|
|||||||
07-02-2011, 07:31 AM
|
#1 | ||||
|
قصة مرشد البذال
مرشد البذال شاعر معروف وبارز توفي سنة1990 كانت له قصه واورد فيها قصيده طويله .
كان مرشد نازل في مدينه وهو كان بدوي ومتعلق بالبداوه ويدور الفرص علشان يطلع للبر ويتذكر حياة البداوه بماتحمله من صفاء النفوس وترابط ومعزه وكان كل ماطاح الربيع يطلع للبر ويتماشى ويسير على البدوا ويسولف معهم فالباديه معدنهم اصيل ويرحبون بالطرقي ولايسالونه عن حاجته ويكرمونه . المهم طلع مرشد في وقت ربيع وكان يلقط الزبيدي لحاله ولاحوله احد متشطر عن قطين بدوا حوله يوم درى لاهاك البنت مع غنمها خجلت البنت واستحت وفي ذلك الوقت كان العفاف والاصاله قويه في قلوب الناس فلايمكن ان حتى يفكر مجرد تفكير بمايمس الحياء نشدها مرشد من اي العرب هي وعن اهلها ويقول كانت من شدة حياءها مطمنه راسها وتفرقع اصبعه اذا ناظرت , درت ان مرشد طرقي ولاهو من اهل الديره وسالته عن حاجته قالها جاي اتمشى والقط زبيدي شافت البنت الزبيدي اللي مع مرشد قليل وعطته البنت بعض الزبيدي اللي معها وقالت حنا قريب من الديره واي وقت نبغى الزبيدي نحصله اما انت جاي من بعيد ومتكلف المهم اخذ مرشد الزبيدي سالها مرشد قال انتم مبطين هنيا قالت لنا حول خمس سنوات راحت البنت من عند مرشد وتعلق قلبه بها قعد مرشد في البر يومين ورجع للديره وقص قصته على واحد من اخوياه ووصف مرشد حياء البنت وعفتها وحسن منطقها وكلامها نقد علاه رفيقه وقال انت فاضي للعلوم هاذي لا تلقيها بال البنات واجد والعشق واجد تلقى غيرها ملايين . رجع مرشد بعد حوالي ستة شهور لنفس محله ونوى يخطب البنت من اهلها واخذ كسوه وقهوه وغيرها وراح يم اهل هاك البنت يوم جاء لمحلهم اليا هم شادين ولا يدري مرشد وين ديارهم وزود على كذا انه بعد ماعرف اسم اهل البنت قعد مرشد والندم يقطعه ومر على مكان لقاءه بالبنت وتذكر جميع ماجرى بينهم من كلام ولم ينم تلك الليله واللي زاد في حزنه اصوات الذيب اللي تشعر بالوحده والغربه اصبحه الصبح وماطاب عينه نوم وتمثل بقصيده طويله منها هاذه الابيات : البارحه جاوبت لي حـس عـاوي ذيبا عوى جاوبت بالصوت وايـاه ذيبا يجر الصوت كانـه خـلاوي وياقلبي اللي جاوب الذيب بعـواه والصبح بانت في ضميري اهاوي جريت صوتا ليـت خلـي توحـاه يادار ماشفتـي ضبّـي المطـاوي اتلا علامي بـه غشنـك رعايـاه وانا على شوف الحبّيـب شفـاوي كانـه هنيـا خبرينـي بمسـسـاه قالت لي الاوطان قلـع ضحـاوي اليوم راس الرجـم هـذا توطـاه امسى هنيا واصبح اليـوم نـاوي يتلي سلـف بـدوا بعيـدا معشـاه كشف لهم برقـا سديـدا عشـاوي يخيلونـه يـم خـشـم المسـنـاه يبـون مرباعـا بهـاك الحـراوي اليا زاف زملوقه وشبعت رعايـاه اخذ الخبر ماهوب خرص وهقاوي اعطيك علم صويحبك ويـن تلقـاه ادنى مرابيعـه بخشـم الصـداوي وبيـوت مقياضـه بقريـه مبنـاه مير اطلب الله لو صوابك مخاوي كم واحـدا قبلـك عشيـره تمنـاه يالعيـن ماينفـع كثيـر الشكـاوي الا على اللي دبر الغيـث وانشـاه ياونتـي ونـة وحيـدا جــلاوي اللي سبب دينه من ادنـى دنايـاه ولا خلافه مـن يحـل الدعـاوي لا صار ربعه منـه تبـا المثـاراه عليك ياللي لـك بقلبـي مكـاوي ثلاث كويـات هـوادي وعرقـاه عقبه فقدت من المنـام الحـلاوي وحتى متاعي قامت النفس تجفـاه يا لايمـي لعـل مالـك عـراوي بـلاه مـا ولعـك بالحـب حليـاه من لايعرف الحب عنـده دعـاوي يشره علـى راع المـوده ويشنـاه ويقول هذا فـي مماشيـه غـاوي وحنـا نـدل الـدرب والحمـدالله يالله عسى مثلـه كثيـر الهـزاوي يبلا ببلـوى مـن لسانـه تهـزاه حتى يعـرف ان المحبـه بـلاوي ويشوف مثل اللي من