أصد عن بعض السواليف برضاي . . . لا جات من راع الهروج الدقاقي

[معلومات العضو عقاب بن هذال ال بريك]

من خلقتي ما همني هرجة أعداي =اللي تحاول بالردى كسر ساقي
أصد عن بعض السواليف برضاي =لا جات من راع الهروج الدقاقي
أمشي على هوني وبالهون ممشاي =وأرقى سنود وباقي الناس باقي
بالعز والنوماس والجود مبداي =وحطيت من دون الرديين واقي
يعني على ممشاي ماتقصر اخطاي =في قمة الأمجاد بالوقت راقي
ويامدور الزله ومقصدك دعواي =ريح ركابك واتفق باتفاقي
خذها نصيحة لا تجي حول مرماي =لا تعترض لاهنت درب الطراقي
اتسوم لاكن منت بايع وشراي =شاقي على ما قالوا الناس شاقي
الشعر لأهله وأنت تأمل ومناي =يمكن تجي بأخر صفوفه لحاقي
الشعر من بين المعاليق جراي =لا صار عند اللي تحل الوثاقي
ثنتين والثنتين مع صملة الراي =الشاهد الله ما يجيها اختراقي
وانا على هوني وبالطيب مسراي =حاضر ومتواجد وبالعز هاقي
ومن ضاق صدره لاجل شوفي ولقياي =الله يريح خاطره في فراقي

الشاعر / حمود الجابري

 

 

 

 

[معلومات العضو مبارك بن شافي النتيفات]

ارحب ياعقاب

وصح لسانك ولسان الجابري

تقبل مروري

 

 

 

 

[معلومات العضو عبدالرحمن بن فلاح آل بريك]

ويامدور الزلـه ومقصـدك دعـواي ريـح ركابـك واتـفـق باتفـاقـي
خذها نصيحة لا تجي حول مرمـاي لا تعترض لاهنـت درب الطراقـي


,,,,,,,

يعطيك العافيه أبو هذال على النقل المميز ..

 

 

 

 

[معلومات العضو الفارس المجهول]

لاهنت يعقاب

أوصح السان الشاعر

تقبل مروري