تفداك يا سعد عتيبه وقحطان

[معلومات العضو المبيعيج]

تفداك يا سعد عتيبه وقحطان=وتفداك عيـــال الحريري قبايل
يا ليتني معك في وسط لبنـــان=ولا شفت ضبانٍ في وسط الفنايل
ليتك تضمني وتحطني بالاحضان=و تشفي غليلي يا كـريم الـخصايـل

هذاااا ما قالته فتاااة تحت توقيع سعوديه صابره في رسالة مسج جوال أنتشرت في الأونه ألاخيره بعد ما شافت سعد بن رفيق الحريري .... و وصفت السعوديين بأنهم ضباااان ولابسيين الفنايل .... وكان لي هذااااا الرد البسيط عليها أرجو أن لا تعتبوا علينا لــــ بعض المفردااات .... أتمنى لكمـــ متابعه ممتعـــــه

أبداااء بذكر أللي خلق و جهك و سواك=يا ضلع ٍ أعوج على النغمات مايل
يلي تقولين لسعد هونيـيـيك تفداك=عتيبه و قحطان و جموع كل القبايل
يا ناقصه بالدين وشــباقي مزاياك=يلي الحريري صار لك قدووة ٍ و مثايل
عاجبك شعره أللي تسريحته باك=وتقوليين انا ... ضبان في وسط الفنايل
يعجبك الرجل أللي مثلك وشرواك=لــ نعومي شوب يسبقك بالسوق صايل
وللعطر يقول تبعي بليز يمناك=دونت تش!! ماي بارفيوووم يا..مدمووزايل!!
لا بوك لابو كلـب جابك ورباك=لا بــو أللي تشوفينه رمز فوق القبايل

____________________________________
وقال اخر

يا بنـت يالـلــي تـلبـسيـن فــسـتـان=وتـــدورين الملعنه بالقوايل
عند الحريري غيرك اشكال والوان=فـــي ديرة نسوانها بالهبايل
ما عـــــنـدنا لك كود كوفي عــنان=و يـخب عليك يا أم الهوايل

خلوووووووووووووها

قال التميمي من هوى الراس قيفان=ردٍ على اللي حـــــوّقت بالمثايل
ياللي تقولين (الحريري سعيدان)=يسوى القبايل مع عيال الحمايل
اضن فيك العرق ضارب وعطلان=ويحتاج له وزنه اذا كان مايل
ماجيتي عاد الا عتيبة وقحطان=يا مقربه بالنار يم الفتايل
هذول ناس بالجزيرة لهم شان=وترعى ابلهم بالحزم والسهايل
تلقينهم يا بنت لا ثار دخان=والهرج لا خلص وجت الفعايل
من تجربه ما هو على قولة فلان=حطهم على يمناك وقت الصمايل
ولا هان من يقرأ بيوتي ولا هان=كل البدو واللي سكن يم حايل
اما انتي يا بنية عشيرك بلبنان=ترجين من غيم ٍ بعيدٍ مسايل
اتعوذي يا بنت من كل شيطان=يخب على مثلك حمار القوايل

عبدالخالق البعيجان (ابن شارخ)

 

 

 

 

[معلومات العضو العماني]

اشهدنهم افحموها

لاهنت المبعيج على القصايد

تقبل تحياتي،،

 

 

 

 

[معلومات العضو الجوهره]

لا هنت أخوي... وما أقول الا الله يثبتنا بالدين... ويثبت عقول بناتنا ... ويبعد السخافه عنهن....

شيهانه

 

 

 

 

[معلومات العضو النجم الهاوي]

لا بـوك لابـو كلـب جـابـك وربــاك
لا بو أللي تشوفينـه رمـز فـوق القبايـل

انا اشهد لابوها لابو من رباها

رررررررررراحن النسوووان اللي عليهن الكلالالالام


يمااااااااااال العافيه على هذه الابياااااااات

 

 

 

 

[معلومات العضو سلطان القحطاني]

اررحب يالمبيعيج

الله لا يهينك على إيراد هذه الأبيات و ردودها

و أعتقد ان اللي سوى هذه الفربكه ماهو الا شخص متدني و لا أعتقد انه بنت (مجرد تخمين) و ما انقول الا الله يهدي امتنا و يثبتنا على طاعته

و ما يهزك ريح

تقبل تحياتي

 

 

 

 

[معلومات العضو نايف]

خلها تستاهل اللي جاها....
لاهنت على المشاركة

 

 

 

 

[معلومات العضو عبدالله الشكري]

لاهنت اخوي المبيعيج على الطرح الرائع
وعز الله انهم ردو عليها وسكتوها
كفو والله بعيال الجزيره

ومثل مايقول سلطان القحطاني
((مايهزك ريح ياجبل))

اخوك
عبدالله الشكري

 

 

 

 

[معلومات العضو ابن غياث]

ياجماعة القصيدة ناقصه هي ذكرت قبايل كثيره غير عتيبة وقحطان

 

 

 

 

[معلومات العضو المبيعيج]

يامرحبا يالعماني واسفين على التاخير وشكراً على الرد

 

 

 

 

[معلومات العضو المبيعيج]

يامرحبا يالشهانة واسفين على التاخير وشكراً على الرد

 

 

 

 

[معلومات العضو المبيعيج]

يامرحبا يالنجم الهاوي واسفين على التاخير وشكراً على الرد

 

 

 

 

[معلومات العضو المبيعيج]

ارحب ياسلطان القحطاني ومرحبا بك في منتدى اخوانك من الدواسر وشرفت المنتدى


واللي كتب هذا الموضوع شاعر مااعرفه ولا يعرفني بس جاني على ايميل ونقلته لكم ولااعرف صحته من كذبه

وعلى العموم الله لايهينك على الرد الطيب وتقبل تحيات اخوك المبيعيج

 

 

 

 

[معلومات العضو المبيعيج]

يامرحبا يانايف والله لايهينك على الرد

 

 

 

 

[معلومات العضو المبيعيج]

يامرحبا ياعبدالله الشكري والله لايهينك على الرد

 

 

 

 

[معلومات العضو المبيعيج]

ارحب يابن غياث والله لايهينك على الرد واذا كان عندك اي اضافة اذكرها الله لايهينك