شعراء من ( الدواسر ) .. يرثون انفسهم !!

[معلومات العضو ولد زايد وسيع البنايد]

بسم الله الرحمن الرحيم

السلام عليكم ورحمة الله وبركاته

.................


اخواني ..

قد يتنبأ البعض من الناس بقرب منيته .. اطال الله في اعماركم ورزقكم حسن الخاتمه

وهذا كثيراً ما يحصل مع الكثير من الناس

سواءاً يأتي هذا التنبيه بقرب المنيه ....

عبر رؤيا في المنام أو حدس ٌ و إلهام من الله عز وجل ,, او غير ذلك ..

و موضعي هو عن هؤلاء اللذين يتنبؤن بقرب منيتهم فيكتبون شعراً يخلد ذكرهم امواتا



.........



وقد حدث هذا مع الشاعر الكبير // حمد بن عبدالله المهنا الدوسري - رحمه الله -

في تاريخ 10 / 1 / 1426 هـ

فقبل هذا التاريخ أرسل هذه القصيده

لـ اخوه ورفيق دربه ( فهد بن صغير العجمي ) - رحمه الله -

الذي لحق بصاحبه بعد شهورٍ قليله من وفاته ,, عسى ان يجمعهم الله تحت ضلِ عرشه

وهما من سكان هجرة ( الونـّـان ) في وادي العجمان ..

رحمهما الله جميعاً ورحم الله موتا المسلمين



وهذه القصيده

يقول حمد المهنا :

يـا الله المطلـوب بـأول مبتدانـا = نطلـب الخالـق لعبـده يستجيبـي
جعـل رب البيـت للحـق يهدانـا = والهدايـه للفتـى حـظ ونصيبـي
يا ( فهد ) يا اخوك سبر الموت جانا = ونَتحلم به وهـو قـد هـو قريبـي
مـن ذليّلـه مانسيّـر لقصـرانـا = لانبـي زادٍ ولا نشـرب حليـبـي
هقوته انه ذا السنه يبغـى حدانـا = بخت منهو مـات ماجـاه ْتعذيبـي
سكري وضغـط والشـوف يتدانـى = وكـل يـومٍ رايحييـنٍ للطبيـبـي
غافليـنٍ مـا شبعنـا مـن هوانـا = والضروس مكمله والـراس شيبـي
مـا تفيـد اعيالنـا واللـي ورانـا = كود ما قدمـت قدمـك يـا حبيبـي
والأمانـه لا طلبهـا اللـي عطانـا = نشكره ونقـول ذا حـقٍ مصيبـي
نطلـب الغفـران جينـا منتهـانـا = في نهـارٍ فيـه حسّـاب وحسيبـي

،،

سبحان الله ..

ولم تمضي سوى ايام قليله الا و فجع أهله بخبر وفاته رحمه الله

إثر حادثٍ تعرض له وهو صائمٌ في عصر يوم عاشوراء .


لا تبخلوا عليه بالدعاء

اطال الله في اعماركم واعمار ابائكم ومن تحبون

ورحم الله موتانا وموتاكم وموتى المسلمين اجمعين في جنات الفردوس الأعلى ..






::::::::::






و القصيده الاخرى لـ الشاعر الكبير // سليمان التركي السديري الدوسري _ رحمه الله _

عندما كان في المستشفى بالرياض في 5 / 4 / 1402هــ

و هو يوصي فيها ابنه فيصل وكأنه تنبأ بدنو أجله

يقول سليمان التركي :

أشوف دياني وقف لي على الباب = يبي الوفا مني ويطلب حسابه
ماينـّسي دين ٍ تقفاه طلاب = الدين ما يوفيه كثر الطلابه
يا ( فيصل ) اودعك توديع من غاب = لا تحتريه أنه يجي من غيابه
غيبة دهر ماهي شهر عد وحساب = في مظلم ٍ ينهال فوقي ترابه
أبيك ما تجزع وتفزع وترتاب = لاجاك من ينعى ويشلع ثيابه
عمر البكا مافاد حي ٍ ولا ثاب = لو سر غيرك كان سر الندابه
اعزم وشم واصعد من المجد مرقاب = واطلب لـ أبوك انه يخفف عذابه
وعليك بـ اخوانك وربعك والاقراب = حقي عليك مواصلك للقرابه
وما بينكم لا ينقل الهرج سباب = ترى دمار الدار نقل السبابه
ومن الرجال اليا تخيرت الأصحاب = تخير اللي ما يبدل جوابه
مغلاق باب الشر ، حلاّل الأنشاب = زبن الدخيل اللي تنصى جوابه
وابعد عن الداني ولو مرة ٍ طاب = لزوم يظهر لك مرار ٍ عيابه
وانص الرجال اليا تخيرت الأنساب = كل ٍ تعوض به ياكود النسابه
وأنشد عن المربـَـا ترى العرق جذّاب = عرق الردي لابد يجذب جذابه
بلغتك الاعلام من غير نجاب = والحر يفهم من خطاه و صوابه

..


