الشاعر الفحل سعد بن سويحل الخضران يمتدح الشاعر الفحل نايف بن مسرع

**معلومات** **العضو** · 02-06-2010, 12:06 AM

يـاراكـب الـلــي لامـشــا ثـــوّر الـعــج=الا عـطــالــه جــرهـــدً ثـــــار عـــجـــه
حـديـث صـنــع وبالفـخـامـه تـوّاهــج=مــديــل عــشــره والـمـصـانـع تــزجــه
تـــوّه جـديــد مـــن الـوكـالــه مــخــرج=مـن الخـرج روّح فــي لــزومً مـوّجـه
القـلـب الأقـشـر كــل ماقلـتـنـا ســـج=الـهــم فــــي قــلــب الـمـشـقـا يــرجــه
لاقـلـتـنــا قــلـــب الـمـشــقــا مــدلَــلَــج=هاجوس قلبي بين الاضلاع خجـه
بـشـكــي لــرجــلً بـالـمـراجـل تــخــرّج=راي ابــو مـسـرع فـايـقً كــل حـجــه
يــوم أبــو مـسـرع بالمـراجـل مـتــوّج=لـــو كـــوّد الـطــاروق قـافــه يـفـجــه
ربـعــك رجـــالً يـــوم فــعــل الــمــزرّج=لاصـــار عـنـتـال المعـاشـيـر هــجّــه
بشكي عليك أوضاع شخصً تعرّج=من مجلـس اللـي صايـرً فيـه لجّـه
الـلـي ضـحـك يالـقـرم وفـيـنـا تـفــرّج=ســمــه بـقـلـبـه يـابـومـسـرع يـمـجــه
نـبـي مـعــك يـالـقـرم لـلــراي مـخــرج=مايطـاوع اللـي صـار بـالـراي دجّــه
وأقـبـل تـحـيـة شـاعــرً فـيــك يـبـهـج=وتــرا البـحـر لامــن بغـيـتـه تـسـجـه

**معلومات** **العضو** · 03-06-2010, 01:36 PM

تعقيب على القصيدة السابقه اللتي لم يأتي رداً من الاخ نايف بن مسرع

ياراكب اللي تو ضيفـت ارقامـه=توه حديث الصنع مالـه وصايـف
فكسار يطرب سايقه لي مشا بـه=يازين جلده مع خطـوط الحتايـف
مـر المحطـه ثـم فلـل توانكـه=وخله على ممشاه والجيب كايـف
مر أبن مسرع واسأله عن رسالتي=مضالهـا شهريـن مـارد نايـف
مثايلي مثل الذهب يوم اصوغهـا=واسوقها سوق البكـار العسايـف
نشرتها في (جزل) وكـلاً قراهـا=مافات خلـه مانقـول الحسايـف
حنا نعـرف شيوخهـا وومراهـا=عقيدها بالقـوم ينـوي النكايـف
غلفتهـا فـي جابتـي ومعناهـا=وانا على الابيات من النقد خايـف
لانقـدهـا جاهـلـن مايهمـنـي=اللي علومه بالمجالـس خرايـف
وإلا لبيب القلب يطـرب لسبكهـا=يفهم معانيها ببيـض الصحايـف
اجيـد معنـا كـل بيـتً كتبتـه=ساسه حجر ماهو عشاش وسقايف
وصلاة ربي عد من حـج واحـرم=على النبي ماطاف بالبيت طايـف

**معلومات** **العضو** · 04-06-2010, 10:33 AM

مشكوور ياحفيد الامراء على نقل القصيده ولاهنت

ابن سويحل صح لسانك ولاهنت

**معلومات** **العضو** · 08-06-2010, 10:54 PM

الأخوة الكرام

الأخ العزيز سعد بن سويحل الخضران

الأخ العزيز ابو مبخوت الشكرة

أرحبوا ثم أرحبوا ثم أرحبوا

وحياكم الله عدد حروف النشيد

ونجوم السماء

ولاهنتوا وبيض الله وجيهكم

ولكم مني جزيل الشكر

على ردودكم الطيبه

وماعليكم زود

ياربعنا

ولاعدمناكم

**معلومات** **العضو** · 09-06-2010, 01:19 AM

مشكوور ياحفيد الامراء على نقل القصيده ولاهنت

ابن سويحل صح لسانك ولاهنت

**معلومات** **العضو** · 11-06-2010, 08:09 PM

الأخ العزيز

والشاعر القدير

شافي النتيفات

أرحب تراحيب المطر

وحياك الله عدد حروف النشيد

ونجوم السماء

ولاهنت وبيض الله وجيهكم

ولكم مني جزيل الشكر

على ردودك الطيبه

وماعليك زود

ولاعدمناكم

**معلومات** **العضو** · 11-06-2010, 11:08 PM

الله الله
صح لسان ابن سويحلُ
والشاعر : نايف ابن مسرع يستاهل المدح والطيب
ولآهنت يا حفيد الامراء على النقل وبيض الله وجهك

**معلومات** **العضو** · 12-06-2010, 07:56 PM

الأخ العزيز

والمشرف القدير

ناصر بن فهد

أرحب تراحيب المطر

وحياك الله عدد حروف النشيد

ونجوم السماء

ولاهنت وبيض الله وجيهكم

ولكم مني جزيل الشكر

على ردودك الطيبه

وماعليك زود

ولاعدمناكم

**معلومات** **العضو** · 13-06-2010, 01:57 AM

مشكوور ياحفيد الامراء على نقل القصيده ولاهنت..

**معلومات** **العضو** · 13-06-2010, 10:27 PM

الأخ العزيز

وابن العم الغالي

عبدالرحمن ال بريك

أرحب تراحيب المطر

وحياك الله عدد حروف النشيد

ونجوم السماء

ولاهنت وبيض الله وجهك

ولكم مني جزيل الشكر

على ردودك الطيبه

وماعليك زود

ولاعدمناكم

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية