صررررررررررررررخة ندددددددا (ارجوا الدخول بسرعه)

[معلومات العضو ولد بدران]

السلام عليكم ورحمة الله وبركاته
هذي قصيدة لشاعر الكبير سليمان بن غزي بن حمد ال غزي البدراني الدوسري بعد ماسمع بماصر بين ابناء عمه في الوادي الله لايعيد الشر والشاعر ادلى بدلوه ومن مايحس بصدره لأبناء عمومته
اتركم مع القصيده وارجوا منكمالتعليق عليها

صرخة ندا كل العـرب يسمعونهـا
ضجت لها الدنيا وماجت ركونهـا
صرخة ندا يدري بها كل عـارف
وأهل العقول الراجحـه يفهمونهـا
صرخة ندا مفهومها بـان وأتضـح
للـي بميـزان العقـل يازنونـهـا
صرخة ندا صوب الدواسر توجّـه
عبر الهواتف والرسل يوصلونهـا
صرخة ندا يعلن بها صادق النبـا
سارت كما شمس الظهيره بلونهـا
صرخة ندا للغاط سارت وتعتـزي
بآل السديـري ماتخيّـب ظنونهـا
لاجاتهم تلقى هل الجـود والفخـر
يعطونهـا الماجـوب مايبخسونهـا
مبدا الوفا..ساس الوفا..منتهى الوفا
كـم قالـةٍ ب..فعالهـم يحكمونهـا
صرخت ندا لسدير دوّت بصوتهـا
تنخى هل الأفعال وان حيل دونهـا
صرخة ندا للمحمل أعطت مسيرها
تنصى الرجال أللي لها يسعفونهـا
صرخة ندا في عارض المجد عزهّا
تبهـج بقـومٍ فاالخطـر يمنونّهـا
صرخة ندا باالحال للخرج روحت
شدت محازمها وضفـتّ ردونهـا
صرخة ندا ألى أهل الأفلاج سقتهـا
أليا أشتكت مـن مابهـا ينعشونهـا
صرخة ندا يـم السليـل مسيرهـا
أللي ليا هيـب الخطـر ياردونهـا
صرخة ندا في جو تمره تمركـزت
لجت بصوتٍ يوم وافـت زبونهـا
صرخة ندا مقصودها عيال عمنـا
بوادى الدواسر لاأشتكت ينصفونها
صرخة ندا لاهل الوفا تزعج النـدا
وهم الـذي ب..فعالهـم ينجدونهـا
أللي حضر منهم ومن كان غايـب
فـي كـل دارٍ قومنـا يسكنونهـا
صرخة ندا من خاطرٍ قـام يعتلـج
حرّق صلاها فاالضماير أغصونها
صرخة ندا في ماقف الجـد قلتهـا
ملعون من لاقام في حـق مونهـا
صرخة ندا في عامر الجد شيخهـا
شيخ الدواسر باالفعايـل ضمونهـا
صرخة ندا للجـد بـدران تنتمـي
زايد سندها والدواسـر حصونهـا
صرخة ندا من نبض قلبي تجـددّت
وأهل الفعول أللي تشرّف تصونهـا
صرخة ندا قمة مرامي ومقصـدي
عسى الرجـال بغايتـي يقدرونهـا
صرخة ندا ماجوبها أكـرام حقهـا
لعـل قومـي عزوتـي يقبلونهـا
من لاأعتزا..ألـى سمعهـا فجنبّـه
عسـاه منّـا هـو فقيـدة منونهـا
لعل غمـرٍ يهتنـي النـوم عقبهـا
ولايبذل الماجـوب يفقـد حنونهـا
صرخة ندا في عزوة العود تمتزج
لاقضقضت كل العـرب يعرفونهـا
من دار بن غزي بدت ثم قوضّـت
مثل الرياح أللي تلاعـج مزونهـا
من يمة الزلفي على الحال وجهـت
توجيهت الرادار تزعـج لحونهـا
مقصودها وادي الدواسـر وعمّـم
(صرخة ندا)..وأهل العقل يدركونها
بلّغ بها مـن يعتـزي بـآل زايـد
