اعتزال ( أبو زايد التغلبي ) !

[معلومات العضو أبو زايد التغلبي]

بقلب امتلأ بحبكم جميعاً ، واتسع لكل من أحب أو تابع أو أعجب بحرف خطه ( أبو زايد التغلبي ) ، أعلن لكم حقيقة هذا النك الذي لازمني طوال الثلاث سنوات الماضية
وألتمس من جميع الأحبة العذر إن بدر مني أي قصور أو إساءة لأحد من غير قصد

-
-
-
-
-
-

ياربعي إللي مالحقني بهم شك=ولا لحقهم في نواياي شكة
جمعتنا (زايد) و (تغلب) على النك=العزوة اللي كل صعبن تدكه
خذوا على كسب المدايح لهم صك=من قبل ابن هاشم ينـوّر بمكه
من شانهم حاربتنا الهون والعك=ولا رضيت بغير الامداح سكه
هذي الحقيقة يالنشامى بلاشك=(نايف) عسى ما اخطى عليكم بنكـّه

 

 

 

 

[معلومات العضو نايف الخييلي]

؟؟؟؟؟؟

يعني انت نايف ابن مسرع.. انا بصراحه ماأصدق انك ابو محسن أو اني فهمت غلط

يعني اسمك مهوب شايــع.؟

 

 

 

 

[معلومات العضو ربعي المخاريم]

الاخ نايف بن مسرع

معقوله .؟

طيب وش اللي حادك ولا كان سكتت وما علمتنا

اشغلتنا لك مده الله يشغلك = قد صابني شك ان في الاسم لكه
على التخفي والحيل ويش مجبرك = وعلى التعرض للعرب فيك حكه
احاول القاء عذر من شان اعذرك = وابليس ما خلاني يقول ذكه
يقول لوا تعفيه والله ان يبهذلك = لو بس يفلق له بكسرة بلكه

و ترى مانيب شاعر رايح اتسلفها على شانك



تحياتي لك

 

 

 

 

[معلومات العضو فالح بن فهاد]

المشاركة الأصلية كتبت بواسطة أبو زايد التغلبي

بقلب امتلأ بحبكم جميعاً ، واتسع لكل من أحب أو تابع أو أعجب بحرف خطه ( أبو زايد التغلبي ) ، أعلن لكم حقيقة هذا النك الذي لازمني طوال الثلاث سنوات الماضية
وألتمس من جميع الأحبة العذر إن بدر مني أي قصور أو إساءة لأحد من غير قصد

-

-
-
-
-
-

ياربعي إللي مالحقني بهم شك=ولا لحقهم في نواياي شكة
جمعتنا (زايد) و (تغلب) على النك=العزوة اللي كل صعبن تدكه
خذوا على كسب المدايح لهم صك=من قبل ابن هاشم ينـوّر بمكه
من شانهم حاربتنا الهون والعك=ولا رضيت بغير الامداح سكه
هذي الحقيقة يالنشامى بلاشك=(نايف) عسى ما اخطى عليكم بنكـّه

الكل كل..وكل ٍ على الكل بنك=جد ٍ توالآ..جد والعد في حصرهم ضنكه
ويش عاد نك من تبنى على حنك=حناك ولا ..ظناك مالكم بالهلاك هنكه
تهكع من التنكاس ياصاحب التلاباس فنك=افنك وابنك واسكب دررها رنكـّه
حي اللي يتريمع من عقب الخطا بسنك=من سكون الصمت اعلن استجواب بنكـّه

طيب ابوزايد التغلبي معروف او انت مهدف الاسم من راسك والثانيه تراه كمبيوتر لاراح ولا جاء وسع صدرك ياراعي البلكه لاتفلق خوينا وبس هههههههههههههه

 

 

 

 

[معلومات العضو عبدالرحمن الشرافي]

ارحب يا نايف ترحيب المطر


وما بدر منك قصور يالقرم و وافي واعلومك وافيه وطيبة


لكن ليتك توضح أكثر يالسنافي




وتقبل فائق التحية والتقدير

 

 

 

 

[معلومات العضو ابو زيد الغييثي]

سألتني يابـو محمـد وقفيـت=وانا احسبن باقي من العمر باقي
العذر والله يادغـش ماتوانيـت=بس الزمن عجل بوقت الفراقي

يعني ذالحين كنا نقول انكـ شايع العمور

انت شاعر بذا النك و نك بن مسرع

ماقول الا الله يوفقك وذالحين عرفة سبب عدم اعطاءك لشاعرنا الكبير

دغش رقم الجوال !

