سافرت من نجد العذية ومليت &&&أشتقتنا لجبالها

[معلومات العضو خرجاوي]

السلام عليكم ورحمة الله وبركاته




قصيدة قالها الشاعر خالد بن محمد العمور الدوسري رحمه الله:


ياليتني في سفرتي ما تمشيت &&&&& نفسي تزايد يامحمد عناهــــا

سافرت من نجد العذيه ومليت &&&&& وأشتقتنا لجبالها مع سهلهــــا

لا وأسعد الله بالتمني وياليت &&&&& من شاف نوار الزهر في جبلها

ترعاه ذيدان تحب التصاويت &&&&& قطعان ذيدان يعرب فحلهــــــا

في ديرةً ضيفانها تنحر البيت &&&&& تلقلى الرجوله والشهامه بهلها

يانجد يانجد العذيه لك الصيت &&&&& دار المعزة يفتخر من نزلهــــــــا

أنتي هوى قلبي ولو كان صديت &&&&& أماً حنون ما ندور بدلهـــــــــــــا

دستورها القران لمنك زليت &&&&& وتأخذ حقوقك بالوفاء من عدلها

منتوجها الا بطال حياً ولد ميت &&&&& زحول الرجال اللي أزالت جهلها

عيال آل سعود اللي حمو ركنت البيت &&& نعم الرجال اللي وفت في عملها

حكامنا منا وحنا هل الصيت &&&&& ومن قادنا منهم ألامانة حملهــا








وسلا متكم


أخوكم / خرجــــــ فتىالعمور ــــــــــــاوي

 

 

 

 

[معلومات العضو سعد المقابله]

رحم الله الشاعر

واسكنه فسيح جناته

والله يعطيك الف عافيه على الاختيار الطيب

لاهنت يالغالي

 

 

 

 

[معلومات العضو مسفر المصارير]

الأخ : خرجاوي

سلمت يمينك على النقل المتميز

الله لا يهينك دائماً ومواضيعك جزله

تقبل كل الود والتقدير

أخوك : مسفر المصارير

 

 

 

 

[معلومات العضو إبـراهيـم بـن راكـــان]

خرجــاوي


بيض الله وجهــك , واللـه يرحــم شــاعرنــا , وآمــوات المسلميـن .

 

 

 

 

[معلومات العضو محمد ال بو زمام]

وعليكم السلام ورحمة الله وبركاته


الله يرحم الشاعر ( خالد بن محمد العمور الدوســـري ) ويسكنه الجنه . ويرحم اموات المسلمين . .


الله يعطيك العافيه اخوي ( خرجاوي ) على هذه القصيده وحسن الاختيار الطيب . . .


تسلم يمناك وعساك على القوة . . .


تقبل تحيات اخوك محمد بن عبدالعزيز

 

 

 

 

[معلومات العضو خرجاوي]

السلام عليكم ورحمة الله وبركاته


الله يعطيكم العافية على الردود الجميلة وماقصرتوا








أخوكم/ خرجــــــــ قتى العمور ـــــــــــاوي