الـــملــحـمة الــدوســـرية

[معلومات العضو مسعود المقيبلي]

"الملحمة الدوسرية" للشاعر / مسعود بن سعد المقابلة الدوسري القصيدة بصوت الشاعر يقول فيها: بأ سم الاله الواحد المعبود = ابدى بذكره باول المارود واصب قافٍ كالجنيه الصافي = مثل العسل واقطع من البالود من هاجسٍ لاناطحت قيفانه = قامت تداحم لي على المعهود اكتب وراجع كل فعلٍ طيب = افعال ربعي كاسبين الفود وذكر الرجال الطيبة بافعالها = هو غايت الشاعر وهو المقصود واخير مامدح بالقصائد ربعي = ولاغير مدح الطيبين عدود ربعي هل العادات سقم العادي = ((دواسر)) ترسي سوات الطود خطلان الايدي (1)والفعول مجربه = من عصرنا الحالي لعصر جدود اولاد(( زايد ))زايدين بفعلهم = وعيال ((تغلب)) كاسبين الجود انـّا مزبنة الدخيل الخايف = ويشهد لنا ابن مطرفٍ وسعود وانـّا ودينا جارنا من جداره(4) = بين القبائل فعلنا مشهود وبالحرب حداد الجمل عاداتنا = وحذف السمل لاقوّس البارود لاسيقة العطفه وشاشوا بالحدا=لعيون بيضً ينقضن جعود فوق الأصايل والسيوف عصيهم=والباسهم من مالبس داؤود كم خيرٍ بنحورهم ثاروبه=مع درب غيره راح منعى الخود ونزود في وسمة عصى قصيرنا = سلمٍ لنا على الرجال يكود ناسم عصاه ونهمله في دارنا= ايلين يطلب ديرته ويعود مع جارنا يشهد لنا العرجاني = بأفعال( شلال ٍ) وهو مرمود مايشكي الوجلا وحيف الحايف=من كان له لاد المنيعي عضود جريس يثني بالكرم والجيره =وعبلان ماعن كلمته منشود وانـّا اهل رمحٍ يظل ظلاله = في فيته روس الرجال قعود بن صباح ومعه بن خليفة = رمح آل حسن في الموقف المشهود الاشراف طاري (تين) قام يروعها =ووسيم تبكي عزها المفقود يوم (ابن بدران) المسمى عامر = افرع على صفر الرمك سنود ومن كسبنا يوم الطراد الريشة = من حاكم عنه الرجال تحود شهر لها ابن( قويد) مقدم لابة = فزعة شيوخ تنصف المضهود شيخٍ على شيخٍ موارث شيخة = السيف يفعل واليمين اتجود يجر له نمراً يشوّق فعلها = تروي يمانيها عطاش العود يقدى مقادمها ويمنع عقبها = لاعلق البيرق على العمود يوم الخفيّف قالها بمثايله = جونا محددت الجمل بقيود وفينا الضمين يعده الخلاوي = يوم القبائل طارد ومطرود ومنا (وقيان) أمدحه بفعوله =وعادات أخو فرجة مقام الجود في حظنه الميزب نهار الهية=لين انتهى الطارد من المطرود ينسم ألواني ويمنع عقبها=وينحى السبايا لقبلن ورود والهلقمي (بجاد) ما ننسى فعله =عند (الدويّخ) موقفه محمود و(حزام ) اعده معه منا خمسه =مع من بنا مجدٍ تلته مجود يشهد له معزي وباب المصمك= وشلفى (فهد) في بابه المردود وفينا بعيدين المغازي عاده = جرات (ابن عواد) مرذي القود وأثني على (ابن حفيظ) راع الردة = نعم بفعله والعدو ملهود زهم (ابزايد) ونتخى في لابته = مال الفتى عن يومه الماعود وثلاث قبٍ يركبن الحيهن = من بندقٍ له ضربها وكود وزيد الخويري ستر ابل قصيرته = في ساعةٍ حوض الدرك مارود ونا هل الست المهار القرح = يوم الرفيده رده المقرود وهل خمسٍ يشود بها بمخاضه = يوم جلوي جانا يجر جنود ونا هل الست الركايب حنا = وهل الثمان اللي لهن عدود وهل العشر لاد الحبيبي عدهم = والعود ينبت في محله عود والترك ذاقوا بالملاقا فعلنا=كله لعينا باتل العبود عند ابرق الركبان طيب فعلهم=لاد الحريجي فعلهم