أقرب ياواثق خطى لاهنت

[معلومات العضو أحمد الغاطي]

السلام عليكم ،،

صباح الخير والحمدلله على السلامه ياأستاذنا

وأستلم ،،،

واثق خطى لاشاف له فالسما حوم=ضيّع مابين اخطاه ويّـا الحمامه
وليا ركد عدّا على راس مزموم=وغنا ( السلامه ياحلات السلامه )..

 

 

 

 

[معلومات العضو أحمد الغاطي]

أخوي واثق عني ارسلت لك رساله اذا انت بهاجسك اللعب قلي عفا الله عنك

وألا تمسي على الخير ياوجه الخير

 

 

 

 

[معلومات العضو واثق خطى]

انا جاهز يالذيب يالله حيه يشرفني اللعب معك
خلووووووها

 

 

 

 

[معلومات العضو واثق خطى]

وأستلم ،،،




واثق خطى لاشاف له فالسما حـوم
ضيّع مابين اخطـاه ويّـا الحمامـه
وليا ركد عدّا علـى راس مزمـوم
وغنا ( السلامه ياحلات السلامه

استلم استلم لاهنت:

واثق خطى يا ناشد(ن) عنه زيزوم
....................واثق ولا يبدي حسوف وندامه
واليا انتخو به عزوته ينـطح القوم
....................واليا نطق يازن معاني كـلامه

 

 

 

 

[معلومات العضو أحمد الغاطي]

طيب ياطيب

كفو لكن الخلق معطى وحروم=أحدٍ شقي وأحدٍ سعيد بغرامه
منته لها لوتلبس عقال وهدوم=البنت تبغى لابسين العمامه

 

 

 

 

[معلومات العضو أحمد الغاطي]

كفو لكن الخلق معطى ومحروم

الميم يخلف الله عليها

 

 

 

 

[معلومات العضو واثق خطى]

كفو لكن الخلق معطى وحروم
أحدٍ شقي وأحدٍ سعيد بغرامه
منته لها لوتلبس عقال وهدوم
البنت تبغى لابسيـن العمامـه

استلم:

اليوم لك تصريح وهروج وعــــلوم
....................والا امس ضاعت بوهتك فالجهامه
مانيب في لبس من الشاش ملزوم
....................ويش العمامه فوق راس الــهلامه

 

 

 

 

[معلومات العضو أحمد الغاطي]

شفتك هذاك اليوم ماتعرف اتعوم=وأنقذك ربك وأنقذتك الغشامه
واليوم لاوالله في نفسك الزوم=تبغا الزعامه والبلا فالرخامه

 

 

 

 

[معلومات العضو واثق خطى]

استلم:
ناخذ من جزال الـتماثيل بالــكوم
....................ونعلم الي تو ما اوفى علامه
والي يهذري شعر لا غطه النوم
....................الله يعينه لاصحى من منامه

 

 

 

 

[معلومات العضو أحمد الغاطي]

الله الله

بعض العرب لاشفته يطيح ويقوم=فأم الركب مجوّده في عظامه
والله لأصدرلك من الراس مرسوم=وأحط لك بين الحجاجين شامه

 

 

 

 

[معلومات العضو واثق خطى]

استلم :

ياحليل راعي الغاط في جوه اغيوم = صاير من الفرحه يمازح عمامه
الله يلوم الي على مثله يلوم = يبغى نسدد له رسوم الاقامه

 

 

 

 

[معلومات العضو أحمد الغاطي]

ههههههههههههههه

لاوالله ألا صاحبي اليوم منجوم=أن قلت واثق قال ونت بكرامه
الغاط خله دونه رجال وقروم=صحصّح وسدّد كم مضى من غرامه

 

 

 

 

[معلومات العضو واثق خطى]

استلم استلم لاهنت:

نعمين باهل الغاط ربعي على الدوم = لاكنٌ في الاجواد تلقى خمامه
اصد عن بعض الرجاجيل واشوم = لكن اذا كثر أوثُق خطامه

 

 

 

 

[معلومات العضو أحمد الغاطي]

المعذره على التأخر بالرد كنت أتصفح المنتدى ومادريت عن ردك

حتيش ذمك مدح ياناقل البوم=وأكبر دليل أني من أهل الشهامه
والله وتالله منت ياخوك مليوم=حطيت لك بين الحواجب علامه

 

 

 

 

[معلومات العضو أحمد الغاطي]

ماعاد ألا الصلاه قفلتها عندك يخوي واثق خطى

وشرفتنّي الله لايهينك ولايصغرك واستر ماواجهت

ولنا لقاءات قادمه بأذن الله حتى نستفيد منك يالقرم