أللي ليا كبـرت علـن ينطحونهـا
بلّغ بها من يعتزي عـزوة الفخـر
وأللي تعزوى عزوة أصله يصونها
من لايعز أللـي تعـزوى بعزوتـه
يمـد كفـه للـعـدى يقطعونـهـا
ومن لايساوي بين ربعـه ويفتخـر
بهم فهو يشـري المذلـه بهونهـا
ياكيف رجلٍ يطلـب العـز يقـدم
في قطع خمسه والعرب ينظرونهـا
ياحيـف واويــلاه وااشدعلـتـي
علة خفا ماأحـدٍ يـداوي طعونهـا
ياحيـف وااويـلاه كسابـة الثنـا
قامت تبادل طعنهـا فـي متونهـا
قلت آآه وااعـزاه ياكيـف ربعنـا
عيونهـم ب..يمانهـم يطرفونهـا
أنـادي العقـال بــأولاد زايــد
أهـل المواقـف علّهـم ياقفونهـا
أنـادي العقـال بــأولاد زايــد
أهـل العوايـد علّهـم ينقذونـهـا
وين الرجال أللي عقولها تدلهـا؟؟
وين الرجال أللي لها يشترونهـا؟؟
هذي بلاوي توجع القلـب وأكثـر
مصيبـة يـوم العـدى يفرحونهـا
تكفون لاترضـون باالشـر بينكـم
نار الفتن مـن بينكـم تخمدونهـا
تكفون يأهل العلم والجـاه والفكـر
وأهل السلوم أللي تنومـس فنونهـا
حلـوا مشاكلكـم بعقـلٍ يدلـكـم
درب النجاة وصرختي تحفظونهـا
النار من أصغر شـرارٍ وتشتعـل
نيرانهـا وأضدادكـم يوقدونـهـا
أمـا أنتبهتـوا للمشاكـل وحلهـا
ياسرع ماتكلـح نواجـذ سنونهـا
ليا بدت من بيـن الأقـراب فتنـه
عقاّلهـا يـاطـول مايانسونـهـا
قولوا لنا باأللي جرى ويش عذركم؟
يوم العصا من بينكـم تكسرونهـا
أنتم هل النخوات وأن قيـل زااايـد
عوراتكـم مـن بينكـم تسترونهـا
ياحيسفا كـل أبلـجٍ قـام يعتـزي
في زايـدٍ وأرواحهـم يهدرونهـا
ياحيسفا كـل أبلـجٍ قـام يعتـزي
في زايـدٍ وأرحامهـم يصرمونهـا
ياحيسفا..وأنتم من النـاس جملـه
الجـد واحـد عزوتـه تكرمونهـا
ماجمعّت بأحـلاف قـومٍ تعـددت
ألا بـجـدٍ عـزوتـه يندبونـهـا
واحر قلبـي آآآه واحـر لوعتـي
يوم أنهم مـن بينهـم يزعجونهـا
جهالكـم لاتهـدم أسـوار عزكـم
فرحـة عدو..جهالكـم يفعلونـهـا
من لامنع جهـاّل قومـه بحكمتـه
أليا وقعت صعـبٍ لهـا يرقعونهـا
خذوا لكم من ماضي الوقت معتبـر
أكبـر دلايلهـا جـدادٍ ترونـهـا
هذا وانا منكـم علـى كـل حالـه
نفسي تجشّم دون ربعـي منونهـا
أرجي لكم عزٍ علـى الـدوم دايـم
والكلمـه العـورا بـدا تنطقونهـا
وأنتم هل الميقاف فـي كـل حـزّه
يوم العدا ترسـل علينـا جنونهـا
يامـا وقفتـوا والمواقـف كثيـره
من دون حـد بلادكـم لايجونهـا
لاجات من يم العـدا بـان فعلهـم
وقتٍ مضى وسنين دونك ودونهـا
ياما نحو عن دارهـم كـل عايـل
بيـن القبايـل دارهـم يحتمونهـا
دار لهـم فيهـا الحضـاره قديمـه
والباديه من حيث تهوى ضعونهـا
يرعون وبل الغيث من حيث طوّح
وحدودهـم عدوانهـم يرهبونـهـا
دواسرٍ كنّو علـى دوسـر الفحـل