ماكود وناطى الحفيف الى وزى في داره = هضاب الاشرع بالصباح شهود فيها نعن المعلفي حلايله = الجيب ولّع والنحر مقدود وعند الخوي وقفاتنا معروفه = معيبيل له نعمين وايضا زود ذبح ذلوله والرشاء من جلدها = واظهر خويه بالمتن مشدود وايضا نعد الشمري خوينا =قصر به الموتر بدار زيود بين الدهم والوايلي وعبيده=سباعٍ مافيها اولواني الرقود تقاسموا الموتر وشالوا صاحبه =إلين أدخلوه بديرة بن سعود وخوينا ناسم عصاه تسيّره = كن الخوي مع صاحبه موجود ونعطي عطاياً ماوراها منّه = عطية سويقي عطى المولود وخضير بن شامان راع الحرشى = معطي عطاياً مالهن حدود اللي عطى في يومه امية ناقه = يوم الرجال يكودها المفرود عزوة حسن من يومها لايومنا = مانلحق جزال الفعول جحود وترفق مرتنا من ذرابة سلمنا = في وجه ابوها والسلوم بنود وبيع اللحم عيبٍ علينا عايب = والماء علينا بيعته منقود ولاناكل الفجوة ولانقبلها = عزة نفوس في فعول اسود والضيف قدره عندنا مثلوثة=يوم القرى على الرجال يكود و (عامر) بقدر الضيف فعله بيّن=كرايمٍ ماجا لهن نّدود كرامته للضيف من حيل البل =تسعين غير الشاه والقعود في ديرةٍ تجذى المناوي دونها = عنها نعدي بالنمش ونذود ديرة نخيلٍ مايطير غرابها = ليال ظايفها ليال سعود وديرة جهام مايزعزه النذر =منداً مساس ومنهل قرهود دارٍ حميناها بسيف وبندق = قدام يطلع دولةٍ وحدود بين (العتيبي )و(قحطان) وحلفهم = و(سبيع) و(المره) هل النفود شرقيها (العجمي) بخيل وسله = وجنوبها (اليامي) الى الاخدود يرسخ بها الغرس المظل الداجي = وترعي بها الابل بين وضح وسود اقسومنا لامن علن سهومنا = لابيّن الصامل من الشرود ماجاتنا عطى ولا نحايل = من حفنا ماجت بدفع نقود بمشلشلٍ يفرى النحر مظرابه = لامن لحق لباسة الماهود قرايع الشجعان من حفانها = سند غواربها عراض خدود نبرى لها من فوق قب و ضمر = ننحي الجموع ونحتمي البلود ياما نحينا دونها من نمرا = عقب الطمع وقفت بهم عرجود هذا ونا من عزوةٍ معروفه = فرجان لاجا حاوي ومردود انا معيلة الطراد بظربنا=لاجات بالسلات والعبرود نواسة القيمان فوق الضمر = هذا يصبح يوم ذا مهجود كم ذود مصلاحٍ لفوا يشعونه = بضرب القنا والصاطي المجرود سودٍ حراب الشلف وصف آذانها = تقول ترقى مشيها سنود نزالة القفر الخلى لاخلي = ودباشهم صوب الحفيف تقود عساسها البراق من يم الخطر= ترعى الزهر لاشاخ فيه فنود من مدهله يقزي الوضيحي نشرها = ترعى الطرف يوم البرى مردود يبرى لها سردٍ عليها ندر = قبٍ عياطيرٍ عليها فهود كم شيخ قومٍ عندها ردوبه = لامن غدى للجبخان رعود عقب الطمع والزوم واللي معهن = في كبده الشلفا الوريع تنود هذا قليلٍ من فعايل ربعي = ماعد غير الواقع الماكود مثل البحر ماينقصه غرافه = ومثل الجبل يلجى به المضهود للصاحب ظلالٍ وشهدٍ صافي=وعلى العدو همٍ وسم كبود المدح يزهاهم وهم يزهونه = ويزين في ساس الكرم والجود ولا قول بفعول القبائل قاصر = الاجواد تعطى حقها بالزود الطيب ماله بالملا حكاره=حبل المراجل للعرب ممدود لكن يبي صبرٍ وعزم وهمه=همة رجالٍ تحتمل للكود أدرى عواقب كلمتي لا قلتها=ابذل على القول الصحيح جهود ابي هل العرف تعشق مضمونها =واصونها من كلمة الهبود وختامها صلوا على نبينا = عداد ماهبت هبوب النود

