[ناح الحمام وقلت يالورق ذا النوح....هيض غرام اللي عن الولف ناحي ] للأمير أحمد السديري

**معلومات** **العضو** · 28-05-2009, 07:20 PM

بسم الله الرحمن الرحيم
السلام عليكم ورحمة الله وبركاته

هذه قصيدة للأمير أحمد الكبير بن محمد السديري رحمه الله المتوفى سنة 1277 هـ

ناح الحمام وقت يالورق ذا النوح=هيّض غرام اللي عن الولف ناحي
لولا الحيا لاصيح وآحن وانوح=وأعوي وأعوّى واعتني للصياحي
وآحن حنّة حاشيٍ هاج مطروح=بحبل اهجرٍ حيّر حوالي المراحي
وأبكي بكا بكرٍ بكت وأبكت الروح=ومن بكوته كلٍ بكى ما استراحي
واعز وآعزّي عن الروح مجروح=والروح راحت والحشا فيه فاحي
نارٍ شعل واشغل شذا منه منضوح=غرايبٍ من غبةٍ ما تماحي
تفيض من غيظٍ غطا لبّة الروح=من حر حامي ماذكرناه راحي
بدارات دوراتٍ من الفكر مصروح=تفجع لجا جاشٍ خبا منه باحي
هاج المودة هجّ لي باب مفتوح=هجن وهجينٍ رايحاتٍ افياحي
افكرت لي فكرةٍ تفكّرت باللوح=قضي القضا لي وانقضت بالصحاحي
وقتك مضى ما قمت به قال مصلوح=قم واقتسم قسمك وقم بالفلاحي

المصدر:
[الإتحاف من شعر الأسلاف] للباحث مبارك بن عمرو العماري ص47

**معلومات** **العضو** · 28-05-2009, 07:32 PM

لاهنت ياخوي العماري على القصيده والله يارحم الشاعر احمد السديري

ولاعدمناك يالعماري

تحيااااااااااااااااتي لك

نايف ابن شميعان

**معلومات** **العضو** · 28-05-2009, 09:31 PM

إختيار رائع لهرم شعري كبير

والله يرحم محمد السديري ويسكنه الجنه

واشكرك على هذا الإختيار

**معلومات** **العضو** · 30-05-2009, 08:24 AM

رحمه الله رحمتاً واسعه و صـــــــح لســـااانه

نقلك رائع ،،

**معلومات** **العضو** · 31-05-2009, 10:40 PM

أشكركم جميعاً على المرور وبارك الله فيكم

**معلومات** **العضو** · 31-05-2009, 10:43 PM

رحم الله السديري رحمه واسعه

كان مدرسه شعريه ينهل منه

شاعر مخضرم قلما يتكرر

لاهنت يالعماري على هذا الاختيار

الدال على ذوقك الشعري الرفيع

أخوك / ابو زيد الغييثي