ابن بطحيّه وابن عون

[معلومات العضو متحري الصدق]

إخواني أعضاء المنتدى والزوّار الأكارم هذه مساجله بين الشاعرين الكبيرين
حسن بن عبدالله بن حسن بن بطحيّه الجماعين الوداعين و عبدالله بن نايف بن عون العتيبي آمل أن تنول على إعجابكم

ابن بطحيه

يحداني الهاجوس والهم والضيق=على المثل وأوناس الأيام عجله
وأظرم لفنجال اليماني ليا سيق=في مجلسن ما فيه نمّه ودجله
هذي عوايدهم عموم المطاليق=واختص شخصن بانظم القاف لاجله
عد الروا في اللين وان نشّف الريق=له سمعتن من سودة أبها لدجله
ركن المراجل دون شرحن وتعليق=وممشا بيوتي يم ابن عون خجله
فكره ينسق خاطر القاف تنسيق=وأصعب حروفه كلها تنتهج له
بشعرن يعالج ما لجا بالمعاليق=وبحر المحيط يعوض عن كل هجله
جلبت تمري للحسا بالصناديق=وأنا لأبو نايف مثل قدر نجله
وأخذت درس وتالي الدرس تطبيق=والمجتهد يتعب على الدرب رجله

ابن عون

يا من نهل من منهلن ما بعد ذيق=أحلا من النبّاع في هضبة أجله
هجسك لحلوات الغداريق عشّيق=حاور صعيب القاف لين اندرج له
واخذ من أزهار الغصون المواريق=وتوّج بها منهاجه اللي نهج له
هاجس حسن بادر بحلو الغداريق=وجتني مراسيله بعد ما فرج له
يمشي بخطن ما تجيه المطافيق=والمخرج اللي هو يبيه يخرج له
ويشكر على تقديم بيض الطواريق=ومن قدّم السمحه ما أرد العوج له
خلاّني آخذ في سما الشعر تحليق=وخلّى الجوارح كلها ترتهج له
الموجب أنه من رجال المواثيق=ومسجّلن مع سجل الأخيار سجله
وسلامن أحلا من لذيذ المذاويق=ما سولف الهرّاج للي هرج له

وتقبلوا تحيات أخوكم
متحري الصدق

 

 

 

 

[معلومات العضو الشقرديه]

يحداني الهاجوس والهم والضيـق على المثل وأوناس الأيـام عجلـه وأظرم لفنجال اليماني ليـا سيـق في مجلسن ما فيـه نمّـه ودجلـه صح لسان الشاعرابن بطيحه على القصيده الرائعه لاهنت اخوي الشقرديه

 

 

 

 

[معلومات العضو متحري الصدق]

من قال ما هان وشكرأ على المرور أختي الشقردية

 

 

 

 

[معلومات العضو فهد بن مبارك الودعاني]

	صح السانك يا أبن(( عبدالله))والسان أبن((عون)) قصيدة(ن)جزله وتستاهلون الطيب والله يبيض وجهيكم وما قصرتو.. تقبلو مني أرق التحايا و أعذبها من أخوكم/فهد بن مبارك الدوسري

 

 

 

 

[معلومات العضو محمد ال مطيلق]

يعطيك العافيه على النقل الموفق

تقبل مروري