مبارك بن محمد آل شواي الودعاني الدوسري

[معلومات العضو يحيى الودعاني]

	الشاعر الكبير / مبارك بن محمد آل شواي الودعاني الدوسري يا سلامي على ماضين الافعالي = عد ماهل وامطر من سحايبها يا رجال توطي كل من عالي = ندر فالهدد تدمي مخالبها لابتي من علا ماضين الاجيالي = يكسب المدح حاضرها وغايبها احتموا دارهم من كل نزالي = ومن سباع الخلا عفو جوانبها محتزين الضفر سلات وارجالي = دون حد الوطن الارواح نجلبها عقب اللي يقول أن روحه الغالي = ما حضر عند ربعه في نوايبها ما تنومس مع الشجعان الابطالي = يوم بيع النفوس يسوق واجبها في نهار بروقه تشعل اشعالي = نرخص الروح ما ندرا عواقبها خبروا يالنشاما ضبي الاسهالي = لا تبي اللاش لو هو من قرايبها لا تهاوي ردي الجد والخالي = قاصر الشبر لو بالزين يعجبها قال ايضا : مرحبا عد همال المخايل = من حضر حفلنا شبه وشيبه زاد نور الفرح والليل هايل = شوف ربع لهم جاه وهيبه أسفرت وانورت بأهل الجمايل = والقمر بان من عقب المغيبه مع رجال توطي كل عايل = مدحهم ما خذينه بالغصيبه جدنا زايد واف الخصايل = نعم بالجد واللي يعتزيبه فرعة العز ما جتنا جمايل = ما جذبنا قصير نلتجيبه راصخين برزنات السلايل = دونها لاعوى ذيب لذيبه بالمشوك نعدل كل مايل = لين يسمح طليب من طليبه من حربنا شكا حر الملايل = كل نوم العرب ما يهتنيبه يسهر الليل ويحرب القوايل = علته ما يداويها طبيبه ناخذ الطايلة من كل طايل = من حربنا شكا حر العليبه لا مشى جمعنا سوى الهوايل = صادق الموت ما والله ما نهيبه قال أيضا : يالله يالله يا علام الاحوالي = ما غير احد الى ضاقت بنشكيله يالله بحسن الختام وزين الاعمالي = في تالي العمر لا قربت مراحيله تجعل لنا في جنان الخلد مدخالي = مع باب رضوان لا فتحت مداخيله بديت باسمك وذكرك قبل الاقوالي = وسبحان من نزل التوراة وانجيله طاري طرالي وهيضني بالامثالي = وابديت ما طاب لي واصغيت قلبي له أحب نضم القصايد لا تهيالي = الى قضيت القلم والفكر يملي له وأنا عن الشعر ما اسمع كل عذالي = الى قضيت القلم والفكر يملي له وانا عن الشعر ما اسمع كل عذالي=لاانساح بالي على نضمه وتعديله حبيت أوضح برايي منهج عيالي=والعلم معناه يظهر عقب تفصيله الكل منهم عزيزي عندي وغالي=في داخل القلب ممساه ومقاييله أنا احمد الله من أولهم إلى التالي=مامنهم أحد معي في موقفه ميله الى بدا لازمي طربين وعجالي=كل يحاول هو الأول يلبي له وأنا زرعت الجميل ومن زرع كالي=ومن قدم الخير توفاله مكاييله وأنا بربي غني وسالي البالي=وما منهم أحد علي بيشح باللي له ونفسي عزيزية تروم المرقب العالي=مابه حد من البشر وطيت راسي له ورزقي على اللي تكفل كل الأجيالي=واسجد لربي واسبح له واصلي له والكبروالله مايطري على بالي=واللي تكبر مع أهل النار ياويله وأنا معي أهل التواضع دايماً ذالي=واحب مجلس خفيف النفس واجي له وافز له واتواضع له الى جالي=وارخص له النفس وارفقله واراعي له وارجع لموضوعي الاول مع عيالي=قول بديت أوله على تكميله علي أوصف خصايلهم بالاجمالي=أقول ما شفت وادقق بوصفي له يالله يالله ياعلام الاحوالي=ماغيرك أحد الى ضاقت بنشكيله يالله بحسن الختام وزين الاعمالي=في تالي العمر لاقربت مراحيله تجعل لنا في جنان الخلد