للمجد ريش واجنحه..

**معلومات** **العضو** · 18-07-2010, 07:39 AM

السلام عليكم يالربع وصبحكم ومساكم ورد وياسمين..
ناصربن عبدالله ال خفره الودعاني اشهرمن علم على نارشخصيه تشدني ويعجبني
بثقافته وتواضعه وحبه للشعر وتاريخ الرجال العظام..
وعندما اكتشفت ان هذا الشخص من اكبر المتابعين لما اطرح لااحد يتصور الدافع المعنوي
الذي شعرت به فانا احرص على الكيف وليس الكم فجأت هذه الابيات تقبلوها بعد الغياب..

دام ناصرمن جماهير ماكتب واطرحه=في سنام الشعر رايه يعزز مقعدي
كل شاعرفي طريقي بهبده وارمحه=واتمثنى ساحة الشعرشيز واحتدي
وعلمو شعارالاعلام ترمي الاسلحه=جيت في يمناي مدفع قصيد يرعدي
ودام راسه حي برد الهبايب تلفحه=اسم اخو وضحى مقاديم عيدي وسعدي
والله اني لادحم الجمع دون استسمحه=لين اشيخ بمجلس الصف الاول بوحدي
اوالله اني كل بحرغزيرلاسبحه=شاعرمجنون ولاقديروعربدي
المهم اني لاسوي سوايا تفرحه=لجل اخو وضحى واسوق الثناله مفردي
ابن خفره حط للاسم عز وملحه=سيرة غرا وحجة بياض تشهدي
وابن خفره حط للمجد ريش واجنحه=لين خامس به سهيل اليماني والجدي
مدح ابوعبدالله اينومس اللي يمدحه=لوتواضع لي ومدالبساط الاحمدي
شيخ دين وشيخ طيب تواضعه امنحه=حب من يعرف جناب الكريم المهتدي
مربح اللي صارناصر نصيره مربحه=مايعرف الخوف قلب يسج الجرهدي
من بغى يدري وينظرفيحضرمسرحه=مسرح في صمت منه المراجل تبتدي
ابن عود صادم الوقت الاقشروكدحه=وشب نار العزوالقوم طارد وطردي
لين ثبت كل مبدا صعيب واشرحه=للحرار اللي على جرة الحر اتعدي
والفخرباسم ال هديان كل يشبحه=بيرق رفرف على العزمحدن يجحدي
ورث راع الشقه اللي برايه يقرحه=شيخ ومحنك وربعه برايه تقتدي
حملهم بين الوداعين محد ينطحه=تنفهق منه المناعير وتروح اشردي
وقسمهم بين الوادعين اجله واصلحه=كلمة فوق الشوارب صداها يجمدي
من بني عمي هل العز والصوت اصدحه=عزهم عزي ومحزم ذخيره وسندي
من غلا وعجاب ناصرله القاف اقدحه=من خلايامخ فكري وتعبي وجهدي

**معلومات** **العضو** · 18-07-2010, 08:31 AM

صح السانك مدد بدون عدد يابومحمد

ومن كريم لمستحق ويستاهل ناصر الخفره

ونعم بالوداعين اهل الطاله

**معلومات** **العضو** · 18-07-2010, 08:33 AM

البحر صح لسانك

لا غرابة في الابداع وخلفه اسمين الاول حسن ابن بطحيه

والممدوح ابن خفره وهو رجل يستحق المدح والثناء

لله درك ياحسن

تقديري

**معلومات** **العضو** · 18-07-2010, 01:12 PM

اقتباس:

دام ناصرمن جماهير ماكتب واطرحـه
في سنام الشعر رايـه يعـزز مقعـدي
كل شاعرفي طريقي بهبـده وارمحـه
واتمثنى ساحـة الشعرشيـز واحتـدي
وعلمو شعارالاعلام ترمـي الاسلحـه
جيت في يمناي مدفع قصيـد يرعـدي
ودام راسه حي بـرد الهبايـب تلفحـه
اسم اخو وضحى مقاديم عيدي وسعدي
والله اني لادحم الجمع دون استسمحـه
لين اشيخ بمجلس الصف الاول بوحدي
اوالله انـي كـل بحرغزيرلاسبـحـه
شاعرمجـنـون ولاقديـروعـربـدي
المهم انـي لاسـوي سوايـا تفرحـه
لجل اخو وضحى واسوق الثناله مفردي

