قصيدة في قبيلة الشكرة

[معلومات العضو محمد بن حمد الشكرة]

مساكم ورد يالابتي ياعزوتي ياالصناديد وأقول بيض الله وجه حسين بن براك على هذه الحفل الضخم الذي سيقام في الكويت وعز الله أنها خطوة مباركة للم شمل القبيلة وأنا عندي طلب عندي قصيدة على شان الحفل وودي ألقيها فيه بعد إذنكم وإذن الموقع بس القصيدة مدح في ربعي الشكرة وألا الدواسر لهم حق وهم تاج على راسي ولا هي في الشكة :

يازين سج القدم والنفس مسرورة =وشوف رجال لهم الطيب مدهالي
سلام الله عد بيوت الشعر وبحوره =من شاعر جزل يكتب جزل الأمثالي
يكتب بيوت الشعر وماخذ دورة =قصايده جزلة في كل الأحوالي
سلامي عد ماطلع البدر مع نوره=سلام يالابتي ذربين الأفعالي
أهل الكرم والفخر عداها مقهورة =سلام يامزودين الكيل مكيالي
الشكري فعوله عند الناس مشهورة =ربعي هل الست هم شجعان وأبطالي
لا شاش راسي كتبت الشعر بسطوره =في ألاد شكر مافيهم شك وجدالي
أميرنا القرم ساس المجد هو سوره =أبو مناحي أميرنا فخر الأجيالي
أنت أمير الكرم والطيب دستوره =كسبت حب الجميع وأنت عندنا غالي
وأسلم وسلم أعداد العشب وزهوره =من شاعر جزل يكتب زين الأقوالي

سوالم

 

 

 

 

[معلومات العضو فيصل بن جزاء]

الاخ محمد بن حمد الشكره صح السانك وكفو بني عمنا الشكره يستاهلون

المدح هل الست ولاهنت وبيض الله وجهك

واسمحلي ياابو حمد على تنسيق القصيده لتبدو جميله امام القراء

تقديري واحترامي

 

 

 

 

[معلومات العضو الشقرديه]

صح لسان الشاعرولاهنت
الشقرديه