و بالفعل بعد هذه القصيده بـ أيام انتقل الشاعر الى رحمة الله

لا تبخلوا عليه بالدعاء

اطال الله في اعماركم واعمار ابائكم ومن تحبون

ورحم الله موتانا وموتاكم وموتى المسلمين اجمعين في جنات الفردوس الأعلى ..







::::::::::







والابيات الاخرى لـ الشاعر العلم // محمد الأحمد السديري الدوسري - رحمه الله -

و قد قالها حينما كان في المستشفى وقد رأى ابناءه حوله

وقال :

ان شفتكم ربّع فـوادي بالأزهـار = وان كان غبتوا صفق القلب مقهور

ثم طرحته الغيبوبه ....

وكان ابناءه يتناوبون بمرافقته فالمستشفى وكان كل يوم يجلس عنده واحداً من ابناءه

وكان في يومِ من الايام وهو في المستشفى كان مرافقه ابنه ( سلطان )

فلما فتح عيناه ونظر إلى ابنه سلطان نظرة الوداع و هو على فراش الموت ...

فقال :

( سلطان ) شفت الموت مرّه ،، و مرّه = والثالثه يـا ابـوك كشّـر بنابـه
ما ابيه ميـر انـه بلانـي بشـرّه = و زودٍ على خيله ركبنـي ركابـه
لو ظهر لي في صحاصيـح بـرّه = نذر ٍ علي يا ابوك لـاعطب صوابه

،،

والقصيده اطول من ذالك حسب ما ذكر ..

ولكن ابنه سلطان لم يحفظ منها سوى هذه الثلاثة ابيات

وذلك لـ صعوبة موقفه

..


رحم الله السديري وتغمده في رياض جناته

لا تبخلوا عليه بالدعاء

اطال الله في اعماركم واعمار ابائكم ومن تحبون

ورحم الله موتانا وموتاكم وموتى المسلمين اجمعين في جنات الفردوس الأعلى ..




.........



لقد مات الكثير من الناس ولا يزال الناس يموتون
فينساهم ذووهم ..
ويسلوهم أهلوهم ..

لأن الموت سنة من سنن الحياة ..



و لكن هؤلاء الشعراء استطاعوا ان يخلدوا ذكرهم وجعلونا نذكرهم ونبكيهم ونحن لا نعرفهم


رحمهم الله ورحم الله موتى المسلمين اجمعين



((( وهذه هي عظمة الشعر، و الخلود في ذاكرته )))


أخوكم /


بلنتـــي

 

 

 

 

[معلومات العضو ابو زيد الغييثي]

بلتني

موضوع نادر في طرحه تشكر على هذه الابيات الجزله التي رثى بها

شعرائنا رحمهم الله بها انفسهم


فجزاك الله خير من عضوٍ مبدع


محبك ومغليك


ابو زيد الغييثي

 

 

 

 

[معلومات العضو العماني]

السلام عليكم ورحمة الله وبركاته

الأخ بلنتي

بيض الله وجهك على هذا الموضوع الجميل والفريد من نوعه ، والله يرحمهم جميع ويسكنهم فسيح جناته ، وياليت باقي الأخوان يضيفون القصائد المماثله للقصائد اعلاه.

تقبلوا تحياتي،،

 

 

 

 

[معلومات العضو قلم بدون حبر]

موضوع مميز

يابلنتي

لكن قصيدة موجهه الأمير سلطان بن عبدالعزيز

ليس ابنه

وتقبل تحياتي

 

 

 

 

[معلومات العضو ولد زايد وسيع البنايد]

..

