؟!

هذا لم يعرف الا في السنوات القليله الاخيره

في المجالس نعم كان ابن هادي من ابرز شيوخ القبائل

ولم يصل الى درجه سلطان بل اخي الكريم لنكن واقعين لم

يصل الى درجه شيخ شمل قحطان فهاهي عبيده متفرده عنه

في الجهل و الاسلام بل ان ابن هادي هو من جاء بالويلات على قحطان

سمح لعتيبة ات تدخل ديارة ولم تخرج حتى جعلته في الحصا

وانا هنا لا تهجم على قحطان بل ما نعرفه أما ابيات أبن ملحم الحراجين

فلا نعلم صحتها من عدمه خصوصا ً ان اللهجة الدوسريه ليست ظاهرة فيها

أما ان الدواسر ( تدفع الجزية لقحطان ) أخي لنوضح الصورة بل كانت تتصدق

على شيوخ القبايل وكان احد من يأخذ الصدقه هو ابن هادي نوع من الحشيمه

كان الودعاني يرسلها له ولكن بعد ان وصلة الى مسامعه كلمات التبجح وجحد

النعمه الى مسامع الدوسر خصوصا ً ان القحطاني زعم ان ( صديقه ) دوسري

يدفعها له من باب ( الجزية ) ارسل اليه ( فضلات ابله ) لكي يعتبر ولو كان القحاطين

يرون انهم سلاطين على نجد لحاربوا الدواسر على هذا الفعل المهين المذل

بارسال روث الابل اليه بدل ( الصدقه ) تمر الوداي ولكنه سكتوا ولم يحركوا ساكنا ً


وكذلك ما قاله ابن مويم الودعاني :

احذرك من المسمار لايقرب القين=يخطر عليهـا قينهـا بانقطاعـه

قصده الفرس عندما يقومون بتحذيتها ، اذا زاد المسمار على حذاء الفرس فعندها لاتستطيع الفرس المشي ، فيقصد ابن مويم هنا ، أي لا تكثر بالكلام يابن هادي .

اما بيت :

ومن الغلق حاذور لايقرب العين=يخطر عليها عينهـا بانقباعـه

المقصود بالعين عين بندق الفتيل ، والغلق هو المطرقة التي تنزل على الفتيل لتثور البندق ، ومعناها خلك بعيد يا بن هادي لانثور عليك .

و الامثله كثيره فلا ابن هادي كان سلطانا ً ولا اميرا ً على نجد بل امير فريق من قحطان

في نجد حتى دخول عليهم عتيبة وازاحتهم الى الحصاه فالدواسر لم يكونوا بحاجه

الى دفع جزية الى اي قبيلة كانت بل ترعى غصب ٍ بلا طيب في ديار القبايل

و ديار الدواسر الحالية اكبر و اوسع من ديار قحطان في أوج قوتها و للعلم لم يكن

دخول قحطان الا بمسانده من الدواسر في حين ان الدواسر ذاك الوقت تواجه القبائل

النجديه التي كانت ترى في تواجدها خطرا ً طارئ عليها بل سيرة حملات ملك الاحساء

عليها و اجتمعة بني لام بثقلها على الدواسر و كثيرا ً ما ضد الدواسر القبائل العامرية

ولكن استطاعوا ان يتوسعوا الى الشمال رغم هذه القوى و المحافظه على ديارهم

في حين من دخلها بمسانده خرج منها مرغما ً

 

 

 

 

[معلومات العضو فيصل بن جزاء]

بالنسبه لقصيدة ابن حصن الشرافي ذكرها الباحث مسفر بن محمد الشرافي في قصه حصلت بين ابن هادي شيخ قحطان وبين ابن حصن الشرافي ولم يورد فيها البيت الثاني
ماادري هو زياده من عند القحاطين اضافوه او ان ابن حصن ذكره لكن وان ذكره ابن حصن
فهو لايدل على ان الدواسر دفعوا جزيه واستدلالهم في غير محله والهدو ياخذه ابن هادي من القبيله التي تبي تشاركه بالمرعى بااراضي قحطان والهدو غير والجزيه غير
والدواسر لادفعوا لاجزيه ولاهدو لابن هادي لان اراضيهم اطيب مرعى من اراضيه

والقصه التاليه تبين سالفة قصيدة ابن حصن الشرافي نقلا عن الباحث مسفر الشرافي


نزل شيخ قحطان محمد بن هادي في الوادي ضيفاً على قبيلة الشرافا وقضى معهم مدة من القيظ معززاً مكرماً,
استعجل المسير لدياره بحجة مشاغله مع إلحاح الشرافا وابن حصن على بقائه معهم كامل فترة القيظ ,
إلاأنه عندما رحل عن الوادي أرسل بيتين من الشعر لصديقه عيسى بن حصن الشرافي يقول فيها على سبيل المداعبة :

