لشاعر تركي بن هذال ال نيف الودعاني الدوسري

[معلومات العضو محمد ال نيف]

السلام عليكم ورحمة الله وبركاته
. هذه القصيده للشاعر تركي بن هذال بن نيف الودعاني الدوسري.
يقول:




ترى زايد وتغلب ساس دوسـر
بحلف قـام يـوم انـا لفينـا
وصرنا بعد ذاك اليـوم صرنـا
اخوان اعوان في الدنيا ودينـا
ونفخر ونتفاخـر فـي نسبنـا
الى دوسـر جميعـا منتمينـا
نعـم حنـا عيـال الازد حنـا
رقينا فـي المعالـي واعتلينـا
حكمنا من قديـم سـد مـارب
بحد السيف والرمـح السنينـا
وبعد ما نهار سـده وارتحلنـا
وجينا مثل سيل العـرم جينـا
جموع تطحن اللي في نحرهـا
صفا صم الصخر منهـا يلينـا
على حرب السمو الشيخ زايـد
بن عمرو ولد عامـر الامينـا
مثـل حرليـا منـه تنـهـض
ومنـه الخـرب يلبـد مايبينـا
نزلنا نجد بوادي بـن الاصفـر
بحد السيف غصـب ماشرينـا
بلاد يـوم جاهـا سلمـت لـه
ودخلناهـا دخـول الفاتحيـنـا
وعفينا مدرهـا مـن عداهـا
بضرب اللي تطلق مـن يدينـا
حمينا الغرس في نات النوايـع
بحـد السيـف دونـه مابنينـا
حكمنا يـوم عصـر الجاهليـه
ولازلنـا ونبـقـى حاكميـنـا
ووسعنـا حـدود الدوسـريـه
على صم الرمك رحنـا وجينـا
بعد زايد حكـم بالقـوم عامـر
شليل المجـد ذبـاح السمينـا
ذكره بن الهلالي فـي قصيـده
بقولـه يـوم جينـا مشملينـا
وردنا العد عـد عيـال زايـد
نهمنا مـن جمامـه وارتوينـا
ولاشيخ{ن} ياكون الشيخ عامر
لك الله غيـر عامـر مالقينـا
وحنا اللي مـع بـرك سندنـا
ولابـه شـك بالعلـم اليقينـا
يقود القوم بن بـدران عامـر
رضينـا بالقيـاده وارتضيـنـا
يبي له ثار مايبغـي طماعـه
ولايبغـي مهجـلات الحنيـنـا
عليها رجـال زايـد والتغالـب
تغالـب لازهمناهـا تجيـنـا
اهل عشر من عيـال الحبيبـي
على حوض المنايـا واردينـا
وزاعوا هجمة الصانع وجاتـك
تغيـب بعجـة الخيـل وتبينـا
ولحقونا هل الابـل واشتبكنـا
وخذنـا ثارنـا منهـم خذينـا
نهار الكون عاشر من ضحيـه
لـه الحسـاب منـا حاسبينـا
من شهوده وسيـم العامريـه
تناحى الذيـب لاجـر الونينـا
على تسعه وسبعه من ضناهـا
غـدوا عنـد ال زايـد ميتينـا
وحنا اللي نزبـن مـن زبنـا
وذي عاداتـنـا دون الزبيـنـا
زبنـا يـوم عـدوه القبـايـل
وجلاه الشريـف وجـا يبينـا
وحطيناه فـي عاصـا طويلـه
وشلنا عنـه حملـه وارتكينـا
قصير البيت يامن فـي حمانـا
بامان الله وحنـا لـه حمينـا
وحنا اللي وسمنا له عصاتـه
على جنب العصا له واسمينـا
ويرعى في ديـار الدوسريـه
ولايجيـه كـون اللـي يجينـا
وترعى الشول وانا من وراهـا
وعلى الحد المطـرف نازلينـا
مجاهيـم{ن} يباريهـا جنبهـا
عليها كـل قـرم{ن} معتلينـا
يدوسون المخاطر في هواهـا
وعنهـا تـرد كـل الطامعينـا
نـرد الابـل ليـا منـا لحقنـا
ونكسبهـا ليـا منـا غزينـا
وهذي مـن فعـول الزايديـه
وربـي قـد خلقنـا زايديـنـا
فعـول لـو نحسبهـا عجزنـا
عجـز حسابهـا والكاتبيـنـا
وكفنا سمعت{ن} عند القبايـل
زكـل وده انــه مستبيـنـا
وانا من لابـة يعـرف نباهـا
طمعنا في المراجـل كاسبينـا
وداعين{ن} مضا منا سوالـف
ومنه الجار من جـداره ودينـا
ولابه زود عـن كـل القبايـل
وكل{ن} دون حقـه محتمينـا
وختم القول صلـى الله وسلـم
على الهادي رسول الحق فينـا


وسلامتكم. واعذروني على الاخطاء الاملائيه ان وجدت

 

 

 

 

[معلومات العضو ابومبخوت الدوسري]

صح لسان للشاعر تركي بن هذال بن نيف الودعاني الدوسري وبيض الله وجهك يامحمد على نقل هذه القصيدة الجميلة تحيـــاتي وتقديــــري

 

 

 

 

[معلومات العضو محمد ال نيف]

وجهك ابيض وابشرو بالخير

 

 

 

 

[معلومات العضو دغش محمد الصخابرة]

صح لسان للشاعر تركي بن هذال بن نيف الودعاني الدوسري

وبيض الله وجهك يامحمد على نقل هذه القصيدة الجميلة

تحيـــاتي وتقديــــري

 

 

 

 

[معلومات العضو أبو سعود الودعاني]

بيض الله وجهك وصح الله لسانك

وصح الله لسان الشاعر الفحل تركي ال نيف

 

 

 

 

[معلومات العضو ناصر بن فهد]

صح لسان الشاعر تركي بن هذال بن نيف الودعاني الدوسري


وبيض الله وجهك ولاهنت يا محمد على نقل القصيده الراائعه

 

 

 

 

[معلومات العضو محمد ال نيف]

لاهنتو جميعكم على الردود الحلووه والجميله وترقبونا عن قريب

 

 

 

 

[معلومات العضو حد السيف]

صح لسان للشاعر تركي بن هذال بن نيف الودعاني الدوسري

وبيض الله وجهك يامحمد على نقل هذه القصيدة الجميلة

تحيـــاتي وتقديــــري