دمع القلم ... خد الأوراق

[معلومات العضو حزين الحرف]

دمع الورق
السلام عليكم ورحمة الله وبركاته اخواني
أعضاء هذا المنتدى المميز هذي أخر قصيدة
كتبتها بدموع القلم الذي ارتسم على خد الأوراق
ليشكل هذه القصيدة التي أتمنى أن تحوز على رضاكم وإعجابكم
لكم القصيدة ولي الشرف بمروركم عليها وردك

دمع القلم ينزف على خـد الأوراق=يكتب تفاصيـل الـوادع الحزينـة
حيرة سهر غيرة قهر هـم إرهـاق=علة شقى قلة لقـى هـم غبينـة !
هذي حياتي من بعد هجـر وفـراق=من شافني تمتـم حـزن ياعوينـه
كلن رحم حالي عـواذل وعشـاق=وانتي يا اغلا الناس ما ترحمينـه
ماهو بصدري بس من غيبتك ضاق=حتـى شـوارع حيّنـا والمدينـة
من بعدها دنيـاي ماعـاد تنطـاق=وأصبحت لأحزاني وهمـي رهينـة
الفرح وشهو الفرح غير أبني العاق=وأشد صدمات الأبو مـن ضنينـه
والحـزن رجـالٍ غثيـثٍ ولـزاق=وذب الميانة حيـل بينـي وبينـه
والحظ من صغري وأنا حظي معاق=يبغى الوقوف ولالقى مـن يعينـه
والبعد قاضي حاكم بقطع الاعنـاق=والصـد سيافـة وأنتـي عوينـه
والشوق ناره تحرق ضلوعي احراق=والذكريـات الماضيـة بانزيـنـه
والشعر لازاد الحزن صـار معـلاق=أخلع ثياب الحـزن فـي راحتينـه
أقطف من زهور الشعر كل مـالاق=فلـة وريحانـه مـع ياسميـنـه
وأسبح فبحره وآتعمـق بالاعمـاق=وأطلع وفي يـدّي جواهـر ثمينـه
ويقول بعض الناس لـك رب رزاق=يعوضـك عـن الحبيـب وسنيـه
وأقول لـه وآنـا تخنـق تخنـاق=وينه حل يالزيـن يانـاس وينـه
اللي جمع زينٍ على طيب الأخـلاق=ماغرتـه دنيـاه وأطغـاه زيـنـه
تجمعت مـن حولـه آراء واذواق=كلّـن يأشـر لالمـحـه بيديـنـه
سبحان ربٍ جامـعٍ ليـل وإشـراق=الليل شعره والصبـح فـي جبينـه
وحمرة خدوده كنها حمرة أشفـاق=والنحل يجني الشهد مـن شفتينـه
ورموشه سهامٍ والاقواس الأحـداق=كم فارسٍ أصبـح ضحيـة لعينـه
ولبيـه ياخظـنٍ يغرّقنـي إغـراق=ولبيـه ياعنـقـه وياخوختيـنـه
غيره ليامن صـد بألفيـن طقـاق=ولاصد عذبنـي الخفـوق وحنينـه
الله يجازيهم غـدى الدمـع دفـاق=وصحـو بخفاقـي جـروحٍ دفينـة
وش لون ما اشتاق لا والله أشتاق=شوق الصغير اللـي فقـد والدينـه
خايف يطول البعد ويمـوت خفـاق=صرتي هـواه ومـاه ياأكسجينـه
وماينفعك لاألتفت السـاق بالسـاق=تبكين مـن زود النـدم والغبينـه
وبهديك دمعة حزن في وسـط الأوراق=تحكي تفاصيـل الـوداع الحزينـة

وسلامتكم
اخوكم
عبد الرحمن سعد الدوسري
حزين الحرف

 

 

 

 

[معلومات العضو قديم الشوق]

يشرفني أن يكون ردي هو الأول

وصح لسانك يا ابو سعد

قصيدة شامخة من شاعر جزل وغني عن التعريف

شكرا ً لك من الأعماق على هذا الإمتاع

وتقبل فائق تقديري واحترامي

أخوك / قديم الشوق

 

 

 

 

[معلومات العضو كرباج]

الله الله.. قصيدة ممتازه!
بصرااحه لو قلت ماقلت ما اكفيت
ودي اكتب تعليق يليق بهذه القصيدة الجزله
لكن وانا اخوك انا ماشي الحين..
جزيت خير ولا هنت

 

 

 

 

[معلومات العضو بوحمد الحمد]

عبد الرحمن سعد الدوسري



صح السان يا القرم

وبيض الله وجهك

كلمات في قمة الروعه

وان شاء الله ماتحرمنا من اي جديد

دمت بكل خير

لك سلامي وتقدير

دمت بود

 

 

 

 

[معلومات العضو ابوعبدالعزيز]

صح الله السانك يابن العم على القصيده الجزله

 

 

 

 

[معلومات العضو العماني]

الشاعر (حزين الحرف) عبد الرحمن سعد الدوسري

صح الله لسانك واعتلا شانك على القصيدة الطيبه ، ولاهوب غريب عليك كل ماهو طيب

تقبل تحياتي،،

 

 

 

 

[معلومات العضو أبونواف الدوسري]

الشاعر (حزين الحرف) عبد الرحمن سعد الدوسري

صح الله لسانك واعتلا شانك على القصيدة الطيبه ، ولاهوب غريب عليك كل ماهو طيب

وفقك الله وسدد خطاك

تقبل تقديري وأحترامي

 

 

 

 

[معلومات العضو حزين الحرف]

أخوي الغالي
قديم الشوق
يسعدني ويشرفني أن تكون اول من يرد علي
لك مني كل الود والورد

 

 

 

 

[معلومات العضو حزين الحرف]

كرباج
صح بدنك ولاهنت
ألف شكر على ردك الجميل لك الشكر الجزيل

 

 

 

 

[معلومات العضو حزين الحرف]

بوحمد
صح بدنك ولاهنت
لك ودي

 

 

 

 

[معلومات العضو رائــــــــــد]

صح لسانك واعتلى شانك


لك مني فائق الاحترام والتقدير

ودمت بخير

 

 

 

 

[معلومات العضو فهد بن مبارك الودعاني]

صح السانك يالذيب وبيض الله و جهك

قصيده

جزله

من

رأس

جزل

لأهنت يأبن العم...



تقبل مني أرق التحايا و أعذبها من أخوك.....

 

 

 

 

[معلومات العضو حزين الحرف]

أبو عبد العزيز
صح بدنك ولاهنت
لك ودي

 

 

 

 

[معلومات العضو حزين الحرف]

هايف العماني
صح بدنك ولاهنت على الرد
بيض الله وجهك لك ودي

 

 

 

 

[معلومات العضو فهدالمحيسن]

صح لسانك