اشرب الماء وكنه يرده عود

[معلومات العضو ابوطلال211]

في العشي بادي عالي النفـــــــــود=لاسقا الله علينا مراحٍ لـــــــــــه
يوم جيته فجن العبــــــــار وروود=دمعتي فوق الاوجان منهلــــــــه
اشرب الماء وكنه يرده عــــــــود=واتصبر وكني على مـلـــــــــــــه
كن في الصدر عجٍ ورجف رعـود=في مقاديم صيفٍ على حلـــــــــه
زاع قلبي كما زوعة البـــــــارود=وفاح صدري كمافوحة الدلــــــــه
ياوجودي على ابوعيونٍ ســـــود=وجد من طاح والجيش قد زلـــــه
سعد من هو خبر صاحبه موجود=لو كسيرٍ ويصبر على شلــــــــــه
جاب علمه لنا الطارش المقــرود=جعل موتٍ خذا الناس يندلـــــــــه

هذه القصيده لشاعر/محمدبن فهاد ال بريك من اهالي برك وهوشاعر
مبدع وله قصائد غزليه وحماسيه وفخر بقبيلته حينما نزلو وادي برك ومن اشهرها قصيده
من بغي برك عصيناه ماقلنا تمام=والقبائل ترخص الروح دون اوطانها

 

 

 

 

[معلومات العضو ابو زابن المسعري]

الاخ العزيز ابو طلال

السلام عليكم ورحمة الله وبركاته

اشكرك جزيل الشكر على نسب هذه القصيده لشاعرها الحقيقي

وبيض الله وجهك

 

 

 

 

[معلومات العضو راشد المسعري]

اشرب الماء وكنـه يـرده عـود
واتصبـر وكنـي علـى مـلـه

الله الله يابو طلال

لاهنت على النقل المميز وتوضيح الصورة لهذه القصيدة وخاصة هذا البيت الشهير اللي بصراحة كنا نسمعه ولا نعرف قائله

صح لسان الشاعر وياليت تزودنا بالمزيد من قصايده

تقبل ودي وتقديري ،،،،

 

 

 

 

[معلومات العضو عبدالله الحافر الغييثي]

بيض الله وجهك على النقل الرائع وفعلا" ابيات مشهوره ولانعرف من قائلها الا منك الف شكر