أقرررررررررب ندا....

**معلومات** **العضو** · 10-02-2006, 02:32 PM

أقرب ندا ياربعنا أقرب ندا = يالابتي ياسعد منكم محزمه
صوت وصدى يالابتي صوت وصدى= شاعر وفي راس الجبل رز علمه

**معلومات** **العضو** · 11-02-2006, 02:33 AM

مرحبا بك يابن العم ومسهلا

يشرفني اني العب معك اذا سمحوا لي الربع واستلم

طول المدى نفخر بها طول المدى=عز الدواسر ما احد بيوم ثلمه
وفوق الهدا لك نرفعه فوق الهدا=ياشاعر للطرق جود ونظمه

**معلومات** **العضو** · 11-02-2006, 03:24 AM

لاهنتو يالربع متابعينكم واصلوووووووو

انا ماسك الصف

**معلومات** **العضو** · 11-02-2006, 08:03 AM

نرحب بالشاعر الجديد/ماجد الدوسري

ارحب تراحيب المطر

حياك الله في منتدى الجميع

بدايه جزله مايجيبها الى شاعر جزل

نتمنى لك الاستمرار معنا لتفيد وتستفيد

الشاعر الكبير/ وسام العصا

صح لسانك يالقرم

مشاء الله عليك على جبهتين يالقرم

شاعر مميز كل يوم يبهر الجميع بابداعه

نحن من المتابعين نتمنى متابعه اللعب

**معلومات** **العضو** · 11-02-2006, 02:53 PM

ماجد الدوسري ووسام العصا

ما شاء الله تبارك الله بداية قوية للجميع وأتمنى أن تتحفونا بمحاورة شيقة نستفيد منها كمتابعين وشعار والله الله في اللعب الزين وترانا في صفكم جميع . ولكما الود والتقدير ،،،،

**معلومات** **العضو** · 11-02-2006, 05:20 PM

الاخوة وبين العم

وسام العصا

مطلق الحصان آل عمار

ابن وتيد

ابو عبدالمحسن المسعري

حياكم الله جميعا والساعة المباركة اللي جمعتكم كلكم والله لا يهينكم على الحضور الطيب والمشجع .

اخوي وسام العصا:
تسلم على الرد والمعذرة على ا لتأخير .

**معلومات** **العضو** · 11-02-2006, 05:48 PM

يسلم لسانك يابعيد من الردا = ياعون ابن عمه ليا منه زهمه
خلك معي والليل توه مابتدا = ناطا الدروب الواضحة والمبهمة

**معلومات** **العضو** · 11-02-2006, 11:35 PM

وانا يابن عمي والله ان لي الشرف بمثلك وشرواك

تاه الجدا هو علمنا تاه الجدا=والكبش ماله نفع من دون شحمه
توه عدا من بيننا توه عدا=برق بدربك لا سرينا ما اظلمه

**معلومات** **العضو** · 11-02-2006, 11:40 PM

اساتذتي وابناء العم / مطلق ال عمار / ابن وتيد / ابو عبدالمحسن المسعري

حياكم الله وبياكم والعذر على القصور

و بامر الخدمه للقروم شرواكم

اخوكم وتلميذكم / وسام العصا

**معلومات** **العضو** · 12-02-2006, 12:41 AM

لاجلك فدا ياصاحبي لاجلك فدا = نرجع على الطرق القديم ونحكمه
لاحد يحدا عن صاحبه لاحد يحدا = وسام قلّي ويش وسمن تاسمه

**معلومات** **العضو** · 12-02-2006, 12:44 AM

صح السانك يا ماجد

وصح السان شاعرنا الكبير وسام العصا

**معلومات** **العضو** · 12-02-2006, 12:49 AM

صح بدنك ياعابر سبيل ومشكور على المرور الكريم وشكرن لمتابعتك يالغالي

**معلومات** **العضو** · 12-02-2006, 01:11 AM

الحمدلله على السلامه ياعزوتي

استلم

ما قد غدا فى طرقته ما قد غدا=احمد الآهي يوم رده بقدمه
مثل السدا اليا ارتدم مثل السدا=الزايدي لا تساله وانت بفمه

**معلومات** **العضو** · 12-02-2006, 01:41 AM

صح الله ألسنتكم

واصلوا ونحن متابعين لكم

تقبلوا كل الود والتقدير

**معلومات** **العضو** · 12-02-2006, 02:57 AM

صحت السنتكم ياشعار

والله لايهينكم

واصلوووووووووا

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية