(( بين الدواسر يوم روغات الاذهان)) قصة وقصيدة لـ/ مترك بن فلحان المخاريم الدوسري

[معلومات العضو عبدالرحمن الشرافي]

(( هــذه الـــمــشاركـــه خاصه بــمـنــتـدى قــبـيــلة الـــــدواســـر ))

اخواني اخواتي,,

أسعد الله أوقاتكم بكل خير ,,,


أضع بين ايديكم هذه القصة والقصيدة التي جرت على الشاعر / مترك بن عبدالله بن فلحان المخاريم الدوسري.

(( ذهب الشاعر / مترك بن فلحان المخاريم لخواله

الصقيعات المسارده من قبيلة قحطان يربع معهم وكان معه فرس من اطيب الخيول في وقتها

وكان ما يمسي الا وهو محدد فرسه لكي لا تسرق .

وكان عند خواله المسارده راعي من قبيلة الاحباب..


وفي إحدى الأيام تغفّلهم الراعي الأحبابي وطمر على فرس مترك وهرب بها إلى ربعه
الاحباب ولحق المسارده الاحبابي ولكن لم يستطيعوا من مسكه لان فرس مترك كانت سبوق وذهب القحاطين لــلاحباب وجدو شيخ من شيوخ الاحباب على الطريق يسمى ( حسين بن طفله ) ومسكوه وكانت معه بنت فقال لها ابوها اذهبي وسوقي لبهم لأهلك ولا تعلمين احد الا اخوك (علي) ولما ذهبت حكت لأخيها علي ما حصل وكتموا الخبر عن الجميع ..


واما الشيخ ( حسن بن طفله )فقد وضعوه المسارده في مكان حديد الفرس وكان يقومون بواجب الضيافه على اكمل وجه وقالوا انت هنا على فراش الكرامه حتى يأتون ربعك بــفرس عانينا الدوسري
وأخذ مترك بن فلحان المخاريم ينشد بهذه القصيده:

البارحه جاني من النوم عادي=وليلن علي مهوب ليل ابن سران
على جوادن مثل ظبي الريادي=والا الفهد لامن نفج بين حزمان
يا زينها بين الدواسر تقادي=وسط الدواسر يوم زوفات الأضعان
يا ليتها عقرت نهار الطرادي=واجوز منها عند حلوات الألبان
غدابها ذيخن من البيت عادي=لا علّق المزهب ولا لبس حذيان
أنا برجوا الله وربعن عوادي=خبرة مساردتن على الخيل ظفران
يدّونها لا كان مابه قوادي=إن الحبابي من رفيده وسنحان

وفي يوم من الايام اخذ (علي) ولد بن طفله يتحيل حتى جأته فرصه وطمر على ظهر الخيل وذهب بها الى المسارده القحاطين لكي يفك ابوه وذهب بها الى المسارده وفك ابوه وعندما فكوا المسارده بن طفله أعطوه ذلول محمله بــ زهاب وطعام ...


ولما رجع مترك بن فلحان إلى الوادي قص على اخوه ( عبيّد )
ما حصل
فقال اخوه ( عبيّد ) هذه القصيدة مسندها على خواله الصقيعات المسارده القحاطين


(( لا احفظ منها الا هذه الابيات ))

يقول فيها:

يا راكبن خمسة عشر حيل وسمان=أملاط ما ركبوا عليها الجواذيب
مرباعها العفجه إلى أبرق سليمان=ومصيافها ترعى ثلاثة الأشاعيب
ترعى من السرّة الى صوب فغران=وما بذّها شرب الصري والمغاريب
تسرح من الوادي مع الصبح لا بان =وتبشر لها لا جات جاشن معازيب
بشر الى من جت بكبشن من الضان=وحيلن تقلّط فوق برّن معاصيب
خص الهضيب محمدن هو وراكان=محمدن شوق البنيّ الرعابيب
خوالي اللي في الملاقات ظفران=وما هم مدوّرة الخطا في الأصاحيب
خوالي اللي في اللقا فعلهم بان=قصيرهم يرعى حلاله مع الذيب
جات الفرس من دون حقن وخذلان=وحقّانها غصبن عيالن معاطيب
جيب ابن طفله مثل كبشن من الضان=وخلّي حبيسن في اليدين القواضيب
عندي لهم بيضا على راس ما بان=بيضا بها ذاري الهبايب مناديب

