مراسيل واعلوم

[معلومات العضو بن الجراح]

مــراســــيل واعـلــــوم :

لا تـحـتـــري مـنــي مــراســيل واعـلــوم = وانــس الـذي ما بينـنــا صــار مـاضـــي
أقـــرأ عــليــه الفاتـحـــه ذاك مـرحــــوم = والمـــوت حــقّ ولا عــليــه اعتــراضـي
والهــرج بالمــاضي هــذر لـيـل واحـلـوم = وش منفعة قــولً من الفــود فــاضـي
حــظّ الفتــى يظـهــر للأعـيـان مــرســوم = ويا قــلــب حـــذراً لا يجيــك امتـعــاضـي
كـــلٍ ولـــه مـقـســــوم ياتـيـــه محتــــوم = امــا ارتـفـــع ولا يجـيـــه انـخـفـــــاضـي
ومن لا نفـعـني يــوم انـا كــنت مــزحــوم = وش لـي بشــوفــه لا غشــــاه البيــاضي
واليــوم لــو صــديـت مانـــــي ابمـلـيــوم = عــن صــاحـــبٍ يـــوم الملازيـم جــاضي
ضيّــع ثمــان ســنيــن في معـضـلة يـــوم = اللــي مــن اول مـا بغـيــــري اعـتـاضـي
جـيتـه جـفـــاني والســبب غيــر مفهـــوم = واصبح ســـبب في ضيتقتي واغـتياضـي
واصبحـــت انا في رايه الخـاص متـهــوم = ونـفّــذ بـي الاحــكــام مــن دون قــاضــي
ولا مســتشــار ولا محـــامـي مـن القــوم = ومـن كان خصـمـه قــاضـيٍ مـن يقـاضـي
مثـل الغـريــق اصبحـت وافخـتـني العــوم = والمـوج عــاتــي والشـــواطي اعـراضـي
ولـو عنــدي مـن الغيــب رسٍ ومـعـلــوم = كـــان اتـجــنّــب مـــثل هـــــذا اركـاضـــي
ابــي اتحـــذّر والحــســد يـرمـي الحــــوم = امــا ذبـــح ولا تـجـــي بـــه امـــراضــي
وانحي الجرب عن فاطري وافرق السـوم = ادفـــع مـــوارد نـاقـتـــه عــن احـياضــي
واليـــوم يكـفـينـــي تعــب بال واهـمـــوم = صبــري تـعـــدى كـــل حــــدٍ وفـــــاضــي
يامــا احتملــت من الخطـايا عـلى الــدوم = وياما احتفظــت مـن العـلــوم احتـفـــاضـي
وانــا فـــلا مــعــنــي ومجبـــر وملـــزوم = اعــاملــه فـــي روح رجــــــلٍ اريــاضــــي
ويا ليــت هـــذا حــلــم يذهــب مع النـوم = كـان ابريـّــح القلـــب مـــن جـرح هــاضـي
ولا أحــدٍ مــن الــزلات خـالي ومعـصوم = ومـن تـــاب يـغـفــر لـــه ذنــوب اغـــلاضي

محمد بــن ســوعـان الـربيّـع