 

 

 

 

[معلومات العضو المسعري]

هههههههههههههههههههه
ههههههههههههههههههه
ههههههههههههههههههه
نايف والله انك رجه

على شان كذا كل الرسايل تطنيش ماتبي نعرفك على كل حال الوعد قدام

 

 

 

 

[معلومات العضو متزن]

الحقيقة أن الكثير من متابعي هذا المنتدى يعرفون
منذ أمد بعيد
أن ابوزايد التغلبي=نايف بن مسرع
الأسلوب واضح جدا جدا
حتى خطوط الكتابة وألوانها وتنسيقها هي نفسها لدى الإسمين
ولكن يبقى سؤال يطرح نفسه بقوة
من هو الذيال ؟؟؟!!!!
موفق يانايف وحبذا تعطينا نبذة عما حدث في كواليس
شاعر المليون وماسبب إستبعاد شاعر جزل مثلك ؟

 

 

 

 

[معلومات العضو أبونواف الدوسري]

وفقك الله أخي نايف بن مسرع

تقبل تقديري وأحترامي

 

 

 

 

[معلومات العضو ماجد الدوسري]

هههههههههههههههههههههههههههههه

والله إنك فحل بالنكين كلها يالقرم ، وتسلم على حرصك على توضيح الشخصية التي تقف وراء الإسم الغامض " ابو زايد التغلبي " وتوضيح حقيقة هذه الشخصية لأبناء العمومة برضا وقناعة من نفسك مع قدرتك " لو أردت " أن يبقى السر ملك لأبو زايد التغلبي فقط.
سجل إعجابي بك وبأول قصيدة في هذا المنتدى " لابو زايد التغلبي " واللي تقول:

ياجماعـة ضيفكـم ولهـان وايـد=ساعـةٍ معكـم تــزوّد فطـربـي
دخلتي معكـم عسـى فيهـا فوايـد=وكان مابـه فايـدة ضـاع اتعبـي
لاتقولوا لـي مـن أيـات البدايـد=واتركوا النشدة عن أهلي وانسبـي
تغلبي(ن) وافتخر في الجـد زايـد=زايـدي وافخـر بقولـة تغلـبـي
جيتكـم وانـا بعلـمٍ لـه وكـايـد=لساني لسان العرب وانـا اعربـي
ما أقـول إنـي أنـا للشعـر قايـد=ومن نطق هالقول يكتب لـه غبـي
بس عندي كلمة(ن) والهـا شهايـد=السبوق يفوت مـن كـان ايحبـي
ومن كتب له كلمة(ن) وسط الجرايد=تنقري غصبن يبـي أو مـا يبـي
مانبـي فالمنتـدى كبـر الوسايـد=صحصحوا ياتاج راسـي مكسبـي
يال زايد يا أهـل هـدب الجرايـد=من نصاكم شايـبٍ يرجـع صبـي
فعلكم مشهـود صدقـان الوعايـد=يوم عصر الخيـل والملـح احلبـي
يوم كل الناس مصيود(ن) وصايـد=صيتكم مشهور من عصـر النبـي
لايجي في المنتدى ياهـل العوايـد=كود شاعر.. (دوسري) ولا (اجنبي)
والسوالـف دارسـه ولا جـدايـد=مـا نبيهـا كانهـا تدبـي دبــي
قالها اللـي يفتخـر باعيـال زايـد=وزود فخـره لا دعـوه بتغلـبـي

 

 

 

 

[معلومات العضو ناصر آل جزاء]

أبيض وجه يا بن مسرع .. وعزالله انك شيخ بالنكين كلها ..

وأعجبني البيت اللي تقول فيه :

جمعتنا (زايد) و (تغلب) على النك *** العزوة اللي كـل صعبـن تدكـه

هذا بيتٍ عن قصيده ..

تقبل مروري ..

 

 

 

 

[معلومات العضو نايف الخييلي]

تغلبي(ن) وافتخر في الجـد زايـد =زايـدي وافخـر بقولـة تغلـبـي

بيت عن ألف بيت لله در ابــو محسن



وقفــه

ما أقـول إنـي أنـا للشعـر قايـد =ومن نطق هالقول يكتب لـه غبـي

 

 

 

 

[معلومات العضو عبدالله بن قويد]

هههههههه
لاهنت يالشيخ
والله
أني توني داري
وجعل والديك في الجنة ,,,

 

 

 

 

[معلومات العضو سالم بن صمهود]

ارحب يا نايف ترحيب المطر وحبذا تعطينا نبذة عما حدث في كواليس
شاعر المليون وماسبب إستبعاد شاعر جزل مثلك ؟

 

 

 

 

[معلومات العضو حنيان الدوسري]

الكبير ،،،،، يبقى كبير

لا غــرابة يا الـشـــــامـــخ

جزل ووافي هُـنا ،،،،،، وهناك

وفقك الله