المشاركة الأصلية كتبت بواسطة ابو زيد الغييثي

بلتني

موضوع نادر في طرحه تشكر على هذه الابيات الجزله التي رثى بها

شعرائنا رحمهم الله بها انفسهم


فجزاك الله خير من عضوٍ مبدع


محبك ومغليك


ابو زيد الغييثي

اررررحب يا ابو زيد

الله يبيض وجهك على مرورك الطيب وردك اللي يحفزني الى تقديم المزيد

اسعدني تواجدك

أخوك

 

 

 

 

[معلومات العضو ولد زايد وسيع البنايد]

..

المشاركة الأصلية كتبت بواسطة هايف العماني

السلام عليكم ورحمة الله وبركاته

الأخ بلنتي

بيض الله وجهك على هذا الموضوع الجميل والفريد من نوعه ، والله يرحمهم جميع ويسكنهم فسيح جناته ، وياليت باقي الأخوان يضيفون القصائد المماثله للقصائد اعلاه.

تقبلوا تحياتي،،

يا مرحبا والله ومسهلا بـ أبن العم الغالي هايف

وجهك ابيض

ولاهنت على مرورك الطيب وردك اللي يحفزني الى تقديم المزيد

الف شكر

 

 

 

 

[معلومات العضو عمار]

تكفوووووون
والله ذخر لكل حي وميت

 

 

 

 

[معلومات العضو عمار]

أبي قصائد عن قبيلة ال عمار كل من لدية أي قصيدة يرسلها لي
ولكم مني خالص الشكر والتقدير

 

 

 

 

[معلومات العضو عبدالرحمن النتيفات]

موضوع نادر في طرحه تشكر على هذه الابيات الجزله التي رثى بها

شعرائنا رحمهم الله بها انفسهم


فجزاك الله خير من عضوٍ مبدع

 

 

 

 

[معلومات العضو سالم بن صمهود]

ولد زايد وسيع البنايد/ بيض الله وجهك يالقرم على الموضوع الرايع جدا
ورحم الله من قد مات والله يتوب على الاحيا اللهم امين

 

 

 

 

[معلومات العضو عبدالرحمن الشرافي]

ولد زايد وسيع البنايد (( بلنتي ))


الله لا يهيينك ويعطيك العافية ويكثر من أمثالك يالقرم

وتسلم يمناك على ما سطرت من قصائد تاريخية جزلــــــة

ورحم الله شعراءها . واسكنهم الجنه وغفر لهم



تحياتي وتقديري

 

 

 

 

[معلومات العضو ولد ودعان]

اشكرك جزيل الشكر على الموضوع المميز

 

 

 

 

[معلومات العضو الخضراني2]

الله يعطيك العافيه اخوي بلنتي ..

وأضم صوتي مع الأخ .. قلم بدون حبر .. !!

في قصيدة سلطان ..

حيث أنه سلطان المقصود في القصيده ..

هو الامير سلطان ابن عبدالعزيز آل سعود ..

وليس أبنه ..

وشاكر لك ..

 

 

 

 

[معلومات العضو ولد زايد وسيع البنايد]

المشاركة الأصلية كتبت بواسطة ابو زيد الغييثي

بلتني

موضوع نادر في طرحه تشكر على هذه الابيات الجزله التي رثى بها

شعرائنا رحمهم الله بها انفسهم


فجزاك الله خير من عضوٍ مبدع


محبك ومغليك


ابو زيد الغييثي

..

يا مرحبا والله يا ابوزيد

يشرفني مرورك طال عمرك

لاهنت على كل حااال

الف شكر

أخوك

 

 

 

 

[معلومات العضو ولد زايد وسيع البنايد]

المشاركة الأصلية كتبت بواسطة قلم بدون حبر

موضوع مميز

يابلنتي

لكن قصيدة موجهه الأمير سلطان بن عبدالعزيز

ليس ابنه

وتقبل تحياتي

اررررحب يا قلم

اولا ً .. اشكرك على مرورك الطيب

وبيض الله وجهك

وثانيا ً .. القصيده موجهه الى ( ابنه ) سلطان

وليس الامير سلطان بن عبدالعزيز .. حفظه الله

... وهذا الشي معروووف ولا يحتاج الى اي توضيح

وبعض الرواه تقول كما قلت انت !! ان القصيده موجهه الى الامير

... ولـ الاسف هذا الكلام غير صحيح

وكما يقال ((( آفة التاريخ رواته )))

...

اشكرك لـ المره الثانيه على مرورك الطيب وردك الوافي

لاهنت