قصيدة الكزز ممدوح البدراني

[معلومات العضو ملفــــــــــــي]

راكب اللي كنه الثلـج لاقفـا واستـدار=يعكس اللي مر جنبه سوات المنضـره
متراكب فوق جنطه تراسيـب الغبـار=من حفيزه عند واحـد شـراه وقـدره
ايتثاقل لامشا تقـل شيخـن لـه وقـار=مقدم الربعه وطيبه مع النـاس شهـره
لدعست البنص كنه يقول ابشر وصـار=وشتبـا وامـر عليـه مافيهـا معـذره
ثم قلت الليل قرب وانا بالصـدر نـار=والهموم بوسط قلبـي تـرد ومصـدره
لامسك خط الشفاء يمسك السيد اليسـار=يعجـز الادار ماجـاب دورات كفـره
وان غطاه الليل نوره كما ضوح النهار=يرسم ضلال الجبل قو نـوره وشجـره
مشراه الا هل السوق واصحاب العقـار=مشراه اللـي تسلـف ليملـى متجـره
جيب لكزز موقف في محلات الاجـار= ولايلفلـف بالحوايـر بقصـد الفشخـره
لو ماني مومن ان الصناعـه بزدهـار=قلت ميصنع كذيا ولـد رجـل ومـره
المهـم السالفـه كلبوهـا باختـصـار=فايق التصميم شغلـه ويبهـر مضهـره
عارفن منصاه من يوم عبا ليـن سـار=للرفيـق اللـي بيوتـه بعـز معـمـره
يارفيقي خوتك تـاج يانسـل الاحـرار=في شعيبن زم عشبـه ولاقـف مطـره
يستقي بقنوف سحبن تقـادح كالشـرار=ينهمر بطنه ويشكي من الثقـل ضهـره
ساقه المولى على نجد واقفـا بنحـدار=وكل من يمشيه لنـاس عـده وذكـره
كن نواره ينـادي لشوفـه كـل مـار=لاتعدى شـوف نعمـة وليـك وشكـره
وكن ريح القحويانه مثل ريـح البهـار=في دلالِ فوق جـال الهشيـم مسطـره
مكتسآ فيه الحزم والسهل كلـه خضـار=ينضر الرجال لاقصاه ويضيع بصـره
موطابه غير بدوآ قـدم سـود البكـار=تدفـع المقهـور وتسنـده وتـحـدره
سجتنبه تشرح البـال وتفـك الـزرار=عن همومن بالصدر من زمان مبعثـره
كل ماجيت ابدله علـي الوقـت جـار=والزمن ماعاد احسب ليومـه وشهـره
مير والله كان ربي ومـر والوقـت دار=لرضي اهل الميمنه وازعل اهل الميسره
الفكر ساس التطور ورمـز الانتصـار=والتخلف يلبس الرجال ثوب المسخـره
والهروب من الفشل والتسرع بالقـرار=تفشل عزوم الرجـل وتحـداه وتخـره
والرجل قول وفعل فالمواقيـف الكبـار=والنعم يجنيـه مـن بالرياجيـل بـذره
كم ميت ودك انه مـن طـوال العمـار=وكم حيـن ودك انـه بوسـط المقبـره

الشـــــــــــاعــــــــر/ ممــــدوح البــــــــدرانـــــي

 

 

 

 

[معلومات العضو نايف الخييلي]

صح لسانك وتسلم على الاختيار الطيب

وصح لسان الشاعر ممدوح البدراني


خالص التقدير

 

 

 

 

[معلومات العضو دغش محمد الصخابرة]

صح لسااااااااانك وتسلم على الاختيار الطيب,,,,

وصح لساااااان الشاعر ممدوح البدراني,,,

ويعطيك العافيه,,,,أخوي ملفي....

 

 

 

 

[معلومات العضو خيالية]

يعطيك العاااااافيه ..........

 

 

 

 

[معلومات العضو ابوبدر المصارير]

صح لسانك وتسلم على الاختيار الطيب

وصح لسان الشاعر ممدوح البدراني