|
|||||||
14-01-2013, 09:23 AM
|
#1 | ||||
|
قصيدة معبرة وتحتاج جنجرة منشد مبدع(غرب من الرملة وشرق من القار)
بسم الله الرحمن الرحيم
ياما حلا المسراح مع وقت الاسحار =وضرب الفيافي مع دروب سنيعه
مع بني عمن مطاليــق واخيــــــــار=صدورهم بإيمــــان ربـــــــــــي وسيعه اليا مشوا يقرون من خير الاذكــــار=ويودعون الاهـل حافــــــــظ وديعه على جديد يطرب البـــــال لاســــار=وارد وكاله و الصناعـــــــه فنيعه جكس مضمَن تو عداده اصفــــــار=مهــوب خجمـا تنزعــــج مـن قريعـــه يقربك من ديـــــره ويبعدك عن دار=و يبعــدك عن ضوضـا المــدن والصعيعه ممشــــاه شــــرق يمه سهيل ويسار=بين القوانــس والخطــوط السـريـعـه غرب من الرمله وشـرق من الـقـار=دار سـقاهـــــا عقب وسمـــــه ربيعه نقيضـــــــــها عله من الوســم سبار=زملوق عشبـــه شـــــــابك في قشيعه ريضانها فيها من إنـــــواع الازهار=مشــي بـــها يشفـــي نفـــــوس وجيـــعه وصلـواَ بها صبـــــح و لدو بالانظار =مشفيـن فــي حرن عـلـــى اول طليــــعه وشافـوا لهم زول على البعد منــــذار=وتســـابقــوا روس الحـــزوم الـــرفيـــعه وهدوا بحرن يخلف الخرب لاطـــار=مضـــراب كفــــه لا لطمـــــها شنيـعه لا طرها جـا ريشـها كنه معصــــار=وحــول بهـــا بين الصــوايد مطيـــعه ونزل له الصقــــار مشيه تبختــــار= كنه زعيـــم الحـرب يوم الوديــــعه وخمسن ضحاهم بين سنده ومحــدار=هاذيك مذبوحــــه وهـــــذي صريـــعه وعند الضحى مالو على هدب الاشجار =حديقــــة لكن حديقــــــــة طبيـــعه وحطوا من العزبه طويلين الاشبــار=كلن عـلـى نفســـه يخـــاف الهــــزيـعه جاب الحطب من عادته شبــــــة النار =عــودان سمـــــــر من شجرتن خليــــــعه وقرب معاميله خبيـــــــر وبيطــــــار =قديــــم عـرف ولاب عرفـــه بـــديــعه وسحب لها جمـــر غدا له توهـــدار=جمـــرن يشــادي للــذهب فـــي لميــــــعه وركب بريق قـــــاس ماها بمقـــدار =وحمـــس مـن البن اليمـــاني فـديـــــــعه واليا استوى كبه برفق وتبصـــــــار=بنجر ليا دنــــــــه يشــــوقك لعيعه وبهر بــهيل خالطن فيه مسمــــار= مع زنجبيـــــل جابه اللــــي يبيــــــــعه وقند برســــلان تقل طلي بــبزار=فنجالـــــــــــها يقعد عقـــول صـــديعه صبه وساق يمين ماساقه يســــار=سنــــة نبي وماخذينه طبيـــــــعه وسولف مسولفهم بزينات الاخبار=مهـــوب هرج فالقفـــا والقطيــــــــعه مايقتفي غــــــــايب ولا دك في جار= دايم يـــــدور للعلوم الرفيــــــــــــــعه اليا هرج بالهرج مهــــــــوب ثرثار= يـــازن كلامـــه قبل حلقه يذيــــــــــعه وعقب الغدا والكيف نووا بالاسفار =يمشون بكتـــوف الاراض الوسيــــــــعه مقيالهم في الدار والليل في دار=شهرين كنهم في البراراي نزيعة ولو التمشي مايطول بالاعمـــــار= هـــــــوى نفوس وحللته الشريــــــعه يمشون في مدهال حسكات الاوبار=مدهــــــــــــــال ذود مايــــــكدر رتيـــــــعه بحمى بني عمي معفين الامـــدار=يوم إن كلن هيبتـــــــه من ذريــــــــــــعه ياما نحو من دونها كل مغــــــوار =عدوه عنها بالسيــــوف الوريــــــعه دواسر تسقي العدو كاس الامرار= ومن طاب فيـــهم مايضيع صنيـعه كم شيخ قوم ساقته سو الاقــــدار=من ضرب ربعي صاب ربعه فجيـعه حامين غرس ما على حده جدار= هدب الجريد الباسقات الينيــعه ما خشرو فيها سوى الضيف والجار=ياما هجـو منها نفوس مجيــــعه وختامها صلو على سيد الابرار=وما خاب من سيد البرايا شفيعه
|
||||
|
|
|
|
14-01-2013, 09:24 AM
|
#2 | ||||
|
رد: قصيدة معبرة وتحتاج جنجرة منشد مبدع(غرب من الرملة وشرق عن القار)
المشرف الغالي إذا رأيت أن القصيدة تحتاج تنسيق فلك ذلك وشكرا
|
||||
|
|
|
|
17-01-2013, 12:44 AM
|
#3 | ||||||
|
رد: قصيدة معبرة وتحتاج جنجرة منشد مبدع(غرب من الرملة وشرق من القار)
كالعادة ابداع رائع
|
||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 06:20 AM
