تحذير... للعابثين بالمحاورة!!

[معلومات العضو أبو زايد التغلبي]

شكراً لكل الذين يحترمون هذا الفن الأصيل والمميز (المحاورة) :

وبعد إذن كل الفضلاء .... أقرب معلم ميدان:
ــــــــــــــــــــــــــــــــــــــــــــــــــ ـــــــــ

يا هل الطرب يا بنا العرب من ورد صاف الما شرب
ومن طاول الجربا خطير إنه يعادا بالجرب
ولا حميت الهيجا قليل اللي حــــراويها قـــــــــرب
أقولها واللي فهم لاشارتي يفطـــن لـــها


يا زمان العجايب كل يوم (ن) تجيب ................. كارثة تشكي العربان من جــــورها

المرض منتشر ياناس وين الطبيب .................. نادوا اربوعنا اللي فارق(ن) شورها

 

 

 

 

[معلومات العضو فارس الكلمه]

اهلا هلا ياهل الوفاء والطيب يافحول الرجال

اهلا هلا وعداد ماهبت نسانيس الشمال

في ذا الزمن ماحدن يفرق بالحلال والحرام


اقولها والي فهم لاشارتي يفطن لها


بعض هرج العرب في ذمتي مايصيب....... والمعاني يابو زايد لفاء دكتورها

والمــعاني تبــعّد كل شــي قريـــب......وياصحيبي تراني ماجهلت بحورها

 

 

 

 

[معلومات العضو أبو زايد التغلبي]

استلم طال عمرك:

يا مرحبا باللي لفا رجال من أهل الوفا
لو هو تذكرنا بعد ما غط له ليل وغفا
ليه الجفا يا ربعنا ليه الجفا ليه الجفـــا؟

أقولها واللي فهم لاشارتي يفطن لها


شد حيلك عسى ظنك بنفسك صويب ........... والمناعير مثلك ننتظــر دورهــــا

لا تجي مثل ناس(ن) فاللـوازم تغيــب ........... ارد حوض المنية واقتحم سورها

 

 

 

 

[معلومات العضو أبو زايد التغلبي]

اللييييييييييييييييييييييييييل لا هنتوا

المعلبة بدون جمهور ما لها طعم

بانتظاركم أنا وخوي قهيدان

والله يعطيكم العافية

 

 

 

 

[معلومات العضو راشد المسعري]

أبو زايد التغلبي : أررررحب يالقرم منور المنتدى ومحرك ساحة المحاورة وعلومك غانمة دايما يابو زايد .
قهيدان : أررررحب يالذيب وانت وبو زايد منورين ا لساحة وعلومكم غانمة ، شدوا حيلكم وامتعونا باللعب الزينة والمعاني الدسمة.

أنا في صف قهيدان من غير قصور في ابو زايد لأني متوقع إن جمهورة واجد ، وياالله اللييييييييييييل يارجاااااااااااااااااااال.

 

 

 

 

[معلومات العضو أبو زايد التغلبي]

مرحبا ومسهلا يا شاعرنا ومشرفنا الغالي بو عبدالمحسن المسعري

والله لايهنيك على تواجدك وتشجيعك للمبتدئين اللي مثلنا

وكلنا بانتظار قهيدان والصفوف الكرام

 

 

 

 

[معلومات العضو المسعري]

لا تجي مثل ناس(ن) فاللـوازم تغيــب ........... ارد حوض المنية واقتحم سورها

ابوزايد
ماشا الله مستعد ومستريح في ميدان المحاوره

بيض اله وجهك يالذيب ووجهه قهيدان

سجلوني من المتابعين

 

 

 

 

[معلومات العضو راع البل]

اللة الله الله



ابو زايد وقهيدان

شدو حيلكم والصفوف جاهزة

 

 

 

 

[معلومات العضو سعد المقابله]

يا سلامي عليكم

ياشعار المنتدى

لاهنتوا الليل ساري

وينكم

 

 

 

 

[معلومات العضو أبو زايد التغلبي]

يا جماعة الخير وش اللي قاعد يصير في هذا القسم المهم جداً جداً من المنتدى المحاورة قاموا يتهربون شعراها وكل ما جاء واحد ولعب بيت أو بيتين انسحب عسى ماشر؟؟؟؟؟؟؟؟؟

يا مرحبا يالمسعررررررررررررررررررررررررررررري تراحيب المطر ياخوي العلم بحر؟؟


كل ما خلت برق(ن) شام ولا جنوب /////////// جات عجة وغطت لمعة بروقها


لو الود ودي إن كل الشعراء هم ( المسعري ) من دون قصور فيهم ؟؟؟!!!!

 

 

 

 

[معلومات العضو فارس الكلمه]

منك البقاء وعطني علومك يابوزايد كلها.......علومك الي خافيه يامسندي لي فلها.....والليل ساري والمعاني الطيبه بادلها

اقولها والي فهم لاشارتي يفطن لها


ابشر بشاعرن مانم هرج الصحيب........والله الذود عندي مجهم مقهورها

خوض بحر الهوايل وافتهم يالبيب......ياعسى بحر السوالف طيب بابورها

 

 

 

 

[معلومات العضو المسعري]

الله الله شبت من جديد
ابوزايد
اشادتك مجروحه مني بارك الله فيك (الفطاحله واجد مثلك وشرواك)

سجلوني متابع وانتبهوا للحن يالربع ؟؟

 

 

 

 

[معلومات العضو فارس الكلمه]

ابوزايد التغلبي عساكم على القوه انت والمسعري


انا استاذنك والله لايهينك


اخوك/قهيدان

 

 

 

 

[معلومات العضو أبو زايد التغلبي]

ألف شكر وما قصرت يا قهيدان

وألف شكر ووحشتنا يا المسعرررررررررررررررررررررررررررررررري


** أخوي (المسعري) : هاااااااااااااااااه وش لون مزاج الشايب؟؟؟

أنتظر ردك بعد شوي..

 

 

 

 

[معلومات العضو المسعري]

يلاحس الغربي

ودك تسوق الركايب سوقها بدري -في يمت القرم اشرقها واغربها