 

 

 

 

[معلومات العضو عبدالله الصخيبري]

ابو سعد صبحك بالخير وش حالك وش حال ربوعك وعساء ماخلاف عليكم اشهد انك ماقصرت عديت اللوم قصيده وافيه من رجلن وافي واشكرك على النقل الصحيح للاحداث والقصص القديمه وجعلك في الوجود

اخوك:عبدالله

 

 

 

 

[معلومات العضو العماني]

السلام عليكم

صح الله لسانك ملايين يابوسعد كتبت فابدعت ونيابة عن كل دوسري زايدي وتغلبي نشكرك من الاعماق على القصيدة الاكثر من رائعه واسمحلي تراني سميتها (الملحمة الدوسريه ) وتاريخ الدواسر وافعالكم مهما كتبنا عنه فلن نوفيه حقه من كثرته ولا انسى انك قلت في اخر قصيدتك

هـذا قليـلٍ مـن فعـايـل ربـعـي =ماعـد غـيـر الـواقـع المـاكـود

وبيض الله وجهك مره اخرى واسمحلي مره اخرى على اضافة التسجيل الصوتي لقصيدتك .


تقبل تحياتي ،،

اخوك هايف بن مبارك العماني

 

 

 

 

[معلومات العضو نايف]

الشاعر الكبير مسعود المقيبلي صح لسانك وبيض الله وجهك

على ( الملحــــــــــــــــــمه )

ومهما قلنا لن نوفيك حقك

تقبل اطيب التحايا

اخوك

نايـف

 

 

 

 

[معلومات العضو الشكري]

الاخ العزيز الشاعر مسعود المقيبلي

صح لسانك وبيض الله وجهك

كتبت فابدعت ويحق لي ان افخر بك وان تفخر القبيله لمثلك وشرواك

وطوعت القصيد للعلوم الطيبه وذكرت افعال القبيله

وعلومك تطلق الوجه


والف شكر على القصيده الطيبه اللي نفخر بها ونعتز فيها


وكثر الله من امثالك


اخوك ومغليك


ابو عبد الله الشكري

 

 

 

 

[معلومات العضو بدر بن صقر العجالين]

لا هــــــــنـــــــت يامــــسعود المقيبلي......وشكرا

 

 

 

 

[معلومات العضو خالد الغريري]

الاخ العزيز الشاعر مسعود المقيبلي
صح لسانك وبيض الله وجهك
لا هــــــــنـــــــت يامــــسعود ......وشكرا

 

 

 

 

[معلومات العضو تركي ال فنيس]

مسعود والله القلم يقف عاجز عن شكرك قصيده جزله وبيض الله وجهك وصح السانك مليون يالسنافي

وتاريخ الدواسر وافعالهم مهما كتبنا عنه فلن نوفيه حقه من كثرته






19- غزوا العجمان بقيادة سحمان واخذوا ابلٍ للهوامله وكان على ستين من الخيل من غير الهجن فصاح الصايح ولحق هل ست من الخيل هم كعوت بن جعمل الهوامله وعويض بن جعمل الهوامله وراشد بن قابية المقابلة وسعدون آل عفيص الصخابرة
وثنين اختلفوا عليهم الرواة وقيل انهم هوامله واظهروا العجمان من ابلهم
وقال ابن الرفيدة العجمي (ماعاد ذا بهوش ارجال قد ذا سوق ركاب ) ورد فرسه عليهم
وتسابقوه هل الخيل وتقاطعوه
وقال شاعر من الشرافى جلاوي مع العجمان

سووا سوايا كعوتٍ بالمفازيع = روحه ورى حم الذرى مايحنه
خيالة الحرشاء حدوهم مع الريع = حدو الجلب للسوق لانحرنه
ابن الرفيده بينهم بالمباييع = الست من الستين تنقزنه

الى اخرها وسوف نوردها كامله لاحقاً .



