دواسر فوق الخيول كواسر ...

[معلومات العضو نفحات نور]

حنا الى حل القدر دسنا الخطـر والحايـم الظمـيـان وردنــاه
نرويـه دم مـن كبـود عـدانـا ونصدره رويـان مـن مـرواه
يشهد لنا بالحرب ضرب سيوفنـا والجـمـع لاشفـنـاه فرقـنـاه
ويشهد لنا من زارنا فـي دارنـا واللـي يقولـه فعلـنـا قلـنـاه
افعالنا بالحـرب ترفـع روسنـا والمجـد حنـا ساسـه ومبنـاه
حنا هل الوادي بسيف ومنسـف وكـل يلاقـي عندنـا جــزاه
دواسر فـوق الخيـول كواسـر ياسعـد منـا محمزمـه سعـداه
نرمي بنيران الحـروب كبودنـا لا ضاق من عج الخيـول سمـاه
سم سقطري فـي كبـود عدانـا وايضا تري من جـا لنـا جينـاه
حنـا نـداوي خصمنـا بالعلـة يـروح جرحـه فيـه مانـسـاه
حنا هل الغرس الظليل الداجـي نرعي صخاف الشول في مضماه
وحدودنـا بسيوفنـا مـحـدودة نرعـي بهـا والضـد ضدينـاه
ورا بني رمح جنـوب حدودنـا والخـرج رسـم حدودنـا وراه
حامينها يوم القنـا يقـرع القنـا بمـزرج تشـرب وراه اعصـاه
ومشوك ماهـس فـي مضرابـه بيـن الثنـادي والظهـر يشـلاه
بعنا النفوس الغالية مـن دونهـا وامـا الفخـر والمجـد مابعنـاه
هذا كـلام الشاعـر الودعانـي من مطلعـه قلتـه علـي معنـاه
تمشي به الأقلام في كـل ديـره واللـي ثقـال الـروز قدمـنـاه
مثايـل يطـرب لهـا عـدادهـا مثل الذهب ياربـح مـن شـراه
هذا وأنـا مـن لابـة معروفـه سقم الحريب اليـا عثـا بشـواه
لطّامة العايـل عنـان العاصـي لاعضت النجـذ علـي الشفـاه
ما فاز جمع والوداعيـن ضـده يرجـع بغلـه زاهــد دنـيـاه
وان كبرت القالة وجت بالحمايـا ذيب عـوي قـاد الذيـب عـواه
من كان في زايد وفـا بالوعايـد لبـي نـدا الـداعـي لادعــاه
من كل فج جا وصوب الـوادي مـع كـل شيـخ لابتـه تتـلاه
جينا كما بحر الى هاج والتطـم مايشـرب الظميـان بـارد مـاه
ودعانـي ورجبانـي وعمـاري والمسعري خوض الحروب مناه
وآلاد حسن والمخاريـم درعنـا مركاظهـم والله مــا ننـسـاه
وما فشل جمع فيه لاد الحبيبـي مـن كـل حـر طيـب مجنـاه
وعمور لامن صك حاجب حاجب اروا حمهـم يـوم اللقـا مهـداه
وان جا الغييثي في مقاديم سرية تكبـر علـي عـدونـا بـلـواه
ولاد الحريجي ويل من بنحوره مضربة قضا تعطي الخصيم دواه
ومن كان في تغلب الى سمع الندا جانا وسيف الزيـر فـي يمنـاه
ترسي رواسينـا وتفعـل يدينـا وان صك جمع جمـع حطمنـاه
حنا حماة الدار والجار والوطـن كـم عايـل بالسيـف طوعنـاه

للإمانه منقوووول


تحيااااااااااااااااااااتي

 

 

 

 

[معلومات العضو عبدالله الحافر الغييثي]

اشكرك على النقل الرائع ورحم الله الشاعر/شلعان بن ظافر الودعاني كان علم من اعلام الدواسر اللذين ذادوا عن القبيله

 

 

 

 

[معلومات العضو شافي بن راشد النتيفات]

اشكرك على النقل الرائع ورحم الله الشاعر/شلعان بن ظافر الودعاني
كان علم من اعلام الدواسر اللذين ذادوا عن القبيله

 

 

 

 

[معلومات العضو عبدالرحمن بن فلاح آل بريك]

يعطيك العافيه على القصيده الجميله .



والله يرحم الشاعر /شلعان بن ظافر الودعاني

 

 

 

 

[معلومات العضو الجراح]

رحم الله الشاعر الفحل شلعان بن ظافر الجماعين الودعاني ويعطيك العافية على هذه القصيدة الجزلة والي الكثير من أبناء الدواسر يحفظونها تحياتي

 

 

 

 

[معلومات العضو محمد.الودعاني]

يعطيك العافيه على القصيده الجميله .



والله يرحم الشاعر /شلعان بن ظافر الودعاني