مدخالي=مع باب رضوان لافتحت مداخيله بديت باسمك وذكرك قبل الاقوالي=وسبحان من نزل التوراة وانجيله عبدالعزيز الكبير وحي ذا الفالي = رجل المواقف واقوله حسب فهمي له من ماء المراجل شرب من كفه زلالي = وامنين ما ذكر درب الطيب بيجي له من شبته ما مشا في درب خوجالي = كم واحد ما قدر ياصل مواصيله ويسلم وسيع البنايد ذرب الافعالي = اللي إلى حتجت له جتني محاصيله محمد اللي يجود بكل ما نالي = عندي على جيله فيه تنفيله إلى كربنا ثقيل الحمل له شالي = يشيل حمله وحمل اخوه مع شيله حطه بيمناك إلى هميت برجالي = أن جات تبغي العشا ولا تبي العيله عندي محمد بفوز بعدة خصالي = يصعب على عدها ويطول شرحي له وفيصل ابونا ولو يقول من قالي = لا وقف العلم عنده كل تحليله اللي عيونه ورا الشوفات تجتالي = له موقف ثابت ما فيه تبديله من دونهم واقف له سور وضلالي = ما دام ذا موقفه ردوا سلامي له اعداد ما ناض براق له شعالي = وانهل وبله وجادت به مخاييله المدح جاله من الاجناب متوالي = والناس تشهد بمدحه قبل مدحي له يحب كسب الجميل بكل ما احتالي = كو واحد ساعده بالجاه والحيله وسعود أحبه وله بالقلب منزالي = ما ضاع في كامل الشارات حبي له لا شفتنا الجيب الأبيض ينسمح بالي = من حب راعيه لا أقبل فز قلبي له صبي المواجيب جعله طول الامهالي = من كبر حظه نمد الكف ندعي له في شفنا مرخص الحال والمالي = الله يصخر له عيال تسوي له يضحك حجاجه بترحيب وتبهلالي = واللي بقلبي قبل ما ابديه يطري له هو الصغير الكبير الاول التالي = في كل درب نبيه يقول أنا اللي له كم واحد وده بمثله ولا احتالي = ما كل من جا ثقيل الحمل بيشيله يفداه قن على الادنين زعالي = يزوم نفسه ومنهم قاصر نيله لا قلتنا أنه بعض الايام متشالي = عود عليه الردى يبغي مداهيله والله يوفق سعد بالحض وقبالي = الشاعر اللي تنومسني تماثيله حر عريب المجاني جد واخوالي = طلعه بعيد ونظراته سبق جيله سهل جنابه وللادنين حمالي = و أن جاه راع الخطا ما هوب ياوي له وأن جت علوم الرجال ابشر برجالي = يمناه بالمرجله ما كتبت بخيله ماله مجال مع أهل القيل والقالي = وأن جاه نقال هرجه ما سمع قيله وعبدالله اللي عسى التوفيق له فالي = لا احتجت له ياصلك من قبل تومي له متوسم فيه درب الجود وامالي = واطلب من الله عسى الايام تمهي له تنهل من العلم دامه من الشقا سالي = ويقدر الوقت دامه في مقاييله ولا يجيب الغنايم كل مكسالي = واللي يفوته قطار العلم عزي له ومن لا كسب في الشباب النعم ما نالي = لا شاب صعب عليه النعم تحصيله والفرق في الالتزام وطاعة الوالي = والرفقة الطيبة بالخير تهديله ورفقة هل الشر شر وزود غربالي = رفيقهم دايم تكثر غرابيله عقب صبي يصيده كل حبالي = راع الردا دايم ينصب محابيله والختم عندي وصاة سعرها غالي = يا بخت من مثلها حضه بيشري له خمس الفرايض ايلا الداعي لها قالي = الله واكبر بتكبيره وتهليله يا زين صوته مع الاسحار بالعالي = حيا على الخير يا باغيه نمشي له قام الموفق ورده مثل مقالي = وعض النواجذ عليها يومه وليله هذي هي الفايدة والكسب والمالي = تكفي عن الهرج تكثيره وتقليله وصلاة ربي عدد ما زايل زالي = على محمد وصحبه والموالي له واحة الشعر الشعبي ج/6 عبدالله بن حمير آل سابر الدوسري

