يـا فــــــــؤادي ( عسى ان تشفع غيابي )

**معلومات** **العضو** · 07-09-2008, 04:01 AM

يافؤادي لا وصل علم القوي شد الظلوع = شد بطراف الحنايا والصبر يفرج مصيبه
اجلد بصدري ياقلبي لا تجي طفقٍ جزوع = خفقتك لا لا تراعد لا عوا للهم ذيبه
لا تعدا لا توايق لا تدور لك فزوع = ازبن طويق المحاني بندق الشكوى صويبه
انتظر صبحٍ دروبه ماتجي وادي الدموع = المساري في غداري الروح تجعلها عطيبه
كيف / يمكن / ليت / لو / ياعل / ماتبري وجوع = والتمني درب ضيّق ماوصل ديره رحيبه
ومن ينام السبت فكره ينتظر صبح الربوع = تثقل الساعة يعيش اليوم لحظاتٍ عصيبه
لا يهمك يافؤادي لو تجي همومك جموع = دام تتبع عقل شاعر عاشر اعقولٍ لبيبه
النخل ماقد بخل لو ماهزع يوم الجذوع = وش يفيد اصبح جريد الذنب ماجمت قليبه
والمواقف نعمة الله والظروف اللي تروع = تظهر العزوة من الخزوة نتايجها رهيبه
ذا الزمن حب المظاهر والتفاخر والطلوع = كم رجل ذب المبادي من اجل شيٍ يجيبه
في المصالح عونك اللي لا امرته جاك طوع = لا خلص فرعون يطعن بالظهر نمه وغيبه
مثل من صلى لحاجه بعدها كب الركوع = أيتمسكن لا تمكن اختلف طبعه وطيبه
والدني مهما تطبع تكشف الحاجه طبوع = للجيف ينزل من اعلا ماخشا شيٍ يعيبه
لا كلا عمض عيونه كنه القط الدنوع = نفسي نفسي لا كلا ضرسٍ علا ينسى صحيبه
للخوي اصعب رياله لا ظهر من حب كوع = كنه الروح اللي تظهر جعل ماله للنهيبه
هذا حال الخلق احدن شمعدان احدن شموع = ذا برود إحساس هذا واقد إحساسه لهيبه
والعمر قفرا مطر مابه مقر لا به رجوع = من مهد حتى اللحد شايب ولد يدفع ضريبه
وياشقا اللي في هوا روحه يجي دايم تبوع = ان ركض ولا وقف يلهث و روحه مستصيبه
والسعيد اللي عفيف الروح بالدنيا قنوع = مرجهن قلبه بربه مادرى بأعظم مصيبه

**معلومات** **العضو** · 07-09-2008, 04:20 AM

الشاعر القدير مشعل الشايقي

صح لسانك مليوون ياابوراشد بالتأكيد تشفع للغياب

قصيده جزله من شاعر جزل ومتمكن

خالص الود

**معلومات** **العضو** · 07-09-2008, 04:54 AM

صح السانك وعتلى شانك

ولاهنت على طرح القصيده الجزله

تحيااااااااااااااااااتي

**معلومات** **العضو** · 07-09-2008, 10:00 PM

مثل من صلـى لحاجـه بعدهـا كـب الركـوع=أيتمسكـن لا تمكـن اختلـف طبعـه وطيـبـه

مشعل الشايقي

صح الله لسانك وبيض الله وجهك ياذيبان

**معلومات** **العضو** · 07-09-2008, 10:15 PM

صح لسانك مليون

لاهنت

**معلومات** **العضو** · 08-09-2008, 02:39 AM

مشعل وبالأصح الشاعر مشعل صح لسانك تسلم يمينك كتبت واجدت وابدعت

**معلومات** **العضو** · 08-09-2008, 03:08 PM

مشعل الشايقي

صح لسانك مليار على ماقدمت من ابداع

وبيض الله وجهك

**معلومات** **العضو** · 12-09-2008, 12:23 AM

ارحب يافيصل

لاهنت على الحضور المشرف

كلمات تتوجني وتسرني

تحيتي وتقديري

**معلومات** **العضو** · 15-09-2008, 03:46 AM

لاهنت يابوفهد

تسلم على الحضور المشرف

تحيتي وتقديري

**معلومات** **العضو** · 15-09-2008, 08:16 AM

أخوي الغالي

الشاعر المتميز

( مشعل الشايقي )

صح الله لسانك قصيده رائعه ، واكيد انها تشفع لغيابك من روعتها..

وانت مبدع كعادتك بيض الله وجهك..

تقبل تحياتي،،