احب عندي من نخيل الشرافا=غروٍ حسينٍ تو فزة شبابـه
اديب مطواعٍ معي ما تجافـا=دقيق رمش العين سهلٍ جنابه

وصلت الأبيات إلى الشاعر عيسى بن حصن فما كان منه إلا أن رد عليها معاتبا و مبيناً أن بلادهم غالية
عليهم وقد حموها من المعتدين ومنهم جماعتك وهي منصى لكم ولغيركم وخاصة في وقت القيظ :

يا راكبٍ من فوق دُرم الخفافـا=يشدنٍ لدالوب البحر في انهذابه
يلفن لنا شيخٍ به الطيب نافـا=مشيـدٍ بيتـه تخالـف ركابـه
جانا من الشايب كـلام مجافـا=لولا وقاره كان ثمـن جوابـه
بين القعاص وبيّنة والمشافـا=غرسٍ حمينا من جموعك جنابه
ما ازين مجيه في ليال الخرافا=لا زان مقياظه وكلٍ هقـى بـه
لا قام لليمنـان فيـه اختلافـا=ذا مالي ردنه والآخـر جرابـه
ومن دونها نروي حدود رهافا=من عصر ابن بدران كل يهابه

وعند لقاء ابن هادي لهذا الغرو وجد ما يكره فطلقها, فقال أخوه هذه الأبيات مسروراً بماحدث

يا من يسّرع بالخبـر للشرافـا=النصر من رب المخاليق جابـه
قولوا عشير محمد جـا مخافـا=خلي على المرحان يسحب حجابه

 

 

 

 

[معلومات العضو فيصل بن جزاء]

سأورد لكم بعض اقوال النسابه والمؤرخين القدماء والمثبته في بطون الكتب التاريخيه
التي تدل على قوة قبيلة الدواسر وانهم لايخضعون لااحد ولايدفعون الجزيه لاي شخص كان ردآ على ادعائات قحطان المتكرره على قبيلة الدواسر وكان اخرها قصة الرجل الذي من بني اسرائيل الذي قتل 99 نفس نسبوها لجمل بن شري وادعوا انه قتل 99 دوسري وايضا انكارهم لقصيدة ابن شهوان الضيغمي في الامير عامر بن بدران والدواسر وانكارهم نزول الضياغم على الدواسر .

لكن سنورد لكم ماقيل عن قبيلة الدواسر وعن مناطقهم وقوتهم وسيطرتهم على وسط وجنوب نجد قبل ان يكون هناك ذكر لقحطان في نجد ومازال الدواسر يسكنون هذه الاراضي الى يومنا هذا وهذا ان دل يدل على قوة هذه القبيله وحفاظها على اراضيها


- قال ابن المجاور سنة 680 هـ في كتابه صفة بلاد اليمن والحجاز

(الدواسر اهل جود وعطاء وكرم مأكولهم لحم الإبل ومشروبهم الحليب وركوبهم الخيل وبيعهم وشراؤهم الخيل والإبل ولبسهم الخام)

2- قال ابن المجاور ايضا عن الدواسر

(الدواسر اهل قوه وفصاحه ويدورون الفلات وراء الاموال والإبل لايؤدون قطعه ولايعرفون خراجا)

3- وذكر ابن المجاور عن اموال الدواسر في جنوب نجد

(والإبل والخيل يستقونهم الدواسر ولم يعرفوا غير هذا المال شيئآ ويسكن البدو حول القصور ببيوت الشعر والخيل والإبل)

4- قال الشيخ محمد البسام المتوفي سنة 1246هـ في كتابه الدرر المفاخر:

((الدواسر هم قبيله مشهوره ذات سداد واعتداد ومحافظات على عقب الجياد ذوو كرم وافر وإقدام متكاثر عدد سقمانهم ثمانية الاف سقماني وخيلهم الف وخمسمائه))

5- وفي عنوان المجد في تاريخ بغداد والبصره ونجد للحيدري المؤلف سنة 1286هـ قال:

(من اعظم عشائر نجد الدواسر وهم خلق كثير حاضره وباديه في غاية القوه والشجاعه والعنف وقبائلهم في الباديه كثير)

6- قال عنهم الشيخ عبدالله بن خميس:

(قبيلة الدواسر من القبائل البدويه يتتبعون مساقط الغيث ومراعي الماشيه ويقطنون المناهل في القيظ يملكون الإبل والخيل والماشيه ويعطون البداوه حقها وحاضره من ناحية اخرى لهم النخيل الهائله الكثيره والمدن والمزارع والبث والحرث ).

