مضى شهر ياسعود ماشفت مبخوت

[معلومات العضو أبـ ريماس ـو]

مساجله بين الشاعرين نواف العتيبي و مبخوت الدوسري





الشاعر نواف بن رازن الروقي العتيبي يقول/






مضى شهر ياسعود ماشفت مبخوت
اللـي تسلينـي طـوارف علومـه
عقبه وأنا صدري من الهم مكبـوت
وعيني من النوم العميق امحرومـه
لو جيت أجامل يافتى وارفع الصوت
الحزن في وجهي تبيـن أرسومـه
مارضى بعاد اللي به الطيب مثبوت
سلايـل الوافيـن خـال وعمومـه
غلاه في قلوب المشاكيـل منحـوت
من طيب وقفاتـه وطيـب سلومـه
دايم جديد ورفقته عقـل واسمـوت
على الصحاح واعن سواه محشومه
ومن يوم سافر واكثر الناس مبهوت
ويزيد مـع زود الليالـي اهمومـه
لو كان فابها ديرة الـورد والتـوت
وهاك النسيم اللـي هـواه ابنعومـه
كنه ابعيد وحبل الاوصـال مبتـوت
من حرصنـا ليتـه يعجـل قدومـه
نبغى نشوفه في عمـارات وبيـوت
في نجد لو نشكي هـواه وسمومـه








وهذا رد الشاعر مبخوت بن حضرم المخاريم الدوسري /

ماهل وبل ومرتفع في الفضا صوت
وماكمل العابد صلاته وصومه
وعداد من يمشي مع بحر وخبوت
ومايسجد العابد وماقام قومه
وعداد ونات العواجي علي نوت
يوم احرموه من المواجه خصومه
كله تراحيب بمن يرفع الصوت
اللي يناديني وجتني اعلومه
يمدح وهو وافي ولاهوب ممقوت
خذا من اجزال المدايح اقسومه
ذكره يعين عند هراج وسكوت
قطب علي العليا تلامع انجومه
له موقع بين الرجاجيل مثبوت
ونفسه عن اللي مايفيد محرومه
قرم عليه من الوفى تاج وبشوت
مواقفه بين الرجال محشومه
نواف ابن رازن له الطيبة قوت
من روس روق اللي لها المجد هومه
عتيبه اللي مجدها ماغدافوت
قبل السنين اوقبل يطلع حكومه

 

 

 

 

[معلومات العضو مبارك بن شافي النتيفات]

ارحب يابوريماس تراحيب المطر

صحت السنة الشعراء وعز الله انك اطربتنا بهذه المجارات الراااائعة

جزالة وعلوم طيبة متداولة بينهم ويستاهلون الطيب

بيض الله وجهك على النقل الراائع والجميل

لاتحرمنا جديدك نفداك

 

 

 

 

[معلومات العضو شافي بن راشد النتيفات]

بيض الله وجهك يابوريماس على النقل وصحت السنت الشعراء

 

 

 

 

[معلومات العضو دوسري هلالي]

صح لسآنكـ
قصيدة رائعة

بالتوفيق للجميع

..

 

 

 

 

[معلومات العضو ابو زابن المسعري]

صحة الاسنت الشعار ولاهنت على النقل

 

 

 

 

[معلومات العضو ابومبخوت الدوسري]

ياسلام ياسلام ياسلام

من اجمل المساجلات اللي مرت علي صح السان العتيبي والسان الدوسري

ويعطيك العافيه يابوريماس على هذا الطرح الطيب والجمل ..



تقبل تحياتي وتقديري ,,

 

 

 

 

[معلومات العضو راشد المسعري]

ياسلام ياسلام
صح لسان ابن رازن ولسان مبخوت
جزالة وإبداع وقصيد أخوي عالي المستوى
لاهنت يابو ريماس ،،،

 

 

 

 

[معلومات العضو نآصر البدراني]

الله ياسلام ياسلام

صح الله لسان ابن رازن وابن حضرم على المساجله الجزله والطيبه

لاهنت يبو ريماس على اتحافنا بهذه المساجله