قصيده عن شهر رمضان ,, يامرحبا باغلى الليالي والايام ؟

**معلومات** **العضو** · 12-08-2010, 07:40 AM

ومع ظهور هلال شهر رمضان الكريم ... كان للشاعر الرائع و المبدع</b>
الشاعر / احمد مناور الميموني</b>
هذه</b>
الــــرائـــــــــــــــعــــــــــــة</b>

///////

يامرحبا بأغلى الليالي والايام
........................ اعداد ماهلت على الارض غيمه
يامرحبا بشهر(ن) به صيام وقيام
........................ افضل شهور العام قدر(ن) وقيمه
شهر(ن) صيامه رابع أركان الاسلام
........................ شهرن به أيام وليال(ن) عظيمه
شهر(ن) عظيم وفيه نرتاح كل عام
........................ وقلوبنا في جيتــه مستهيـمه
على فراق ابليس وأعوان الاثام
........................ نفرح بجو(ن) فيه ونس وغنيمه
نقضي تلاوات وصلاوات وصيام
........................ وندعي ونبكي من الخطا والظليمه
ومابين تفطير وصلة كل الارحام
........................ واطعام مسكين وكفالة يتيمه
وعمره تعادل حج مع سيد الانام
........................ وليلة قدر عن الف شهر(ن) سليمه
ودفع الزكاه وبر ووصال واكرام
........................ اسباق في نيل الاجور الكريمه
اللي لها الله ضاعف أرقامها أرقام
........................ والله رحيم(ن) بالنفوس الرحيمه
وياشين حظ اللي بها الشهر ماقام
........................ وياحظ من له استعد بعزيمه
تركض بنا الأيام قدام قدام
........................ ولاقدمنا غير القبور المقيمه
ويوم(ن) عظيم(ن) فيه أهوال(ن) اعظام
........................ مافيه الا فــــوز والاهزيمه
ومن فاز فاز بجنة(ن) فوق الاحلام
........................ ومن هو خسر ذاق العذاب وجحيمه

....

صح لسان الشاعر
ويالله عسانا من من يصوم ويقوم رمضان ايماناً واحتسابا
آمين ..

**معلومات** **العضو** · 13-08-2010, 02:33 AM

صح لسااان الشااعر الله يقدره ويكتب له الأجر

وصح لسانك وكتابتك لها هنا وفقك الله ورزقك التوفيق في عباداتك وصومك

تقديري واحترامي .. *

**معلومات** **العضو** · 13-08-2010, 02:46 AM

صح لسان شاعرها وبيض الله وجهك ياناقلها
انتقاء ممتاز يدل على علو ذائقتك الشعريه يابوحمد
تقديري واحترامي

**معلومات** **العضو** · 13-08-2010, 03:20 AM

صح بدنك خياليه ,, الله يعطيك العافيه على هذا المرور والكلام الجميل

وفقك الله

**معلومات** **العضو** · 13-08-2010, 03:21 AM

ووجهك ابيض يابو مطرررر ,, والله لا يهينك على المرور والكلام الطيب

**معلومات** **العضو** · 13-08-2010, 06:00 AM

مبارك عليك الشهر

صح لسان شاعرها وتسلم يد ناقلها

لاهنت يااخوي دغش على اختيارك الطيب

**معلومات** **العضو** · 14-08-2010, 12:52 AM

صح لسان شاعرها وبيض الله وجهك ياناقلها
انتقاء ممتاز يدل على علو ذائقتك الشعريه يابوحمد

**معلومات** **العضو** · 14-08-2010, 05:50 AM

علينا وعليك يابنت الذيب والله يسلمك من النار وعذابه ومشكوره على المرور والرد الطيب

**معلومات** **العضو** · 14-08-2010, 05:51 AM

ووجهك ابيض يابو شالح على المرور والكلام الطيب لاهنت

**معلومات** **العضو** · 14-08-2010, 09:15 PM

صح لسان شاعرها وبيض الله وجهك ياناقلها

**معلومات** **العضو** · 15-08-2010, 08:12 AM

ووجهك ابيض ياللي مريت وثنيت عليها يابو سلطان

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية