رثـاء فراج بن فهد آل بريك في جـاره حـبـيـب بن محمد آل بريك رحمه الله

[معلومات العضو عبدالرحمن بن فلاح آل بريك]

الحمد الله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين


إخواننا أعضاء وزوّار ومرتادي الموقع الرسمي لقبيلة الدواسر

هذه قصيدة رثاء للشاعر فراج بن فهد بن جديع آل بريك في جاره : حبيب بن محمد بن شداد آل بريك (رحمه الله رحمةً واسعة) حيث عرف عن الفقيد محبة الجميع له وتواجدهم في خيمته منذ الصباح الباكر وكان من أكثر الناس تواضعاً وأطيبهم أخلاقاً بشهادة الجميع رحمه الله رحمة واسعة .

مل عينً حاربت حلو المنامي =واستوى في موقها الصبح ومساها
لاصبحت هلت مثل وبل الغيامي= والمساء لا اقبل يزيد بها عناها
لا ذكرت اللي بقلبي له مقامي =وقيمته في النفس عالٍ مستواها
جاري اللي له معزة واحترامي =وسيرته عند العرب زينً نباها
ما اخبر له مبغضٍ يمشي حرامي =له من اسمه قسمةٍ ربي عطاها
عنك ما جاره شكى منه الحثامي=والخوي منه العزاري ما شكاها
ان دعيته ما توانى في المقامي =وان دعاني سلوة الروح وهناها
مجلسه تلقى به ربوعٍ حشامي=من صلاة الصبح لا تالي عشاها
لا تنفس بالسفر صبح الظلامي =شب ضوٍ يجذب السارح سناها
وقرب الكيف المبهر بالشوامي =ودر خلفاتٍ عسيرً مشتراها
وعقب ذا برٍ على جاله ودامي=للنشاما واعتزى باللي وراها
ياوجودي وجد مكسور العظامي =ما تذوق النوم عينه من شظاها
او وجود اللي غدى والقيض حامي=وجا له ارضٍ في حياته ما وطاها
وكمل البنزيم في عين المضامي =وشحشح الماء والحزابة ما احتساها
او وجود صغيرٍ قبل الفطامي =امه بسو القضاء المولى خذاها
لا توعي نقض جروحٍ كوامي =وإن رقد مايرقد إلا في رداها
طيفها لا من غفى زاره وحامي =ولا توقض من منامه ما لقاها
من قصيرٍ راح في الشهر الحرامي =وركزو فوقه من البيدا حصاها
لا ذكرته صارت ضلوعي حطامي =وهاضت العبرة وعيني هل ما ها
من فراقه طاويٍ حالي هيامي =وحزن يعقوب النبي حالي طواها
مل قلبٍ كنه يلذع به لحامي =واهجه في اقصى معاليقي شواها
ياجماعة صار حلم من الحلامي =وانتهت نفس العزيز لمنتهاها
ياجليل الملك جعله للرحامي =واصرفه من واهج النار ولظاها
واجعل الفردوس له دار ومقامي =مع نبي الله شفيع الخلق طاها

 

 

 

 

[معلومات العضو حمد ابن فهد]

ابوفلاح بيض الله وجهك للنقل الرائع وصح لسان الشاعر فراج ورحم الله حبيب بن محمد
تقبل مني أطيب التحايا

 

 

 

 

[معلومات العضو ابو زياد البريكي]

اللهم آرحم والدي رحمة واسعه
واجعله قبرة روضةً من رياض الجنة
واجمعنا بهم في جنات النعيم
واللهم ارحم واللديك يابو فلاح واموات المسلمين

ولا هنت على ماقدمت

 

 

 

 

[معلومات العضو راشد المسعري]

جاري اللي لـه معـزة واحترامـي=وسيرته عند العـرب زيـنً نباهـا
ما اخبر له مبغضٍ يمشي حرامـي=له من اسمه قسمةٍ ربـي عطاهـا
عنك ما جاره شكى منـه الحثامـي=والخوي منه العزاري مـا شكاهـا
ان دعيته ما توانى فـي المقامـي=وان دعاني سلوة الـروح وهناهـا
مجلسه تلقى بـه ربـوعٍ حشامـي=من صلاة الصبح لا تالـي عشاهـا
لا تنفس بالسفر صبـح الظلامـي=شب ضوٍ يجذب السـارح سناهـا
وقرب الكيف المبهـر بالشوامـي=ودر خلفـاتٍ عسيـرً مشتـراهـا
وعقب ذا برٍ علـى جالـه ودامـي=للنشاما واعتـزى باللـي وراهـا

الله يرحمه ويجعل مثواه الجنه ويجمعه بأولاده ومحبيه في جنات النعيم

وصح لسان الشاعر على مرثيته في جاره وبن عمه

وعز الله إنه ذكر صفات كريمة لا تجتمع إلا في كرام الرجال أمثال المرحوم حبيب بن محمد آل بريك

لاهنت يابو فلاح على القصيدة القوية وصح الله لسان شاعرها ورحمة الله من قيلت فيه رحمة واسعة

وللجميع ودي وتقديري ،،،

 

 

 

 

[معلومات العضو عبدالرحمن بن فلاح آل بريك]

الله يرحم أبو عبدالله ويجمعنا به ووالدينا ومن نحب في جنات النعيم . شاكر لكم مروركم .

 

 

 

 

[معلومات العضو فهد الغريري]

بارك الله فيك يابوفلاح على نقل القصيده المؤثره وصح الله السان الشاعر المبدع فراج بن فهد واسأل الله رب العرش العظيم ان يرحم حـبـيـب بن محمد آل بريك وتقبل تقديري واحترامي

 

 

 

 

[معلومات العضو علي فلاح البريكي]

جـعـل الجــنــان مـلـفـى ابـومـحـمـد وامـوات الـمـسـلـمـيـن
ولاهـنـت يـابـوفـلاح ولاهـان الشـاعـر/ابـوفـهـد

 

 

 

 

[معلومات العضو عبدالرحمن بن فلاح آل بريك]

أبو راشد علي فلاح البريكي بارك الله فيكم على مروركم . جزاكم الله خير على دعواتكم لأبو عبدالله .

 

 

 

 

[معلومات العضو سلمان ال بريك]

رحم الله ابو عبدالله رحمة واسعة واسكنه فسيح جناته
لاهنت يابو فلاح ولا هان الشاعر المبدع والمتألق فراج بن فهد

 

 

 

 

[معلومات العضو ابونورين الودعاني]

لا هنت اخوي بوفلاح بارك الله فيك

 

 

 

 

[معلومات العضو شافي بن راشد النتيفات]

تسلم يمينك على الطرح الرائع