مطلوب المشاركه من شعراء الموقع

[معلومات العضو عبدالله الحافر الغييثي]

اخواني شعراء موقع الدواسر الرسمي

وانا اتصفح احد المواقع اللتي تهتم بالشعر وجدت ابيات لعملاق الشعر/رشيد الزلامي الذي أبدى أن تجارا أبياته في معناها وقوتها .. بثلاث أبيات أخرى . على نفس العروض والقافية ..

ياصاحبي درب العلا صعب بالحيل=دونه مسافـة جرهديـه وجـرداء
وقدمك لعكفان الشـوارب مداهيـل=قطّاعة الفرجه على كـل سـرداء
وان كان ماتقدر دروب الرياجيـل=عوّد وتلقـى واحـدٍ منـك وأردا

أتمنى المشاركة من كل شعراء المنتدى

 

 

 

 

[معلومات العضو شافي بن راشد النتيفات]

لاهنت يابومطر على النقل وبيض الله وجهك وصح لسان
رشيد الزلامي

درب المراجل يالزلامي تساهيل=للي على القمة تفرش بوردا
ياماحلى لاشفت فيه المشاكيل=في قمته تلقى جموعٍ وفردا
والا الردي ماهوب يحتاج تفصيل=ما عاش في حرٍ ولاذاق بردا

 

 

 

 

[معلومات العضو فارس الدبالين]

ابو مطر بيض الله وجهك فكره تشكر عليها

وصح لساااان الشاعر رشيد الزلامي
وصح لساااان شاعرنا المبدع شافي النتيفات

درب العلا مايجهله كل حلحيل= اللي يشوش ولانوى الصعب وردا
على مداهيله ولايطفح الكيل=ولاجا لزومه ماتغبّا وشردا
واللي من دورب العلا جاه تهويل=مايكسب الطالات لوكان (يردا..!!)

 

 

 

 

[معلومات العضو محمد بن حمد الشكرة]

الله يعطيك العافية ياابو شيخة على الفكرة الطيبة وصح الله لسان الشاعر العملاق/رشيد الزلامي على الابيات الجزلة وصح الله لسان شعار المنتدى الي جاروا ابيات الزلامي

 

 

 

 

[معلومات العضو سعد بن هادي]

لا هنت يا ابو مطر على هالموضوع وصح الله السان الشاعر رشيد الزلامي وصح الله السنه شعار المنتدى وبيض الله وجيهم وانا اقول مجارات للشاعر الكبير رشيد

درب الشكالة خابرينه كما السيل=ما كل من ياصل جمامه بيردا
يبغى قروم صاملين وحلاحيل=تسرد مفاخرهم على الخلق سردا
ولا ترى الخايب عشير المهابيل=ان عاش ما ينفعك وان مات فردا

وتقبلوا مروري سعد بن هادي

 

 

 

 

[معلومات العضو محمد مطلق آل بريك]

الله يعطيك العافيه يأبو مطر على النقل
وصح لسان زملائي الشعار اللذين سبقوني


وأنا أقول ~~

درب العلا ضلع عسير المناويل
.......والناس تسعى لع جماعه وفردا
لكن مايرقاه كود الحلاحيل
.......اللي تحوش الطـيب جمله وفردا
أفعالهم تروى لجيل بعد جيل
.......ومهارهم للطـيب ماهيب حردا

 

 

 

 

[معلومات العضو سعد بن سويحل الخضران]

الدرب يعرف وللمراجل مداخيل = مثل الزمان اللي بحراً وبردا
ان طاب وقتك جاك بالخير والكيل = والحظ الاقشر يطرد الخير طردا
هاذا زمانً يفتر العقل والحيل = وهل اللحا صارو من الوقت مردا

 

 

 

 

[معلومات العضو خالد المشاويه]

السلام عليكم

صح لسان الزلامي

وصح الله لسان اخواني الشعراء

درب العلا غبه كما السند والنيل=وكم واحد وردهـ وعقّب وشردا
وسهله على النشمي حفيد المشاكيل=لامايهاب الموت للعد وردا
اللي لياصارت بضرب المصاقيل=مثل الاسد يضرب ولاهوب حردا

لاهنت يابومطر

 

 

 

 

[معلومات العضو ابو زيد الغييثي]

ما شاء الله عليكم

عيني عليكم بارده

صح اللسانكم ملايين و تفاعل رائع وجميل

لا بيات ابو جميل

كم اتمنى من الزلامي الاطلاع على مجاراتكم

 

 

 

 

[معلومات العضو سالم الخضراني]

شكرا للاستاذ المبدع خميس الغييثي

وشعرانا ما قصروا بالمجاراه الله يعطيهم العافيه


تحياتي

 

 

 

 

[معلومات العضو مبارك بن الجوير]

ابوشييييخة
مساك الله بالخيييييير
موضوع شيّق وراق لي والله
لكني والله فخووور بربعنا عسى الله يوفقهم
<< ماخلوا له قافٍ ماشاءالله ماتطرقوا له>>
وابو جميييل علم فالشعر
عسى الله يطول عمره وتسلم يابومطر هلى
الموضوع وطرحه ..
واتمنى هالمجاراة تلقى الرضا...

ترى العلا يا رشيد للراشد مقيل=طايله لو ترشده ما طال شِرداء
يوم المراجل فالمحاجل خلاخيل=لابارك الله فالردي جال مرداء
الله شرع للناس تربع بلا ميل=قاله نبيّه في رُوّآء لِإءِبنْ درداء

 

 

 

 

[معلومات العضو وسن]

صحت الالسن يعطيكم العافيه

 

 

 

 

[معلومات العضو راشد المسعري]

صح الله السنت الشعار الكرام

وبصراحة اعجبني شاعرين بقوة ولاني بذاكرهم عشان ماابلش

ولاهنت يابو مطر

وانا ذكر لي شاعر أو بالأصح ناقد غير دوسري أن في قصيدة الزلامي لغز كبير وبداخل هذه الثلاث ابيات اسماء لثلاث او اربع اماكن لإحدى القبائل لكن حروفها مقطعة بأكثر من كلمة وتحتاج ذكاء.
والله اعلم

 

 

 

 

[معلومات العضو عبدالله الحافر الغييثي]

صح لسان الشعراء ابداع رائع وننتظر باقي العملاقه للمجاراة

 

 

 

 

[معلومات العضو خالد المشاويه]

مرحبابك يابومحسن

وانا مثلك سمعت ان الابيات مقصود فيها حاجه

لكن في لقاء للزلامي

يوضح انه كتبها وعجز عن تكملتها بسبب انه لو جاب بيت رابع مايجي نفس مستوى اللي قبله

وهذا المقطع


http://www.kuwait80.com/tv/watch4676...%8A%D9%84.html