الحب شفناه عساه يبـلا فـي محبـة حيـاوي حب الهنوف اللي يحده على اقصاه تفرى ضميره فريّ دلو الـرواوي اليا صفقاها الجال من حـد ملقـاه اليا لجلجتـه بالنظيـر السهـاوي كلامهـا لبيـه عـن قولتـن هـاه كلامهـا للقلـب مثـل المـداوي اللي عرف علـة مريضـه وداواه ياربـي انـي بالتفاتـك رجـاوي تلم شمل الولف من عقـب فرقـاه لوتنفـع الفزعـات ولا النخـاوي على المحبـه كـان كـلا نخينـاه مار الرجاء والياس صار متساوي ياقلبي اصبر فـي تدابيـر الالـه لو مابقي في حالـك الا شـلاوي مادبر الوالي على العبـد يرضـاه وتقبلووووا سلامي
|
||||
|
|
|
|
07-02-2011, 11:41 AM
|
#2 | ||||
|
رد: قصة مرشد البذال
ياسلام ياسلام
|
||||
|
|
|
|
07-02-2011, 01:11 PM
|
#3 | ||||
|
رد: قصة مرشد البذال
الله يعطيك العافيه ي نسيم الفيافي
|
||||
|
|
|
|
08-02-2011, 12:14 PM
|
#4 | ||||||
|
رد: قصة مرشد البذال
من قال سالم
|
||||||
|
|
|
|
09-02-2011, 12:56 AM
|
#5 | ||||||||
|
رد: قصة مرشد البذال
كلامهـا للقلـب مثـل المـداوي *** اللي عرف علـة مريضـه وداواه
|
||||||||
|
|
|
|
12-02-2011, 10:10 PM
|
#6 | |||||||||
|
رد: قصة مرشد البذال
اقتباس:
عفاك الله الرائع هو مرورك على متصفحي
ولك خالص تقديري
|
|||||||||
|
|
|
|
15-02-2011, 02:45 PM
|
#8 | |||||||||
|
رد: قصة مرشد البذال
اقتباس:
الله يعافيك يابوفهد ولاهنت على المرور
تحياتي وتقديري
|
|||||||||
|
|
|
|
19-02-2011, 02:03 PM
|
#9 | |||||||||
|
رد: قصة مرشد البذال
اقتباس:
الله يعافيك ولاهنت على المرور
تحياتي وتقديري
|
|||||||||
|
|
|
|
20-02-2011, 11:33 PM
|
#10 | ||||
|
رد: قصة مرشد البذال
لاهنت يانسيم الفيافي على ايراد القصه والقصيدة
|
||||
|
|
|
|
21-02-2011, 04:54 PM
|
#11 | |||||||||
|
رد: قصة مرشد البذال
اقتباس:
لاهنت يابو مطلق ويكفيني مرورك العذب
تحيــــــــــــــــــــــــاااااااااتي و تقــــــــــــديري
|
|||||||||
|
|
|
|
22-02-2011, 05:56 PM
|
#12 | ||||
|
رد: قصة مرشد البذال
قصه رائعه وابيات جميله
|
||||
|
|
|
|
23-02-2011, 12:24 AM
|
#13 | |||||||||
|
رد: قصة مرشد البذال
اقتباس:
سلفر لاهنت على المرور
|
|||||||||
|
|
|
|
27-02-2011, 01:20 AM
|
#14 | |||||||||
|
رد: قصة مرشد البذال
اقتباس:
لاهنت يابوذعار على مرورك للمتصفحي
دمت ودام ابداعك
|
|||||||||
|
|
|
|
02-03-2011, 12:41 AM
|
#15 | |||||||||
|
رد: قصة مرشد البذال
اقتباس:
عفاك الله ولاهنت على المرور
تحياتي وتقديري
|
|||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 3 ( الأعضاء 0 والزوار 3) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| (رواد وأحفاد) يتناول سيرة مرشد البذال وعلاقته بالسديري | المسعري | :: قسم مناسبات وأخــبار الـدواسـر :: | 4 | 04-01-2011 04:40 PM |
| الدراسة التفصيلية الكاملة لشعر المحاورة | عقاب بن هذال ال بريك | :: قسم المــحــاورة والألــغـاز:: | 8 | 09-10-2010 08:54 PM |
| قبيلة الدواسر تساند وتدعم مرشح الدائرة العاشرة - الصباحيّة السيد بدر بن ناصر بن خالد بن ادريس الحقباني الدوسري | الإداره | :: قسم الإنتخابات البرلمانية والبلدية ومجلس الأمة :: | 8 | 09-06-2009 01:49 AM |
| التغطية المصورة لندوة الثانية لقائمة «التحالف لأجلكم» بعنوان «مرسوم قانون الإستقرار المالي .. ترك المواطن وسط ديونه وأنصف التجار» | الإداره | :: قسم الإنتخابات البرلمانية والبلدية ومجلس الأمة :: | 3 | 05-05-2009 04:08 PM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 11:42 PM
