رســـــالـــــــــه

[معلومات العضو محمد مبارك ماجد]

إتجاه آخر في أغراض الشعر قصيده بعنوان ( رساله )
وهي من النصائح 0 إقرؤها إذا سمحتم
---------------------------------------------------------------
بـــديـت بــاسـم اللـه عــزيز الجلالي
000000000000 الــــواحــد الـمـعـبود منشي خياله
وسجلت في بيض الورق ما طرى لي
000000000000 والــقــاف حــط الـيوم عندي رحاله
الـــقـــاف جــبــتـه يـوم جـاله مجالي
000000000000 وســمــيـت عـنوان القصيده رساله
رســــالـــة ٍ وجــهــتــهــا لــلــعـيالي
000000000000 وهـــم ثــمـر قــلـبـي وغاية مناله
يــامـبــارك اسمع وافـتـهم في مقالي
000000000000 والــنصــح يـنفع في رجال الشكاله
نــاديـت بـاســمـك يـومـك اكـبر عيالي
000000000000 ويومك على اللي طيب ٍ في فعاله
بـــو مــاجــد الـلي فـيـه كـل الخصالي
000000000000 وكــم واحد ٍ من زود طيبه دعى له
لـــه مـجـــلــس ٍ تـصــاه كـل الرجالي
000000000000 وان كـــان ضـيـفه جاه والا عنى له
تــلــقــى الـشـــحـم ومبـهرات الدلالي
000000000000 والــعـــود الازرق سـايقــينه عياله
انــا اشــهــد انــه مــرخــص ٍ كل غالي
000000000000 تــعــطــي يمينه ما درت به شماله
الــمــصــلح الــلي لاعـطــى مــا يبالي
000000000000 إن كانه اللي ساق في الصلح ماله
مــا يــبــخــل بــجــاهــه كريم السبالي
000000000000 وكم واحد ٍ في حاجته قد سعى له
شــــيـــال حـــمـــل الــنـايــبـات الثقالي
000000000000 يـــوم ان ولــد الاش مـا ســر حاله
رام الــمــراجــل مــن قــديــــــم ٍ وتالي
000000000000 وانــا اشــهــد انـه نــالـها من فعاله
يــشـــهـــد عــلى ما قــلت كل الرجالي
000000000000 يـــاويـــن ابــلــقـى يالنشـاما بداله
لا والــلــه الا راح حــــــامــــــي التوالي
000000000000 الــواصـل المطعم سعد من غدى له
فــــا اول وصـــاة ٍ يــاعــيــالــــي تقالي
000000000000 طــاعـة عظــيم الشـان مبدي هلاله
ومــن طـــــاع ربـــه فــاز عـنــد السؤالي
000000000000 يــــوم الــحـســاب وزيـــن الله حاله
والـــــثــانــيــــــه لا تــتــركــون المعالي
000000000000 ولا تــحــســبــون العلم سهل ٍ مناله
والــعــلــم نــور ٍ والــجــهــــالــه ضلالي
000000000000 والـلـي مـشــى في درب عــز ٍ يناله
والــثــالـثـــه أمــشــوا مماشي الرجالي
000000000000 والا الــــــردي خــــلـــوه لا زان فاله
والضــيـــف قـــومـــوا بـواجــبه باكتمالي
000000000000 لــلـضـيــف حـق وفـيه طيب وجماله
والــــــــرابـــــعه تــكــاتــفـــوا يا عيالي
000000000000 ولا يـــغـــر الـــرجـــل مـنــكــم رياله
وعـــزوا جــمـاعـتــكــم وعــزوا الخوالي
000000000000 ولا خــيــر في رجـل ٍ قصر عن خواله
تـــمـــت وصـــلــوا عــــــد ذاري الرمالي
000000000000 عـلـى نــبـي الـخــيــر راعي الرساله

الشاعر /// محمد مبارك ماجد آل ناهش الدوسري

[ أبـــــو مــــبـــارك ]

 

 

 

 

[معلومات العضو خيالية]

صــــــــح لسااانك ،، واعتلى شااانك ..

 

 

 

 

[معلومات العضو بوراجس المشاوية]

السلام عليكم ورحمة الله وبركاته

اللهم صلي على محمد وعلى آله وصحبه أجميعين

كفو

وصح لسانك

وسلمت يمناك

وبيض الله وجهك

 

 

 

 

[معلومات العضو ابو نايف الحربي]

الله الله الله


الله يصلحهم وينفع بهم



صح لسانك ولاهنت على الطرح الرائع

 

 

 

 

[معلومات العضو سالم بن صمهود]

صح الله لسانك واقرالله عينك بصلاح ابناك

 

 

 

 

[معلومات العضو ابو حسين الدوسري]

صح السانك واعتلى شانك

والله يقرر عينك في عيالك

وابناء المسلمين

تحياتي

 

 

 

 

[معلومات العضو نايف الخييلي]

صح لسانك يابو مبارك

قصيده جزله ورائعه ولك جزيل الشكر على طرحها

تقبل تقديري وإعجابي

 

 

 

 

[معلومات العضو بنت الذيب]

محمد مبارك ماجد

صح لسانك

قصيده راائعه

لاهنت

 

 

 

 

[معلومات العضو محمد بن سالم الخضراني]

ماشالله عليك

يابومباررررررررك

وصح لسانك ولاهنت

تقديري لك ,,

 

 

 

 

[معلومات العضو بدر بن صقر العجالين]

الله يصلح لك ذريتك يا أبومبارك ويجلعهم فاتحة خير عليك

صح الله لسانك ولا عدمناك تواصلك الرائع..

تقبل تحياتي،،

 

 

 

 

[معلومات العضو محمد مبارك ماجد]

أشكر الجميع على المرور الكريم
عساكم دائما في زود
[ أبو مبارك ]