دلّه الخضران ( المصروري الدوسري وابن عمه الخضراني ) ..

[معلومات العضو الحريجي]

السلام عليكم ورحمه الله وبركاته .. ** خلال تصفحي وجدت هذه القصيده ومناسبتها ولاأعلم ياأبناء العم هل هي مكرره ام لا ولكن بدافع المشاركه ولحاق ركب تميزكم اردت ان اطرح هالموضوع .. عله يلقى القبول منكم ياابناء العمومه .. **** القصيدة حديثه بتاريخ 12/5/1429هـ صاحب القصيده المصروري الدوسري .. كان له زميل عمل من بني عمه خضراني دوسري وكان الخضراني ملتزم باحضار القهوة يوميا الى مقر عملهم وكان هذا المصروري من المداومين على قهوة الخضراني من طرف ان عمل الخضراني عمل رجل كريم ومن طرف ثاني انه متنومس ومعجبه فعل ولد عمه المستمر عليه بشكل دائم حتى تقاعد الخضراني من العمل وفقد المصروري دلة الخضراني وسلمه الزين فقال هذه القصيدة فـ الخضراني الي هو هادي بن مفلح الخضران الدوسري والمصروري الدوسري صاحب القصيدة هو الشاعر جريم بن محمد بن ظافي المصارير الدوسري واليكم القصيدة: أوي والله دلـة عنـد خـضـران شقرا من البن اليمانـي شراهـا يادلة الخضـران ذربيـن ليمـان بالزعفـران وهيلـهـا قنـداهـا ربع تضد الشره يتلـون حقـلان كم هجمة يوم الجهل قـد خذاهـا مركاضهم يشبع به الذيب سرحان وكل السباع محصـلات عشاهـا وحنا هل العشرالذي فعلهـم بـان ربعـي مصاريـر يـذري ذراهـا والشيخ فينا حزام من نسل شبنان شيخ لنا روس المعالـي رقاهـا ضربة يمينه طيرت رجل وحصان محد هقا هقواتـه اللـي هقاهـا لاجا نهار فيـه عجـن ودخـان كم جادل بالزوج تقطـع رجاهـا لصحابنا سلـم وللقـوم عـدوان لعالـة العيـال نسحـن ادواهـا عدونا نسقيه مـن سـم ثعبـان وصديقنـا لـه شربـة ماحلاهـا افعالنا مـع كـل راوي بديـوان وافعالنـا كـل لجيلـه رواهــا افعالنا تلمع كمـا النجـم لابـان مثل النجوم الامعة فـي سماهـا دواسر في حزة الضيق شجعـان في دارنا الجيران ناسم عصاهـا منا لهم تقديـر لاصـار جيـران محد يضايقهـا ولااحـد قصاهـا ولاخير في هرج على غير برهان وسم العصا مافيه حـي نساهـا عوايد الجدان من عصـر بـدران دواسر تعـرف ويعـرف نباهـا ويشهد على قولي شيوخ لهم شان اافعالنا محد علـى احـد كناهـا وكل القبايل نعم من غير حقـران كل ا فعولـه دونهـا واحتماهـا واليوم في حكم السعودي كحيلان ال السعـود بحكمهـم جـدداهـا خلوا قبايل نجد صدقـان واخـوان كل مـع الثانـي بيوتـه بناهـا نعلن ولانا للملك سـر واعـلان وكل القبايـل لـه تجـدد ولاهـا وسلامتكم ..

 

 

 

 

[معلومات العضو ابو فهد الغييثي]

صح السان الشاعر على القصيده

ويستاهل الممدوح كل علمن طيب

ولاهنت على طرحها يالذيب

تحياااااااااتي

 

 

 

 

[معلومات العضو العماني]

صح الله لسان الشاعر المصروري ويستاهل الخضراني

ونعم بلاد الخضيري ولا الحبيبي

واشكرك اخوي الحريجي على طرح القصة والقصيدة الجميلتان .

تقبل تحياتي،،

 

 

 

 

[معلومات العضو عبدالرحمن الجبابرة]

أخوي الحريجي

سلمت على النقل المميز والرائع

ويسلم راعي القصيدة وخويه


دمتم بود ووفاء

 

 

 

 

[معلومات العضو ماجد الدوسري]

قصيدة تنومس ومشكور على النقل يانسل مسامير الاشدة
والنعم بلاد الحبيبي والخضران وعلومهم وافية وكافية وهم هل الطولات
شكرن لك

 

 

 

 

[معلومات العضو الحريجي]

المشاركة الأصلية كتبت بواسطة ابو فهد الغييثي صح السان الشاعر على القصيده ويستاهل الممدوح كل علمن طيب ولاهنت على طرحها يالذيب تحياااااااااتي ** ولاأنت ياغالي .. شاكر لك المرور يابوفهد .. ** تقديري ..