وسلامتكم ,,,,,


تقبلوا فائق التحية والتقدير


أخوكم / عبدالرحمن بن سالم الشرافي

 

 

 

 

[معلومات العضو أبو زايد التغلبي]

أخوي عبدالرحمن الشرافي الله يعطيك العافية وبيض الله وجهك على نشاطك المحلوظ وجهدك الخرافي.
والشكر موصول لك أيضا على إيراد مثل هذه القصة والقصيدة
بس لو سمحت لي أخوي عبدالرحمن أصحح لك مفردة وردت في نقلك للقصيدة السابقة وهي في البيت الرابع:
( بين الدواسر يوم زوقات الاذهان ) والصحيح (زوغات الاذهان) وليس (زوقات)!
تقبل ملاحظتي وتقبل ودي وتقديري ،،،،

 

 

 

 

[معلومات العضو الشكري]

	الاخ الغالي / عبد الرحمن الشرافي اخترت وابدعت فيما نقلت ومن اروع القصص اللي مرت علي فلا تخلينا من الجزلات وانت راعيها وتسلم ويسلم غاليك اخوك ابو عبد الله الشكري

 

 

 

 

[معلومات العضو صالح الجعيدي]

الأخ الغالي/ عبدالرحمن الشرافى
لا هنت على إيراد هذه القصة و قصائدها ،، صح لسانك والله يعطيك العافية.
لا تبطي بجديدك يالسنافي.
مع خالص التحايا لمقامك الرفيع.

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة أبو زايد التغلبي

أخوي عبدالرحمن الشرافي الله يعطيك العافية وبيض الله وجهك على نشاطك المحلوظ وجهدك الخرافي.
والشكر موصول لك أيضا على إيراد مثل هذه القصة والقصيدة
بس لو سمحت لي أخوي عبدالرحمن أصحح لك مفردة وردت في نقلك للقصيدة السابقة وهي في البيت الرابع:
( بين الدواسر يوم زوقات الاذهان ) والصحيح (زوغات الاذهان) وليس (زوقات)!
تقبل ملاحظتي وتقبل ودي وتقديري ،،،،

شاعرنا الكبير / شايع



الله لا يهينك على المرور


وعلى التصحيح والخطء خطئ مطبعي والسموحه



واعكرر شكري لك


لك مني خالص الشكر والتثدير

 

 

 

 

[معلومات العضو رعاد]

الله لا يهينك اخوي على ايرد هذه القصة والقصيدة

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة الشكري

اخي الغالي / الشكري


مرورك شرف لموضوعي يالقرم


تحياتي لك

 

 

 

 

[معلومات العضو ابوعبدالرحمن الودعاني]

	بيض الله وجهك على ذي الأبيات وذي الأخبار الطيبه

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

الاخ الغالي / عبد الرحمن الشرافي

اخترت وابدعت فيما نقلت

ومن اروع القصص اللي مرت علي

فلا تخلينا من الجزلات وانت راعيها

وتسلم ويسلم غاليك

محب الجميع

 

 

 

 

[معلومات العضو عبدالله بن عريمة]

الاخ العزيز عبد الرحمن الشرافي بيض الله وجهك على القصة والابيات

تسلم يالقرم

 

 

 

 

[معلومات العضو نمر بن الأشيب]

الاخ العزيز عبد الرحمن الشرافي

بيض الله وجهك على القصة والابيات

تسلم يالقرم

 

 

 

 

[معلومات العضو ابو زيد الغييثي]

بوسالم بيض الله وجهك


وهذي عوايدك يالقرم


تقبل فائق ودي وحترامي

 

 

 

 

[معلومات العضو ابو زابن المسعري]

ارحب يابو سالم
جعل شايب ارثك الجنه
الله يعطيك العافيه ياطويل الذراع
قصه جميله وابيات اجمل
تقبل تحيات محبك

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة دغش البطي

الاخ الغالي / عبد الرحمن الشرافي
اخترت وابدعت فيما نقلت
ومن اروع القصص اللي مرت علي
فلا تخلينا من الجزلات وانت راعيها
وتسلم ويسلم غاليك
محب الجميع

مرورك يا ابو محمد بحده

شرف لي ولموضوعي



تحياتي لك يالقرم

 

 

 

 

[معلومات العضو مجروح الزمن]

الاخ عبدالرحمن
بيض الله وجهك على ذا القصيده وماقصرت