قول السديري والعـرب يشهدونهـا
دواسـرٍ بأفعالهـم بـان صيتهـم
ترهب أعاديهـا تقيـدح عيونهـا
هـذاك وقـتٍ راح لاعـاد وقتـه
يـوم القبايـل بينهـم يشعلونـهـا
واليوم كل النـاس عاشـوا بنعمـه
في ظل منهم باالعـدل يحكمونهـا
أللي غدوا للناس باالضيـق كعبـه
والدين والدنيـا تراهـم حصونهـا
لموّا شتاتٍ وأمنـوّا كـل خايـف
وحدودها فـي شرعهـا يمنوّنهـا
باالشرع قام الحكم وسنـة رسولـه
ماغيـر هـذا ملـةٍ يرتضونـهـا
ليا جنا الجاني علـى حـد فعلـه
يلقـى جـزاه بصفحـةٍ يعلنونهـا
وأنتم حصل منكـم بلاشـك زلـه
زلة خطا وأهل الفضل يدمحونهـا
لعـل مـن قـدّر عليكـم حلولهـا
يحـل مشكلهـا ويفـرج شطونهـا
أخوّةٍ تبقـى علـى خيـر منهـج
بأيمانكـم وأفعالكـم تاصلونـهـا
واخلاف ذا ياسامـع القيـل بلغّـه
بأزكى سلامٍ خط في دمـع نونهـا
للـي حبـاه الله مجـده ومـيـزّه
في خدمة البيتين مع كـل شونهـا
للي غدا بقيادتـه مضـرب المثـل
نقاضّهـا ألـى بغـوا يفتلونـهـا
فتاّلهـا حتـى تحلكـم وتحتـكـم
وأليـا فتلهـا ماقـووا ينقضونهـا
الجد مقرن وأبـن بـدران خالـه
أسمى شهـادات العـلا يملكونهـا
توارثوهـا بينهـم ثــم ورثــوّا
أمجادهـا للـي لهـا يارثونـهـا
حازوا فخرها وأعتلوا فـي قممّهـا
من بعد ماثبّـت أبوهـم أركونهـا
تكفى يبو فيصل أمـل كـل طيّـب
أصلاح ذات البين يمحى حزونهـا
تكفى يبوفيصل نبي الحـل جملـه
بـأوامـرٍ لعلـكـم تصدرونـهـا
تكفـى يبوفيصـل وحنـا جنـودك
رهن الأشـاره كلمتـك مانخونهـا
نفـداك بـأرواحٍ أهلهـا وفـيّـه
يـوم المنايـا بعضهـم يكرهونهـا
تكفى يبوفيصل نبي البـر عاجـل
والفتنـه العميـا عسـى تقبرونهـا
بأصلاح ذات البين مع لـم شملهـم
وتعـود حالتهـم كمـا يرتجونهـا
متى رسول الخيـر يأتـي بشيـره
تبـدا حيـاة باالفـرح يهتنونـهـا
عسى..عسى..لعل من كـان يعلـم
باسرارها يفـرج لنـا رب كونهـا
وصلوا على المختار ماكان كايـن
وأعداد ماطيرٍ صدح في فنونهـا..



الشاعر الكبير/سليمان آل غزي البدارين

 

 

 

 

[معلومات العضو فهدالمحيسن]

اخي الغالي

مشاركة جميلة تشكر عليها

 

 

 

 

[معلومات العضو الوفا]

مشكور على الموضوع الرائع والله يعطيك العافيه





.

 

 

 

 

[معلومات العضو صبي الملازيم]

	عزالله أن القصيدة وافيه هزت القبيله في حينها وقام الدواسر يد واحدة لاهنت ياولد بدران وبيض الله وجه الشيخ الغزي

 

 

 

 

[معلومات العضو ولد بدران]

شكر كل من مر بالموضوع وعلق عليه وعندي سؤال ياخوان وابي احد يساعدني عليه عندي ملف صوتي ودي انزله وماقدرت هو ريل بلير حاولت احط مضغوط يعطيني ان الملف اكبر من 97 كيلوا بايت وكذا مايتحمل ابي مساعدتكم ياعيال زايد