رافعآ روؤس الدواسر..للشاعر سالم بن سعد ال عمار

[معلومات العضو ابوفارس]

قصيدة الشاعر:سالم بن سعد آل عمار الدوسري
في الشيخ: فهد الفارس الشينه الدوسري

زان طاروق المثايل على الفعل الصحيح**واقبلت تبي السنافي وهو كفو لها


عاشــق الطــولات تبيه بلسان فصيح**وانتحت يم ابن فارس وجت في حلها


طوع صعاب المراجل وجت يمه طفيح**كنها وضح الدواســـــر لازين دلهـا


كل ما طق اللبيد أقــــبلت كنه يصيح**في الصيــــاني والدلال النظاف يزلهـا


والله ان البخل دام فهد حين جريح**غـــيث سبلا اللي يــباس الكبود يبلهـــا


دام بنك الجود ماجود يالوقت الشحيح**ماعلينا من دقيق الامور وجلهــــــا


جعل فهد طولة العمر والرزق الفسيح**دوحة نقطف ثمرها ونسكن ظلهـــا


رافعا روؤس الدواسر ويزهاه المديح**اثقل حمول القبايل وربعه شلهــــا


شيخ قوما ما يسوي سواته يستريح**لاتعصت كـــــايدات الامور يحلهــــا


ياذرا اللي كل ما قام من وقته يطيح**خانته الايام وقفت قبل يفطن لهــــــا


حده الوقت المشوه على الوجه القبيح**واكل نفسه بالحسايف وقام يملهـا


انقذه من عالم للمشـاعر تــسـتبيح**في اعراض الناس حدب السيوف تسلها


داخل في وجهك ووجه ابوك الله يبيح**منه وامك جعل رب الملا يغفر لها


ردله رداتكم يا أبو فــــارس للطـــريح**ردة منها تموت الرخوم بغلهــــــــا



الشاعر:
سالم بن سعد ال عمار

 

 

 

 

[معلومات العضو فهد المقابله]

يستاهل فهد الفارس الشينه

وصح لسانك يا سالم سعد ال عمار

 

 

 

 

[معلومات العضو ساقان الدواسر]

رافعا روؤس الدواسر ويزهاه المديح**اثقل حمول القبايل وربعه شلهــــا


يستاهل فهد الفارس الشينه

وصح لسانك يا سالم بن سعد آل عمار
______________________________________________
ساقان الدواسر

 

 

 

 

[معلومات العضو عبدالرحمن بن فلاح آل بريك]

يستاهل فهد الفارس الشينه الدوسري .

وصح لسان سالم سعد ال عمار .

ولا هنت يا طويل العمر على النقل ..

 

 

 

 

[معلومات العضو نايف آل بريك]

يستاهل المدح فهد الفارس الشينة الدوسري
وصح للسان الشاعر سالم بن سعد ال عمار
ولاهنت على النقل