 

 

 

 

[معلومات العضو الواضح]

أخوي يحيى الودعاني


الله لايهينك على النقل المتميز


وصح الله لسان الشاعر

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

أخي يحيى الودعاني

بيض الله وجهك يالسنافي

نقل رائع

تسلم يمينك

وصح الله لسان الشاعر الكبير مبارك بن محمد آل شواي الودعاني الدوسري

تقبل الود والتقدير

عاطر التحايا

 

 

 

 

[معلومات العضو عبدالله الودعاني]

مرحبا عد همال المخايل = من حضر حفلنا شبه وشيبه
زاد نور الفرح والليل هايل = شوف ربع لهم جاه وهيبه
أسفرت وانورت بأهل الجمايل = والقمر بان من عقب المغيبه
مع رجال توطي كل عايل = مدحهم ما خذينه بالغصيبه
جدنا زايد واف الخصايل = نعم بالجد واللي يعتزيبه
فرعة العز ما جتنا جمايل = ما جذبنا قصير نلتجيبه
راصخين برزنات السلايل = دونها لاعوى ذيب لذيبه
بالمشوك نعدل كل مايل = لين يسمح طليب من طليبه
من حربنا شكا حر الملايل = كل نوم العرب ما يهتنيبه
يسهر الليل ويحرب القوايل = علته ما يداويها طبيبه
ناخذ الطايلة من كل طايل = من حربنا شكا حر العليبه
لا مشى جمعنا سوى الهوايل = صادق الموت ما والله ما نهيبه

لاهنت يايحيى على النقل الطيب
وصح لسان الشاعر الكبير ابو محمد

 

 

 

 

[معلومات العضو ابوعبدالرحمن الودعاني]

يا يحي جعل ربي يحييك على الطاعه ويميتك على الطاعة..آميين.

أحسنت ياوجه ودعااان الله لا يهينك

نقل طيب وقصايد طيبه وجزله بارك الله فيك

 

 

 

 

[معلومات العضو عبدالرحمن الشرافي]

أخوي يحيى الودعاني


الله لايهينك على النقل المتميز


وصح الله لسانك واللسان الشاعر.









** الشرافي **

 

 

 

 

[معلومات العضو تركي ال فنيس]

بيض الله وجهك يايحيي علي القصائد الجزله والرائعه وصح السانك والسان الشاعر

 

 

 

 

[معلومات العضو العماني]

بيض الله وجهك اخوي يحيى وصح الله لسان الشاعر ولاهنت على المجهود الطيب

تقبل تحياتي،،

 

 

 

 

[معلومات العضو مسعود المقيبلي]

لاهنت اخوي يحيى الودعاني على الجهد المبذول
لبناء هذا الصرح الشامخ

 

 

 

 

[معلومات العضو أبوسعود الدوسري]

السلام عليكم ورحمة الله وبركاته

شكرا لك ياأخي العزيز يحيى الودعاني على هذا الجهد،وننتظر المزيد من مشاركاتك.

 

 

 

 

[معلومات العضو يحيى الودعاني]

يهلا والله بالجميع كلٍ براسه ، حياكم الله .

 

 

 

 

[معلومات العضو ابو قمرا]

لاهنت طال عمرك على النقل الاكثر من رائع
والله يطول عمره ابومحمد
ويستاهلون عيال مبارك ماقيل فيهم

 

 

 

 

[معلومات العضو يحيى الودعاني]

أخوي ابو قمرا

حياك الله يذيب

 

 

 

 

[معلومات العضو الصقر الحر]

لا هنت أخوي يحيى وبيض الله وجهك وصح الله لسان الشاعر وتسلم يمينك
تقبل تحياتي أخوك الصقر الحر

 

 

 

 

[معلومات العضو الودعـــــاني]

لا هنت ابن العم ..
و أبشر بعد بقصايدن ثانيه
لوالدي مبارك بن محمد آل شواي
بجيبها بموضوع ثاني
إن شاء الله