الشرافي اللي جالي مع العجمان اسمه راجح الشقاوي الدوسري هذا والله اعلم

 

 

 

 

[معلومات العضو ابوعبدالرحمن الودعاني]

ماشاء الله قصيده جزله وطيبه أثرت في نفسي كثير بيض الله وجهك وبارك فيك ولا أخرس لسانك

فقد جمعت بين الحوادث التاريخية وأسلوم الدواسر بإختصار جميل وجمعت الدواسر كلهم زايدهم

وتغلبيهم..الشاعر الكبير مسعود المقيبلي صح لسانك يابو سعد وجعلك على القوة ونفتخر فيك

وبأمثالك

 

 

 

 

[معلومات العضو ابن شيبان الودعاني]

بيض الله وجهك اخي مسعود

والله لايهينك على هالمعلومات القيمة
والأبيات الرائعة

وعلى هالمجهود اللي تستحق عليه الشكر
والتقدير

تحياتي لك أخي الكريم

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

الاخ العزيز الشاعر مسعود بن سعد المقيبلي

أرحب أرحب تراحيب السيل ياابو سعد

أبو سعد والله إنه يعجز الكيبورد عن التعبير تجاه هذه الملحمه الرائعه

لقد تشرفت بسماعها منك شخصياً واليوم أقرأها في المنتدى

بدعت فأبدعت وكتبت فأسعدت من قرأها

صح الله لسانك ملايييييييييييين وبيض الله وجهك

لقد طوعت القصيده في العلوم الطيبه وذكرت أفعال القبيله

والف ألف ألف شكر على القصيده الطيبه اللي نفخر بها ونعتز فيها

وكثر الله من أمثالك وبارك الله فيك وجعل من أرثك في الجنه

تقبل الود والتقدير والشكر والعرفان

من محبك ومغليك : دغش البطي

 

 

 

 

[معلومات العضو الودعاني]

اخي مسعود المقبيلي
مهما قلنا لن نكفي حق هذه القصيدة
وصدق انها المــلحــمة الــدوســرية
صــح لســـانك...بليووون
والله يرفع مقدارك ويعزك

 

 

 

 

[معلومات العضو فهد الغريري]

الاخ الفاضل مسعود المقيبلي "ابوسعد "

بيض الله وجهك وجعل من أرثك في الجنه على هذي

الرائعه التي تسحر الالباب وتسلب العقول من مافيها من جزاله

ومعاني تاريخيه لهذي القبيله العزيزه.

اقول كفيت وافيت يابوسعد وجعل عمرك طويل

والشكر موصول للأخ العزيز " ابومبارك" عندما أسماها هذا الاسم

تقبل تحياتي اخــــوكم / فـــــهــــــد الــغـــريــــري,,,

 

 

 

 

[معلومات العضو عاني الدواسر]

بسم الله الرحمن الرحيم

السلام عليكم ورحمة الله وبركاته

اخوي الكريم مسعود بن سعد المقيبلي الدوسري

صح السانك ولا هنت

قصيده راقيه وقوية وملأه بالمعاني النبيله عند العرب.

لا استطيع ان اتخيل معاني هذي الرائعه الى وانا ابحر في معانيه

التي تحتوي في جنباتها كل المعاني الشامخه في عنفوان العرب.

الشاعر ابوسعد لا اخفيك سراً ان القصيده اوقفتني كثيراً

امام جزالتها وهي تروي للقارئ بعض تاريخ وامجاد قبيلة الدواسر

بكل فخر واعتزاز.

والتاريخ خير شاهد لقبيلة الدواسرالعزيزة الجانب.

وحق لها أن تسمى بهذا الاسم ((الملحمه الدوسرية))

بكل فخر وشماخت راس.

واقول لشاعر لا فض فوك وارجو ان لا تكون اليتيمه.

تقبل تحياتي وتقديري واعجابي .

عــانــي الـدواســــر..

 

 

 

 

[معلومات العضو ابن هديهد]

ألاخ العزيز مسعود المقيبلي

أرحب ثم ارحب أعداد ماحج حاج

وزار بيت الله أبو مسعود وفيت وكفيت

عسى من أرثك في الجنه عزالله العزيز ان القصيده

جزله وغنيه عن التعريف ويستاهلون ربعنى

بفعالهم الي ترفع راس كل دوسري

والك مني جزيل الشكر والعرفان

مــحبكم .ابـــن هـــد يـــهـــد