وقعة نطاق المشهوره

[معلومات العضو عقاب العتيبي]

بسم الله الرحمن الرحيم

اللهم صل على محمد وعلى آله وصحبه أجمعين أخواني النشاما السلام عليكم ورحمة الله وبركاته اتمنى ان نبتعد عن المشادات فالاختلاف لايفسد للود قضية نعود لكم هذه المرة وحديثنا حول وقعة نطاق بين قبيلتي الحفاة من الروقة من عتيبة الهيلا وشمر الطنايا في آخر القرن الثالث عشر ونطاق الجبل المعروف في وسط نجد في وادي الرشاء حيث يقع جنوب شرق عنه والوقعة حصلت بالقرب منه لذلك سميت باسمه وهذه القصيدة من قصايد الشاعر سعود بن لفاي ويلقب (اليابس) لشدة بأسه وشجاعته وكرمه وهو من الحفاه من الروقه من قبيلة عتيبه ويعد فعل ربعه كما أنهم مشهورون بالشجاعه وهو يصف تلك المعركة وهي من القصائد المنصفه التي أنصف فيها الفريقين فقال:

سعود بن لفاي الحافي:

أول كلامي طلبت الله وذكره=ذكرت ربي كل بادي نوره
يقول بن حافي بدا راس مرقب= في مرقب عالي بروس القور
يرد من زين المثايل وينتقي = مثل العسل حلو بدون امرور
كلام أحلى من لبن شمخ الذرا = لاروحت من حاجر ممطور
بعد جا خيال طلعة الشمس وامطر = اثعوله من الدم الحمر شختور
وبرقه من أيمان النشاما سيوفهم = ورعده من افواه السلاح يثور
قبلي خشم نطاق لاطقه الحياء= شمال من العد الهماج أحدور
طاحوا به الفرسان منا ومنهم= وردوا هل العاده على الصابور
نطحنا العداء من يوم جتنا جموعهم= على سردهم والبيرق المنشور
وسقيناهم السم الذحاح وسقونا= مثل نمور صادمت لنمور
وابن لغيصم طاح منا على الثرا = ونحدهم عن مالنا بحدور
ياذيب ياللي بايمن النير وايسره = كل من مداس الخيل يا معثور
وكل من الصبيان والجيش والرمك = والى ظميت اشرب من المنجور
تلقا على الساقه حصان ومهره = وتلقا عيال لابسين اكمور
وصوت لذيب يم حشة مليه = وخلو لغياب السباع جزور
كم صاح عقب الكون من شمريه= حناها طناها حنة الباكور
من اولاد حافي لابتي ذي فعولهم= أهل ماقف يوم اللقاء مشهور
كرو علينا ثم رجعنا عليهم = واقفت بهم جرد المهار اعبور
وردوا علينا وردة في عزيمه = وهج الحلال وزرفل المظهور
وأحاطوا بنا قوم تهاذيب خيولهم= ولجة حداويهم على المامور
ورمينا العمايم واعتزينا بحافي = وثبت لهم كل أبلج منعور
وطاحن جياد الخيل من ضرب لابتي = والدم الاشقر بيننا منثور
وحمو جريرتنا عيال بفعلهم = وعيا على التالين بن صمعور
وافتكت اللقوة بكثر الرزايا = وكل خذا حقه من الميسور
جنايز الظفران حافي وشمري = أمسي بها سبع الخلا مسرور
واربعي اللي كل ما قلت أظنهم= لاكن يهدم بالبلاد اقصور
أهل مرحبا وان جت ليالي الشدايد= وأهل الكرم وان جت ليال اعسور
ياحيسفا ياريف هجن حفايا = يوم الردى عن خاطره مثبور
أيضا وابن هزاع وعميش قبلهم= وحزام شوق الجادل الغندور
وجدي عليهم وجد من بات ساهر = يجر العواء من عظمه المكسور
واستغفر الله قبل تكتب عليه = في كل عمري ما ذكرت الزور
تمت وصلى الله على صفوة الملا= اعداد ما يزهى الفلا بزهور

والله يرحم جميع موتى المسلمين

 

 

 

 

[معلومات العضو راشد المسعري]

ونعم بالهيلا ونعم بالطنايا

قبيلتين عزيزتين وكريمتين في الماضي والحاضر

وواضح ان الشاعر اليابس الحافي العتيبي منصف فعلاً فقد ذكر مالهم وعليهم ، وقال يرثي ربعه

واربـعـي الـلـي كــل مــا قـلــت أظـنـهـ=ملاكــــــن يـــهـــدم بــالــبــلاد اقـــصــــور
أهـل مرحبـا وان جـت ليالـي الشدايـد=وأهـل الكـرم وان جـت لـيـال اعـسـور
يـاحـيـسـفـا يــاريـــف هــجـــن حــفــايــا=يـــوم الــــردى عــــن خــاطــره مـثـبــور
أيـضـا وابــن هــزاع وعـمـيـش قبـلـهـ=موحـــــزام شـــــوق الــجـــادل الــغــنــدور
وجـدي عليهـم وجـد مـن بـات ساهـر=يجـر العـواء مــن عظـمـه المكـسـور

لاهنت ياعقاب وحياك ربي ،،،

 

 

 

 

[معلومات العضو عقاب العتيبي]

الله يحييك ياراشد ماعليك زود طال عمرك

 

 

 

 

[معلومات العضو مبارك بن شافي النتيفات]

لاهنت ياعقاب وبيض الله وجهك على النقل الراائع

تحياتي وتقديري

 

 

 

 

[معلومات العضو محمد راشد النتيفات]

لاهنت ياعقاب وبيض الله وجهك على النقل الراائع

تحياتي وتقديري

 

 

 

 

[معلومات العضو شافي بن راشد النتيفات]

لاهنت ياعقاب وبيض الله وجهك على النقل الراائع

 

 

 

 

[معلومات العضو عقاب العتيبي]

المشاركة الأصلية كتبت بواسطة مبارك بن شافي النتيفات

لاهنت ياعقاب وبيض الله وجهك على النقل الراائع

تحياتي وتقديري

وجهك ابيض يا سنايدي

 

 

 

 

[معلومات العضو عقاب العتيبي]

المشاركة الأصلية كتبت بواسطة محمد راشد النتيفات

لاهنت ياعقاب وبيض الله وجهك على النقل الراائع

تحياتي وتقديري

وجهك أبيض يالغالي

يشرفني مرورك هنا وتعليقك



تسلم الله يحييك