|
|||||||
07-07-2005, 11:39 PM
|
#1 | ||||
|
قصيده تتكلم عن مكانة الابل عند قبيلة الدواسر
اخواني اعظاء منتدى قبيلة الدواسر يسرني ويسعدني ان اهديكم هذه القصيده المتواضعه عسى ان تنال اعجابكم وتقبلوا تحياتي ,,,
قبل ما ابدع خيار المعاني واجيبها= علي كلمةٍ ياجب علي ابتديبها
ابدى بذكر الله ونطلب اهدايته= باياته اللي دايم ٍ نهتديبها والحمد للمعبود والشكر والثناء= فضايله للناس ما ينحصيبها سبحان خلاق الخلايق من العدم= واجالها وارزاقها يعتنيبها خلاق ما بالكون علام ما خفى= مدبر تصاريف اليالي وغيبها مخلوقات ربي جل شانه وقدرته= من الصعب نحصي عدها وتحسيبها ومن بعد ذكر الله بديت بمثايلي= انقى معانيها وادوّر غريبها مثايل ٍ تهدى لمنهو يبيها= عساها مع اهل العرف تاخذ نصيبها ولانيب مادحها يلوموني العرب= فلكن بانزها عن اللي يعيبها واليا جازها عرف الرجال وظمنتها= حكيتها والمستمع بيحكيبها هيت لي الفرصه وقوت عزايمي= اشهر بصوتي والمحافل ماهيبها من منبر التمجيد والمدح والفخر= بالابل وباللي مالعرب يحتفيبها باذكر عطايا الله مع فعل اهلها= اللي بحزات الشقا تشتقيبها الابل رصيد اهل الوفاء متعة النظر= هي زينة الدنيا ولا ينصخيبها الابل تجارتنا وغاية مرامنا= شفٍ لنا واهواية نهتنيبها الابل الى كلٍ تذكر مكاسبه= كسبٍ لنا بين العرب يندريبها الابل ذخيرتنا الى شحشح الدهر= من خير مدات الولي نغتنيبها الابل الى كلٍ مع الوقت باعها= من دونها الاشغال مانلتهيبها نمشي بصالحها ونتبع شفوفها= وكل العلوم الطيبه نحتسيبها دواسر ٍ تنسب لهم كل طايله= دليلها البرهان ما ندعيبها منهم بني عمي هل المجد والثناء= اللي تنزح عن حماها حريبها فرجان في دار العداء تاصل الخطر= وان صاح صياح النذر تعتزيبها مناب منها نقتني كون سودها= طوال الثمن ما كل حظٍ يجيبها لا قبل دخول الوسم وارخى قلايده= حنا الذي صوب الحيا ننتويبها بدو ٍ بداوتنا لنا مصدر الفخر= وبيض المراجل دايم نكتسيبها جدانا قدامنا ذي سلومهم= وسلومهم طول المدى نقتديبها والابل مع كل القبايل سواتنا= جميع الرجال اللي تفاخر بطيبها تمت وصلى الله على سيد البشر= عللى النبي ختمتها وانتهيبها
|
||||
|
|
|
|
08-07-2005, 12:02 AM
|
#2 | ||||
|
صح لسانك يامحمد وابيض وجه دايما معودنا بالقصيد الجزل وجعلك في الوجود
|
||||
|
|
|
|
08-07-2005, 12:19 AM
|
#3 | ||||||
|
|
||||||
|
|
|
|
08-07-2005, 01:51 AM
|
#4 | ||||
|
محمد صح الساااااانك ..... والله جزل جزل جزل ..... ماشالله عليك ...... ياازين مفرداااتك .
|
||||
|
|
|
|
08-07-2005, 08:50 AM
|
#5 | ||||||||
|
|
||||||||
|
|
|
|
08-07-2005, 09:46 AM
|
#9 | ||||
|
الاخ ماجد بن عجاج
[اطلعت على ما ابديت من مشاعر واشكرك كل الشكر
|
||||
|
|
|
|
08-07-2005, 09:48 AM
|
#10 | ||||
|
الاخ دغش البطي
اطلعت على ما ابديت من مشاعر تجاهي وانا مسرور بذلك واشكرك كل الشكر
|
||||
|
|
|
|
09-07-2005, 01:40 AM
|
#14 | ||||||
|
الشاعر المبدع الكبير محمد ابن حشفل "ابومحسن"
بيض الله وجهك على هذي القصيده الجزله والجزل عوايدك وفيت ولا هفيت يابومحسن جعل من ارثك في الجنه على هذي القصيده الغنيه بلمعاني الطيبه. تقبل من احترامي وتقديري يالنشمي اخـــــــــوك / فــــــــهـــــد الـــــغــــريــــري,,,
|
||||||
|
|
|
|
09-07-2005, 06:28 AM
|
#15 | ||||
|
الاخ فهد الغريري
اطلعت على مابديت من مشاعرك تجاهي بيض الله وجهك يالطيب تقبل تحياتي
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قبيلة الدواسر ومحاولات التأليف عنها | مسفر بن محمد الشرافي | :: قسم تاريـخ قــبـيـلة الــدواسـر :: | 40 | 29-05-2012 02:11 PM |
| التغطية المصورة لحفل المسابقة الشعرية الأولى لموقع قبيلة الدواسر الرسمي | الإداره | :: قسم المسابقة الشعرية السنوية للموقع الرسمي لقبيلة الدواسر :: | 17 | 11-12-2010 11:09 PM |
| التغطية المصوّرة لحفل إفتتاح مبرة قبيلة الدواسر الخيريّة بدولة الكويت. | الإداره | :: قسم اللقــاءات والفعاليات والتغطيات الخاصة:: | 16 | 22-11-2010 09:44 AM |
| تغطية الموقع الرسمي للقبيلة لحفل قبيلة الحراجين برعاية الشيخ محمد بن فهيّد آل ملحم شيخ قبيلة الحراجين المقام على شرف قبيلة الغفران آل مره . | الإداره | :: قسم اللقــاءات والفعاليات والتغطيات الخاصة:: | 18 | 19-07-2010 12:45 AM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 06:59 PM
