دار ابو سحمي مداوي كل علة ( بن هتيل والسحيمي القحطاني)

[معلومات العضو راشد المسعري]

السلام عليكم ورحمة الله وبركاته:

كان الشاعر راشد بن عويضة بن رسام السحيمي رفيقاً للمرحوم سعد بن هتيل المساعره ، وقد زار الوادي عام 1406هـ وكان يطلب أحد أقارب بن هتيل مبلغا من المال وأوفاه الرجل وتبقى جزء من المبلغ فقال القحطاني انا متنازل عن المبلغ الباقي لأجل اخي وصديقي سعد بن هتيل.

وأثناء سفره من الوادي للمنطقة الشرقية وكان يرافقه سعيد بن دغش الهاجري الذي سيرد اسمه في القصيده قال هذه القصيدة:

ياسعيد اركب وعرضه السمومي = ما تعودنا على برد الأظله
عرضه حدب الريادي والحزومي = واسهج اللاهوب خل النوم خله
ما ينام إلا قليلين الهمومي = كل خبل كثر نومه عادتن له
سرّحه ياسعيد من دار القرومي = وانت سواقه ومنهاجك تدله
سرّحه من دار ذربين السلومي = دار ابو سحمي مداوي كل علة
شايب شيّب على طيب العلومي = من شبابه والرجوله منهج له
والسبوع اللي خذينا كنه يومي = ومن تعمّق في طبوعه ما يمله
وانقضا من عندهم بعض اللزومي = وما بقى ياسعيد جعله فدوتن له

ولما وصلت القصيدة لابن هتيل رد بالتالي:

يافليح الفلح يافلح العزومي = المهم إنه فليح الري كله
قرب اللي مستعد ومحشومي = مع طلوع الشمس واركب واعتدله
نحرّه دار ابو خالد يامغنومي = عند راشد مقعده فإنه هل له
لا لفيت بن عويضة بالعلومي = وبسلامي والخبر دقه وجله
حب لي خشمه عسى عمره يدومي=عد مابيني وبينه حشمة له
مرحبا برسالته عد النجومي = وعد وبل من مخاييل تهله
والله إن أذكره حتى في الحلومي = وإن خياله ثابت لي في محله
جعل يفدونه دهاديد الهزومي = والبخيل اللي غناته حسرة له
والله إن طب الحسايس والحثومي = رفقة اللي كل طيب يرتحل له
ما تغوّي به برابيس الرخومي = يابس رايه ورايه معتدل له

 

 

 

 

[معلومات العضو شافي بن راشد النتيفات]

بيض الله وجهك على نقل هذه القصائد الرائعة

 

 

 

 

[معلومات العضو شماسية]

بيض الله وجهك على النقل يا ابومحسن



تقبل مروري

 

 

 

 

[معلومات العضو محمد راشد النتيفات]

لاهنت يابومحسن على النقل

 

 

 

 

[معلومات العضو مبارك بن شافي النتيفات]

كما عهدنا ابومحسن مبدع في الانتقاء

بيض الله وجهك ولاهنت

تحياااااااااتي

 

 

 

 

[معلومات العضو حمد ابن فهد]

الله يرحمه ابن هتيل شاعر كبير وله قصايد بعضها اصبحت امثال بيض الله وجهك يابومحسن للنقل الموفق

 

 

 

 

[معلومات العضو كايد11]

بيض الله وجهك ولاهنت