وأورد قصيده لشاعرهم سعد بن مدوس الفصام الدوسري:

حضر(ن) ليالي القيظ وان جاء المخاضير=بـدو(ن) نطـرد بالوسامـي زهـرهـا
نهـد بالكـلـب السلـوقـي وبالطـيـر=ونسجهـا مـن برهـا الـيـا بحـرهـا
بخيل(ن) الى شـدو تبـاري المظاهيـر=من جـاء يبينـا جـظ لاشـاف اثرهـا

7- ذكر ابن فضل الله العمري في كتابه مسالك الابصار في ممالك الامصار وهو من اهل القرن السابع الهجري(ان زعيم الدواسر هو رواء البدراني)

8- ماقاله الشيخ حمد الجاسر عن الدواسر في كتابه اصول الخيل:

(الدواسر احدى قبائل هذه البلاد المنتشره في جميع جهاتها والتي كان لها في عصور الفروسيه الاخيره ماهو متناقل ومعروف من الاشعار والاخبار).

9- قال محمد اليزيدي من ال عائض امير عسير قديما في الدواسر هذه الابيات:

ودوسر اعصار اذا شبت الوغى=يلف الذراعـات بصولـة قاهـر
ترى خصمهم بالذل خلف حولـه=عزاء ولن تغنيه دمـع المحاجـر
فقد اقسمـوا الا يبـاح حماهـم=لطاغ تنادوا بيـن مـد وجـازر
اكفهـم باللامعـات تحـركـت=بنحر العدا فاشهد عظيم المفاخـر
اذا ضربوا هام العـدو بسيفهـم=ترى رجعها كالصاعقات الزواجر

استمتعوا ياعوال الشايب وتراكم غالين وعواني بس جنبوا الدواسر وشوفوا من تلفقون عليه الله يهديكم حتى معركة تين اللي بقيادة الامير ربيع بن زيد المخاريم الدوسري ومعه جموع الدواسر واشتراك ابن هادي تحت قيادة الامير ربيع المخاريم هو وبعض قحطان كذبتوها ودخلتوا الهواجر في المعركه وهي مذكوره ومثبته في كتاب علامة نجد ابن بسام التميمي اللي دون احداث الدوله السعوديه في تلك الفتره وخصوصا مع الاشراف حكام الحجاز .

تحياتي لكم

 

 

 

 

[معلومات العضو بـدر الودعاني]

قصة الجبعا الودعاني مع ابن هادي شيخ قحطان


كان ابراهيم بن مانع بن عامر بن فايزآل خليف الوداعين و يلقب بالجبعه كان له رفقة مع الشيخ محمد بن هادي بن قرملة القحطاني وكان الجبعة رحمه الله تأتيه ركايب ابن قرملة ويرسل معها التمر تقديراً للرفقة اللتي بينهم ولما أراد الله لهذه الرفقة ان تنتهي قال احد اقارب ابن قرملة: الله يطول عمرك يالأمير حتى الدواسر يرسلون التمر لنا خوفً منك
فقال ابن قرملة: الا الله يطول عمرك انت واخوياك اللي معك لاجيتوا الدواسر ذلوا تاخذون معاويدهم .
فوصل العلم للجبعة وعندما اتت ركايب ابن قرملة له كالعاده ارسل معها خيشة مليانه دمن ابل وارسل معها قصيدة وقال الجبعة لهم: يوم كانت بالرفقة كنا نعطيه بطيبة خاطر منا واذا صارها بالجماعة فخلوا ابن قرملة يجي ياخذها بالقوة

وهذه قصيدة الجبعة رحمه الله تعالى......



ياالله اليوم يامـن عليـه النجـم==يابالبراج سامـح لنـا كـل قيـل
لابتي من شطاب الـى المردمـة==لابتي رمح يهمـل بهـن النزيـل
لابتـي تسـعـة الافٍ تفاقـهـا==ثم ضاع الحساب يوم رزينا الشليل
لابتي تكسـب المـدن بسيوفهـا==يوم كسب البدوي حشـواً هميـل
لابتي كالعسل يوم صفـي صفـا==لاتكدر مثل سم وشارب الداء عليل
لابتي يا(بن هادي) تـرا خرجهـا==المصبب مع كـل سيـفٍ صقيـل
ديرتـي يامهبـل اللـي ينويبهـا==مثل سـراي غـدرا بليـا دليـل
ديرتـي كـم ذبحنـا بجيلانـهـا==من عقيـدٍ اذا جالهـا مستصيـل
ديرتـي كـم عقرنـا بجيلانهـا==من حصانٍ على الخيل جاله صهيل
لابتي ترثـة (المبيعيـج ناصـر)==جدنـا زايـد الشجـاع الاصيـل