الله الله يابومحمد صح لسانك يالعلم

واكيد الممدوح ابن خفره يستاهل ماقيل فيه

وصراحة إني ششت مع ذالقصيدة

هذا وانا ماني بالممدوح ، ولو إنه انا وش كان باسوي

تقبل ودي وتقديري ،،،،

**معلومات** **العضو** · 18-07-2010, 02:29 PM

صح لسسسسانك وماشاء الله يا ابومحمد بحر

وقصيده طيبه ولاهنت يا ابومحمد ونتظر جديدك

**معلومات** **العضو** · 18-07-2010, 03:06 PM

صح السانك يابومحمد

شاعر كبير يابن بطحيه
صح السانك مدد بليا عدد

ويستاهل كل خير ابن خفره قرم من قروم

**معلومات** **العضو** · 18-07-2010, 04:10 PM

وعلمو شعارالاعلام ترمـي الاسلحـه
جيت في يمناي مدفع قصيـد يرعـدي

ودام راسه حي برد الهبايـب تلفحـه
اسم اخو وضحى مقاديم عيدي وسعدي

والله اني لادحم الجمع دون استسمحـه
لين اشيخ بمجلس الصف الاول بوحدي

كفؤ كفؤ كفؤ
وصح الله لساااااااانك مدد وبلا عد يابومحمد
شاعر كفؤ والجزالة تقدح في كل حرف (ماشاءالله عليييك)
وسبعة انعام فيكم كلكم يا خال انت وكل ربع بن خفرة
(بليا قصور" فالقاريء وباقي الربوع)
وابوعبدالله يستاهل وقصيدك يستحق المتابعة
ومو غريب ان ناصر يكون احد معجبييك يا حسن..
يسلم منطوووقك وفكرك وراسك ياذيبان..
ويسعد ايامك كما اسعدني مروري تقبله نفداك..

**معلومات** **العضو** · 18-07-2010, 04:28 PM

صح السانك وبيض الله وجهك اخوي ابو محمد

ويستاهل ابن خفرة

تحياتي العطرة

**معلومات** **العضو** · 18-07-2010, 05:49 PM

كفووووووووووووووو يابن بطحية صح لسانك شامخ ولاتجيب الا شامخ

**معلومات** **العضو** · 18-07-2010, 06:06 PM

الأخ الشاعر القدير / حسن بن بطحيه

لاهنت على تلك القصيده الوافيه الجزله

وسمح لي بتلك البيتين

ال خفره صيتهم من طريف ال تندحه=دين مع دنيا وغيري يقول ويشهدي
اعرف الاجواد من ذكرهم ووضحه=وسط رد من ضميري نصاك مسندي
وانت كفو وكل شاعر كفو مايجرحه=هيض شاعر ل بن عمه يشوش ويحتدي
واصل المشوار واصل ومثلك ينجحه= شاعر متمكن (ن)والحزام مجودي
وشاعر الاعلام لفحه سموم تذبحه=لويرزز في الرخا فالشدايد يبعدي
لويعلم شاف نفسه مع من ملحه= خلهم جنب ولايلحقك منهم فدي
دام بيبان الشعر للعموم مفتحه=واثق الخطوه ملك مايريد ايوردي
وكان جتك بيوت شعري مهيب منقحه=فعذرونا قلت قافي عجل ومحددي

**معلومات** **العضو** · 19-07-2010, 12:12 AM

اقتباس:

المشاركة الأصلية كتبت بواسطة خالد الكبيري

صح السانك مدد بدون عدد يابومحمد

ومن كريم لمستحق ويستاهل ناصر الخفره

ونعم بالوداعين اهل الطاله

صح بدنك ياخالد ولاعليك زود طال عمرك لاهنت..

**معلومات** **العضو** · 19-07-2010, 12:13 AM

صح لسانك ويستاهل ابن خفره تقبل مروري

**معلومات** **العضو** · 19-07-2010, 01:38 AM

انا كان بسب القصيده ولكن عندما وجدتها في شخص مثل ناصربن عبدالله ال خفره الودعاني وقفت اعجاب بها وبصاحبها وقيلت في شخص الشهاده لله انه يستاهل وعلومه وصيته عند الاجنبي قبل القريب
وترى سبي له عشان ابن بطحيه والا القصيده ماعليها كلام بس ابغض ذا الرجال لله في الله ولكن شفع له ناصربن عبدالله ال خفره الودعاني ومجاراة عامر للقصيده

صح لسانك يابن بطحيه وانت تدري عن بغضي لك واني ما احب قصائدك
لكن لااجد ما انقدك فيه الا الله يردك لسليل بعد ذا الشهر اللي قام يتمغط ههههههههههههههه

**معلومات** **العضو** · 02-08-2010, 07:38 PM

صح بدنك ياخالد ولاهنت طال عمرك شاكر ومقدر

**معلومات** **العضو** · 02-08-2010, 07:41 PM

ارحب يابوسالم صح بدنك ولاعليك زود والعذر بالتاخير لاهنت

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية