قصيدة في مناسبة زواج محمد بن مناحي ال غانم الدوسري وموقف الشيخ جماح بن فهد ال قينان الدوسري الرائع معه

[معلومات العضو شلعان ال عمار]

ما نخلف الموعد ولا نجحد الطيب = والـلـه يعـــز الدين ويديــم الافــــراح
عن ماقفي مالي مصد وتجنـــيب =والشعر حانت فرصــتــة والسعد لاح
هجسي يوردني عذي المشاريب = وعندي لبــيــبان الطــواريق مفتــاح
سلام ياللي تكملون المواجـــــيب =يالاد بــن عمـــــار زاهين الامـــداح
خيالة الجدعا زحول المطالـــــيب =اليــا تســـاون الخســـاير والامــداح
وقفاتهم تضمن كثير المكاســيب =وفزعاتهم يفرحبهــا صــايح صـــــاح
نزالة القفر المطرف لياهــــــــيب =بجمــوع ودروع ومهــاديف ورمـــاح
صفقاتهم ترعب قلوب الاجانيـــب =ولاولـــع البـــارود يهــــدون الارواح
واهدي تباريكي بعدهابترتــــــيب = لبو مناحي عد كشـــاف الاصبــــاح
مبروك يامحمد عسافالك الصيب =وارجو لك التوفيق والبــال مرتــــاح
هذاوباقي في ضميري هناديـب =تشـمل هل الجدعا وتختص جمــاح
ابو فهدراع الوفا والتراحـــــــــيب = تهيظ له كل القـرايح والامــــــــداح
اللي ليا دارت سيور الدواليـــــب =ميـــاح دلـــوه عن ثلاثيـــــــن مياح
لانوخت بحمولها شمخ النـــــيب =اركا لها متــن للاثقــــال نطــــــــاح
متن العديم اللي لربعه مقاظيب =من شدبه خمســــه تعلا ولاطــــاح
حتى يعديبه بروس المراقــــيب =لـن النــــوادر فالشواهيق ترتــــــاح
عوق الخصيم اللي يشب المشاهيب =عون الرفيق اللي من الوقت من لاح
وريف الضيوف اللي يبون المعازيب =للــبن حــراق وللــحيل ذبـــــــــاح
مايجحد المعروف كود المذاهيــــب =صقور السواليف مالها ريش وجنـــاح
اوجزت ما فصلت كل المكاتيــــب =الوقت ضـــيق والشواعير لحــــــــاح
تم الجواب وتطلع الشمس وتغيب = وكم باقي يبــــقا وكــــم رايــــح راح
شاركت في حفلة هل العز والطيب = باركت للمعرس وواجهت جمــــــــاح

الشاعر
محسن بن فالح ال شكره الدوسري

 

 

 

 

[معلومات العضو شلعان ال عمار]

السلام عليكم اا عضو جديد ارجو منكم الترحيب وارجو ان تحوز القصيده على استحسانكم

 

 

 

 

[معلومات العضو ابو زيد الغييثي]

اررررررررررررررررررررررحب تراااحيب الحيا

" شلعان آل عمـــار "

حياك الله من نجرااان إلى حايل و برزان

يا مرحبا و ياهلا و حياك الله و المنتدى منتداك

و أنت بين ربعك و أخواانك و لاهنت يا كحيلااان

على نقل هذه الأبيات و صح اللسان محسن بن فالح ملاييين

و أعذرني على تنسيق الأبيات

أخووك / ابو زيد

 

 

 

 

[معلومات العضو عبدالله الحافر الغييثي]

كفو وسبعين نعم وصح لسانك واعتلى شانك ومرحبا بك ومرحبا مع بني عمك وولدك اللي انتم خواله اول من رحبك ولاغريب الطيب منه فالولد ان طاب طيبه من خواله

 

 

 

 

[معلومات العضو سالم الخضراني]

ارحب يا شلعان حياك الله


مرحباً بك في محلك الثاني

 

 

 

 

[معلومات العضو عقاب بن هذال ال بريك]

ارررررحب يا شلعان . . .

حيك وحي ماجبت . . .

صح لسان ابوفالح . . . ويستاهل جماح . . .

ولاهنت على النقل وبيض الله وجهك . . .