 

 

 

 

[معلومات العضو الحريجي]

المشاركة الأصلية كتبت بواسطة هايف العماني صح الله لسان الشاعر المصروري ويستاهل الخضراني ونعم بلاد الخضيري ولا الحبيبي واشكرك اخوي الحريجي على طرح القصة والقصيدة الجميلتان . تقبل تحياتي،، ** لايوجد مايستحق الشكر ياعزيزي هايف هذا اقل من الواجب .. ** شاكر لك المرور الرائع .. الذي لايليق إلا بمن هم على شاكلتك .. ** تقديري ..

 

 

 

 

[معلومات العضو الحريجي]

المشاركة الأصلية كتبت بواسطة عبدالرحمن الجبابرة أخوي الحريجي سلمت على النقل المميز والرائع ويسلم راعي القصيدة وخويه دمتم بود ووفاء ** الله يسلمك ياخوي عبدالرحمن .. ** شاكر لك المرور الرائع .. ** تقديري ..

 

 

 

 

[معلومات العضو الحريجي]

المشاركة الأصلية كتبت بواسطة ماجد الدوسري قصيدة تنومس ومشكور على النقل يانسل مسامير الاشدة والنعم بلاد الحبيبي والخضران وعلومهم وافية وكافية وهم هل الطولات شكرن لك ** العفو ياخوي ماجد .. ** اي بالله علوم الخضران والمصارير وافيه من اول وتالي .. ** شاكر لك المرور الرائع .. ** يامرحبا ..

 

 

 

 

[معلومات العضو ابو زابن المسعري]

بيض الله وجه المصروري اللي مانسى دلة خويه

وبيض الله وجه الخضراني على دلته الكايفه

لاهنت على هذا الموضوع المميز

 

 

 

 

[معلومات العضو نايف الخييلي]

عاشت يمينك يالحريجي

على هذي السالفه الطيبه والقصيده الرائعه

سلمت يالنشمي

 

 

 

 

[معلومات العضو ابوبدر المصارير]

الحريجي بيض الله وجهك على الموضوع المتكامل والوافي يا الوافي

لاهنت وبيض الله وجه الخضيري هادي بن مفلح الخضران الدوسري

على فعله ومن له عادة ما يخليها جعلها تبطيبه هو وأمثاله

وصح الله لسان الشاعر الجزل

ابومحمد جريم بن محمد بن ظافي المصارير الدوسري

اللي اظهر لنا فعل ابن العم الكريم في هذه ألقصيده

ولا عليكم زود إخواني المشاركين في الردود الله لا يهينكم

وحي والله منك يالحرجي

لأهنت لأهنت لأهنت

تم تقيم الموضوع ممتاز

تحيااااااااااااااااااااااااااتي

 

 

 

 

[معلومات العضو الحريجي]

المشاركة الأصلية كتبت بواسطة ابو زابن المسعري بيض الله وجه المصروري اللي مانسى دلة خويه وبيض الله وجه الخضراني على دلته الكايفه لاهنت على هذا الموضوع المميز ** ولاانت يابوزابن .. ** شاكر لك المرور الطيّب .. ** تقديري ..

 

 

 

 

[معلومات العضو الحريجي]

المشاركة الأصلية كتبت بواسطة نايف الخييلي عاشت يمينك يالحريجي على هذي السالفه الطيبه والقصيده الرائعه سلمت يالنشمي ** ويمينك ياولد عمي .. ** الطيبه والروعه تتجسد في مرورك انت وباقي ابناء العمومه .. ** شاكر لك المرور .. ** تقديري ..

 

 

 

 

[معلومات العضو الحريجي]

المشاركة الأصلية كتبت بواسطة الحبيبي10 الحريجي بيض الله وجهك على الموضوع المتكامل والوافي يا الوافي لاهنت وبيض الله وجه الخضيري هادي بن مفلح الخضران الدوسري على فعله ومن له عادة ما يخليها جعلها تبطيبه هو وأمثاله وصح الله لسان الشاعر الجزل ابومحمد جريم بن محمد بن ظافي المصارير الدوسري اللي اظهر لنا فعل ابن العم الكريم في هذه ألقصيده ولا عليكم زود إخواني المشاركين في الردود الله لا يهينكم وحي والله منك يالحرجي لأهنت لأهنت لأهنت تم تقيم الموضوع ممتاز تحيااااااااااااااااااااااااااتي ** حرام بالله ان سجل الشرف الخاص بي .. يفتخر بإنتماء ردك ومداخلتك لـ اروقته .. ** مرور قلما تجد له مثيل .. من ابن عم .. قلما تجد مثل نشاطه في موقعنا الحبيب .. لاهنت يابن العم المصروري .. ** ولاأنت ولاأنت ولاأنت ياغالي .. ** مجرد إطلاعك انت وباقي ابناء العمومه على موضوعي .. هو إمتياز ٌ له .. ** شاكر لك المرور .. ** تقديري ..